DI BOLLA 6:2 - Boy Lonana

² Sa ma Lona ɦam begera cocona, sem tii ki coco lay. Va ma bay nam fam kaɗi. Tlesuu nam minisina halaŋ nam fasiya. Na may Lona hinim ka a ti tle asinaɗi. Sa ma daŋŋa ti tle asina ki ni namu. Halaŋ ca ni ŋga tara ɦawaa, loɓ taŋ ki ni ɦawaa.

DI BOLLA 6:2 ပူးပေါင်းရင်းမြစ်များ

DI BOLLA 5:19

Sa namma maa dla mayra ana buu mamma ka ŋgol hu duliyaraɗina kiyo, kay Lona oyom hurum ki u furira.

SOOLLA 17:14

U koŋ aŋu, Yawe, suɗun ki ko suu asina. Asi halni tlesuu asi minisina halaŋ. Hu li ma asi ka hu duliyara, oyosi saa masira u lassa. Las ndaɗta hin ha kay goryosi lay. Goryosi hin hiniɗ ha maŋ masisina may.

SOOLLA 73:7

Hurusi saa ni dla cora sak sak, saa masira hal ni yal ma cona.

1 MULINA 3:13

Tlesuu aŋ joɓosi kaɗina lay ni an hin ɦaŋsina. Ҥiza u bibiŋilla, hu iiri maŋga kay ndaŋgara halaŋŋi sa ma li ko aŋ na kaɗi, duk muli suu ka kay ndaŋgarana halaŋ.

YOORA 5:2

Joomina mbuɗ ki maŋ koyogina wa, zigini mamisina mbuɗ ki maŋ suu ami ka wasiɗina wa.

SOOLLA 39:6

Aŋ ŋgaan fiyek buu manna ni ko teŋel kona ɦawa na. Kak man ma kay ndaŋgarana ni ko va kaɗira na. Na daŋ may suu war suu saɓakŋa halaŋŋi ko semeɗna ɦawa na.

Magaara Vi Sa Jok Vun Lona OZE 7:9

Suu koyogina tam saɓakam may, nam ka wi va dewɗi. Hussa tlum ki kay yam lay, nam ka wi va dewɗi.

DANYEL 5:18

Aŋ mulna, Lo ma Kolo Dayna ɦal mulla, ŋgolla, bibiŋilla u saɓakŋa maŋ Nabukodonosor buŋu.

DI BOLLA 5:16

Nam daɓ buu mamma kay ndaŋgara ni duk ndufunda. Nam ka yoo tam tew tew, tuguɗira lay, kakŋi u yara lay.

DI BOLLA 4:8

Sana vay dam na dew daŋ, wayam kaɗi lay, goorom kaɗi lay, nam li sunda wanni koɗ ta kaɗi, bege ka ndakambi lay, ka joɓ tam ana tle asina an lasi na ni maŋ gegeraɗi lay. Halaŋ ca ni ŋga tara, hin jak ki ni u semeɗna.

DI BOLLA 4:4

An wi suuna loɓ tasi coco kay sun masira gegelay hal ni ana nam fi su ndaramma, halaŋ ca ni ŋga tara ɦawaa, hin jak ki ni u semeɗna.

2 DLAŊ MULINARA 1:11

Lona hin di Salomon ana, «Ko aŋ huruŋ minda na may, aŋ min ka a joɓmi begeɗi, joɓ ka dlara hal ŋgolla ŋga taŋgi lay, joɓ ka ana caŋ cuu babali maŋsina kiyo naɗi lay, joɓ ka buu ma fiyek hu duliyara taniɗi lay. Aŋ hin joɓmi wira u yal ma gi ii dlara na ɗow, a ti mulla kay suu man suu an tiniŋ ana aŋ kak kasiyana.

1 DLAŊ MULINARA 29:28

Nam miɗ ni mbuɗ maara u jivira daɓ buu mamma kiyo, fi bege mamba u bibiŋilla kiyo. Goromma Salomon ti mulla balamamu.

1 DLAŊ MULINARA 29:25

Yawe mbuɗ Salomon ki ŋgolla cocoo fok suu Israelna halaŋ. Nam ɦam saɓakŋa hu mul mamba, mul ma ay ki fok jew kay suu Israelna ma fi saɓakŋa ko nam na kaɗi.

SUU KAƁAKŊA 18:10

Suu agi tuɗ fasi huna ni suu heɓ cocoo, voɗta ki malira ni na mbiŋ. Kay Lona ɦagi mbas ndaɗta ki ni hu duk kogiya. Mbas ndaɗta ni mbassa njaf tlena halaŋ li hura. Va ma bay jiv hu kaɗi.»

GA 8ATAMBARA 28:43

«Ŋgayagi suu cuki dukugina hin mbuɗ ŋgolo suugiya, agi may ni hoŋ ki ni ga na ɗow ɗow.

GA 8ATAMBARA 28:33

Wa ma agi horokomma u vuɗ tlegeyegi suu agi zaarasina halaŋ hin tasi ki ni suu agi ka wasiɗina. Agi ka fi saɓak ma a yow va ay vi suu daŋŋa na ɗow ni kaɗi.

DI BOLLA 5:13

Bege ndaɗta bas ki ni fun dla cora. Lini nam vuɗ ni go njuf lay, go namma hin ka ki ni va ka kombi.

EZAYI 55:2

Agi bas gursura ki kay ti ma ka hoɓogiɗina ni kay mege? Gagi zamalagi ki kay tlesuu ka a hoɓogiɗina ni amege? Humugi haa, humungi vunun haa, tagi tlesuu jivina na ɗow, tlesuu a lagi tagi furira.

DI BOLLA 5:18

Lini Lona ɦal ɦiza maŋ sana, nam ɦam saɓak ma ti u bege mam ndaɗtana may. Nam fi keŋ mamma kay loɓom ma nam loɓma may, ni nam furiya. Li wa na ni ɦalla vi Lonara.