1 Olo ni an ka wi suuna lassa. Suu ndarayasina lasasi ga duk ndaŋgara tanina. Gola suu ka las asina tii cocoo, sa ma ɗilisi irisi kaɗi lay. Saɓakŋa ki ni u suu ka lasasina na ɗow. Sa ma ɗilisi irisi kaɗi.
Lini agi varak ki hu balamanu, an mbuɗ ki ni a agiya ni an hin ɓakŋi ko ndal agi njaɗ wanda na lay. An hin njaɗagi boy ma cona kagi lay, kisik yan ki irigi ni ko ndaɗta na lay.
Sene gugutlu ma vi Yawe, ma Saɓakŋa Kom Belna, ni suu Israelna. Tlesuu zaari hu senena irim jivina ni suu Yudana. Nam a lasi ginni jivira, hin fi huni dlara ka jiviɗira. Nam juɓ ginni ɗegeera, hin hummi tiina vi suu hahawra na ɗow.
An ɦal kop namma duk ko suu may suu li lasagina wa, suu may suu li dagi ana, goɓogi kaŋga an ful kagiyana. Agi ɦasi ŋgorogi ko ndaŋgara sana kak kaɗta na, ko voɗta suuna tuɗ huruɗta na may.
Sesi ɓaɗ ni kay dla cora, asi liŋŋi kay a vo busu suu li va kaɗina ki ɦawara. Saa masira ni saara li dla cora. Li ma asi jak huna balamasi ni tlena ɓalaki cocoo.
Asi hin ka ɦal funa maŋ sa tii maɗna a nam fi saɓakŋa ŋgoo tii maɗnaɗi. Asi hin ka ɦam va ma cira a nam fi saɓakŋaɗi, kay maɗ bumbi lay, kay maɗ sumbi lay.
An tii ni kay boy namma. Irin simina u dlaɗ jak kay ana sa heɓen hurunna ha ki egen day. Sa hin ɦan saɓakŋana. Gola goryon ki ciya kay sa babalira ni ma saɓak cocona.
Ndaɗ tiira, tii duk njeŋgera. Simina kiriŋiɗ na buɗuɗ duk banayaɗna halaŋ lay ni, sa heɓeɗ huruɗ kaɗi. Suu banayaɗna halaŋ gaɗ uɗ kiyo. Asi mbuɗ ki suu babali maɗsina.
Zozoɗ maɗta ki eg baraw maɗna lay. Ndaɗ ka saa kay dlara mbay dagandaɗi. ɓeŋ maɗta ki ŋgol cocoo. Sa heɓeɗ huruɗ kaɗi. Gola Yawe ni zolo manna, babali manna wul ni wuliya.
Tiirigi kay zigini suu hu Asdodna, kay zigini suu hu mbassa Egiptera dagi ana, tokogi tagi kolo kay ɦinira Samarira, gologi dla co mayra zeɗ zeɗta toki hura, dlara tiitara ka huruɗ cocoo.
Gologi dlara agi laɗ a mbarara, ko simi ma irigina oy givin ma togolla vi Yawena, tirigiya, oyogiya kay ana nam ka caa yam kay tlesuu agi ɦamsinana oloɗi, ka vagisina kogi u furira oloɗi lay.
An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.
Wa ma agi horokomma u vuɗ tlegeyegi suu agi zaarasina halaŋ hin tasi ki ni suu agi ka wasiɗina. Agi ka fi saɓak ma a yow va ay vi suu daŋŋa na ɗow ni kaɗi.
Suu li sunda hu sene magina agi min ka warakasi sunusi kiɗi. Agi humugi sek masira haa, suu feɗegi waagina vona tii masina kal hum Lona, Bu Suuna ma Saɓakŋa Kom Belna wa.