DI BOLLA 5:6 - Boy Lonana

⁶ Boy ma zulum cocona ni ko ndal saara aŋ saa kay tlena bolow zeɗ zeɗta na may, ka jiviɗi, mariyaɗ ni aŋ li ni ndaa Lona.

DI BOLLA 5:6 ပူးပေါင်းရင်းမြစ်များ

URA TIN AYRA 48:16

Sa sunda huulona ma suɗun ay ki hu dla cora belna paɗ vunum ki kay gor asina. Yasi ni u senu, u sem somoyonu, Abraham u Isaak. Asi zul ka coco kay ndaŋga masira.»

VUN ŊGOLNA 23:17

Mbuɗ huruŋ a li dlara gi sulukŋaɗi, hu buuna halaŋ aŋ li ni ndaa Yawe na ɗow.

DI BOLLA 10:12

Boy ma sa ma wi dlara damma ii suuna jiviya. Na may vun suu ka wi dlaɗina lik boy namma ki may.

DI BOLLA 3:14

An wi ki ana va ma Lona lamma kakŋi na din din. Sa ka cuk va ma daŋ kambi lay, ka yow kiɗi lay. Lona li dla ndaɗta na ni kay a sa warna mba lam ndaaramu.

DLAŊ LEVIRA 4:2

«Aŋ di suu Israelna ana, Hu li ma sana li cora wa, ka u min mambaɗi, jak gaɗta vi Yawe taa ki wa dewe ni nam hin li ko ndaɗta na.

DLAŊ LEVIRA 4:22

«Hu li ma mul ma fok suunana li cora ŋgel gaɗta vi Yawe, Loomara, nam waɗ kaɗi ni, nam li coo.

MALASI 2:7

A gasira ni sa li ɓivunna ni sa wi dlara, suuna hum boy ma gaɗ tasina ni funumu, kay ana nammi sa vun sunda vi Yawe ma Saɓakŋa Kom Belna.

MALASI 3:1

Gologiya, an sun saan ma vun sunda ha wa. Nam hin minin huu voɗta ha ki fokonu. Toŋgo zak gaw ni nam hin kal hu ziimba, malaŋ haɗta ma agi halamma, sa sunda ma banara ma minimma, gologiya, nam ka mbaya, Yawe, ma saɓakŋa kom belna, di na.

NDUMBA 15:25

Mul ma li ɓivunna li ɓivun ma bulum cora kina ki kay suu Israelna halaŋ, ni coosira ndaɗta hin bulum ki may, kay ana co ndaɗta paɗ kosi ni paɗi ɦawaa, asi mbaa ɓivun masi ma his jivina maŋ Yawe wa, u ɓivun ma asi lam a bulum cora kina lay.

1 KORINTNA 11:10

Kay boyna vi suu sunda huulona cara mba baa va kay yaɗ a tak ana ndaɗ hum u njufuɗu.

1 TIMOTE 5:21

An suuruŋŋi fok Lona, fok Yesu Kristu u fok suu sunda huulona suu mansina hum u gaɗta ndaɗta bay ka iira, eg gege lay hu dlaaŋga aŋ laɗta.

HEBRENA 1:14

Suu sunda huulona asina ni suurage? Ni ŋgussa suu sun Lona suu nam cukusi a njun u suu fi suɗtana.

Magaara JAK Ɓiiriɗta 1:26

Lini sana vi u va wa ka doo sinimba di boynaɗi ni nam ganyam tammi ganiya. Va nam vi umma ki ni ɦawaa.

Magaara JAK Ɓiiriɗta 3:2

Aygi halaŋ laygi cora tew tew, u njafaɗ zeɗ zeɗ. Lini sana boy ma nam damma halaŋ ka fi co hurumbi ni nammi sa ma ɗegeena ndaki a doo tam kay dlara halaŋ.

2 JAŊ 1:8

Gologi tagi jiviya a ba warakŋa vi sunda ami laɗ kagira kiɗi, ni na ɗow ana agi fi warak magina.