DI BOLLA 5:8 - Boy Lonana

⁸ Ko mul ma kak kay mbassana li ni sa ma min baraɗna ɦayna.

DI BOLLA 5:8 ပူးပေါင်းရင်းမြစ်များ

2 DLAŊ MULINARA 26:10

Nam min zira fiyekka, duɓ u lina lay ni hu mbas mayra hu fulla ŋgoo bagira nara. Nam vek zulla vo mbona maŋ yoorina cocoo kay yoori mamsina ka hu mbassa gara cocoo. Suu horokom senena u suu lam sun gugutluna kom coco lay. Asi ka kolo kay mbura u sene gugutluna kay asi minni sun baraɗna.

JOB 24:23

Doli ɗini nam ka hinisi laki u heɓpa. Irim ka gol poyra vi suu daŋŋa may.

SOOLLA 12:5

Asi di ana, «Ami ndak njaɗ dlara hurumi miniɗta, sa ma dooromi kaɗi, sa ma ndak a ɦeɓemina ni gege?»

SOOLLA 55:9

An hal li ma suɗ tan kina na zak, an ŋgay ki ni ko babaana u mbiriwinda.»

SOOLLA 82:1

Soolla vi Azaf. Lona ay coli kolo huulona duk suu tokina, nam kaɓakŋa kay loogi suu ɦawana.

SOOLLA 83:18

Asi mbuɗ ki zolona li ndaana tew tew, asi ba ha ki hu zolo masi namma.

SOOLLA 95:3

Kay Yawe ni Lo ma ŋgolna, ni mul ŋgol ma kolo kay loogina belna.

VUN ŊGOLNA 22:16

Lassa las sa ma hawra ɦizimmi ɦizi na ɗow. Ҥal tlena ha maŋ sa ma ɦizina ni gam ki ni hawra na ɗow.

VUN ŊGOLNA 24:12

Ka aŋ di ana, «Dla ndaɗta an ka waɗɗi.» Lona wi dla ndaɗta ni namu lini nam di ni gasira ɗowba kaboyna. Nam hin kaɓakŋa kay gegelay ni u dlaamba nam laɗta.

VUN ŊGOLNA 8:17

Suu mininna an minisi may. Suu halanna wi ki gasi ana asi hin fan may.

DI BOLLA 3:16

An wi dlara ka li hu duliyara wandara olo ni, li ma jivira u ɗegeera a li huna, hin li ki hu ni cora hu bay ɗegeera.

DI BOLLA 4:1

Olo ni an ka wi suuna lassa. Suu ndarayasina lasasi ga duk ndaŋgara tanina. Gola suu ka las asina tii cocoo, sa ma ɗilisi irisi kaɗi lay. Saɓakŋa ki ni u suu ka lasasina na ɗow. Sa ma ɗilisi irisi kaɗi.

DI BOLLA 5:9

Sa ma min gursura cocona gursu ndaɗta ka ndakambi lay. Sa ma hal ɦiza cocona ka fi va u ndaɗtaɗi lay. Halaŋ cani ŋga tara ɦawaa.

DI BOLLA 7:7

Ҥeɓpa mbuɗ sa ma wi dlara ki laɓara, ŋgomba ŋgom sana mbuɗ huu sana.

DI BOLLA 8:9

An gol dlara suuna ka laɗ hu duliyara wanda na halaŋ. Suu kaki mulla kay ndarayasinana ni na ew daŋ. Asi ka las ndarayasina usi may.

EZAYI 10:12

Bu Suuna di ana, «Lini an daɓ sun manda ay kolo kay ɦinira Siyonda u Yerusalemba ki wa ni, an hin kaɓakŋa kay mul ma Asirina, kay ŋga taamba u tlira nam tli yam kolora.»

EZAYI 3:15

Agi ɓaɗagi tlena ki ko suu mansina, ɦurum suu hawra ki lay ni kay mege? Di na ni Bu Suuna Yawe, ma Saɓakŋa Kom Belna.

EZAYI 37:36

Hu njeŋge ndaɗtaa gawni, sa sunda vi Yawe kal hu kaŋ ma vi suu Asirina, ci suuna na 185,000 ni njufiina halaŋ. Maɗiira suuna yow ki koloo ni kaŋga ni maɗ suuna na sak sak.

EZAYI 5:7

Sene gugutlu ma vi Yawe, ma Saɓakŋa Kom Belna, ni suu Israelna. Tlesuu zaari hu senena irim jivina ni suu Yudana. Nam a lasi ginni jivira, hin fi huni dlara ka jiviɗira. Nam juɓ ginni ɗegeera, hin hummi tiina vi suu hahawra na ɗow.

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.

EZEKIYEL 18:18

Na may ni bum sa ma li dla cora, ɦul tlesuu vi wayammana layna, min ka a li dlara jivi duk suu mamsinaɗi. Gola nam hin miɗ kiyo. Coomba cammi ndaɗu.

AMOS 5:12

Kay ana an wagi bolow yaagira u ŋgol suluk magina. Agi suu lagi dla cora eg suu jivinana, babalira vi suu jivina, agi gusugi kay suu hawra fun li ma ɓakŋa.

AMOS 6:12

Na ni kulumina jaŋ kay gogoyra su, na ni suuna ndak a zum u mbutlina kay gogoyra su, a agi mbuɗugi ma ɗegeena ki ma cona, vuɗ gu ma jivina ki ma ci suuna su?

MISE 2:9

Boyogi suu vi suu mansinana agi dikisi kiyo, taragelay ay ki hu zi ma ndaɗ minimma. Agi ɓaɗagi jivira an laɗ eg goryosira ki a fafaɗta.

ZAKARI 8:6

Yawe, ma Saɓakŋa Kom Belna, ɓak ana, Lini u suu hinna gol dla ndaɗta irisi loɓo ni, hu buu namma ni an tanda ndak a wi dla ndaɗta irin loɓ lay su? Yawe, ma Saɓakŋa Kom Belna, di na.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

Boy Ma Ayra Ma LUK Ɓiirimma 1:32

Nam hin mbuɗ ŋgola. Asi hin yam ana Goŋ Lona ma Kolona. Bu Suuna hin kakam a mulna balam bum David.

Boy Ma Ayra Ma LUK Ɓiirimma 1:35

Sa sunda huulona daɗ ana, «Musuk Lonara hin mbay kaku, saɓak ma vi Lo ma kolona hin kuluɓ ki kak ko ŋgussa na. Goo ma ndak hin vuɗumma suuna hin yam ana Goŋ Lo ma gasina.

Boy Ma Ayra Ma LUK Ɓiirimma 1:76

Aŋ, goonna, aŋ hin mbuɗ ni a sa jok vun Lo ma kolona. Aŋ hin tuɗ fok Bu Suuna a minim voɗ mamba ni aŋ lay.

SUNDA 12:23

Hu li namma gaw ni sa sunda vi Bu Suuna mba ci Herod piŋ kay nam ka ɦal ŋgolla maŋ Lonaɗi, ɦaɗ ni maŋ tamba. Nam vi tuguɗira cuk ki njufulna ni na gaw hin miɗ kiyo.

ROMMA 11:33

Ҥizza vi Lonara ŋgolla nera u wiimba zul ɦay. Sa hin ndak a gam u dlaam ndaɗta kina ni gege? Va ma ŋgaamma sa ndak a humum um kina ni gege?

Magaara JAK Ɓiiriɗta 2:13

Kay mege Lona hin kaɓakŋa wanni ka wi hahaw sa ma ka wi hahaw ndarayamma ɗina ɗi may, dla mayra wi hahaw saara ni su kay ɓakŋa day.

1 PIYER 4:12

Banayan suu an minigina, lakagi jim kay lassa lagira ana mba kagi na ni dlara ka u voɗoɗɗira naɗi.

1 JAŊ 3:13

Gorsenna lini suuna noyogi ki lay ni haɗagi hurugi kay boy nammaɗi.