DI BOLLA 3:17 - Boy Lonana

¹⁷ An ɓak tan hurun ana, Lona hin kaɓakŋa kay sa ma cona u sa ma ɗegeena halaŋ kay buu namma hin mbaa, ni kay tlena u sunda halaŋ.

DI BOLLA 3:17 ပူးပေါင်းရင်းမြစ်များ

URA TIN AYRA 18:25

Aŋ ka ndak a li naɗi, suu ɗegeena u suu cona aŋ ka ndak a baasi ki ko tasi dewɗi. Aŋ li u suu ɗegeena ko suu cona su? Aŋ ndak a li naɗi. Sa ma kaɓakŋa kay suu kay ndaŋgara halaŋŋa hin li ni u ɗegee mam ndaɗtaɗi su?»

SOOLLA 96:13

fok Yawe kay nam ka mbaa. Nam mba ni a ti mulla kay ndaŋgara, nam hinni a mul ma ɗegeena kay njaf suuna, ti kay suuna u ɗegee mamba.

SOOLLA 98:9

fok Yawe kay nam ka mbaya ni kay a kak mulna kay ndaŋgara, ti kay suuna u gasira, ti kay ndaŋgara u ɗegeera lay.

DI BOLLA 1:16

An ɓak tan hurun ana, «Gola an haɗ yal dlara ŋgol cocoo, suu ki kay muli suu kak ay fokon jew kay suu Israelna hu Yerusalem halaŋ halaŋ». An tuk yal ma daŋŋa ki zeɗ zeɗ cocoo.

DI BOLLA 11:9

Aŋ goozoŋŋa furi kay zoŋ maŋga. Huruŋ furi coco hu li ma aŋ bay mbuɗ maa tuna. Aŋ li ni dlara huruŋ miniɗ ta iriŋ jivira. Na may aŋ mba wi ki ana tle asina halaŋŋi Lona hin kaaŋ ɓakŋa kaŋu.

DI BOLLA 12:14

Sunda ay laɗta halaŋŋi Lona hin joɓ ki kaɗ dew dew bel. Ta ŋgayra halaŋ, lini ndaɗ jivi lay, co lay.

DI BOLLA 2:1

An hin ɓak tan hurun ana, «Goloygi jiv iiri maygira ga tani wandara.» Gola ni ŋga tara ɦawaa.

DI BOLLA 3:1

Megelay hu duliyara ni buurum ma ay ŋgaayna kaa.

DI BOLLA 8:6

Na daŋ may tlena halaŋŋi buurusi ma kaɓakŋa ki ŋgaaya. Na may hahawra ŋgolla ka kay sana.

DANYEL 11:40

«Hu li ma daɓpa wanni, mul ma dalina hin duu u namu, mul ma mbayawna hin sulul ha kam u pupus mamma, u suu mam suu duuna u kulumina u lumba ŋgolora bolow coco lay, nam hin tli mbassa, jak ta ta keŋ hiŋŋa.

DANYEL 12:4

Aŋ, Danyel, may ɗaŋŋi ŋgay boy namma huruŋu, li um ta ta hu daɓpa. Suuna bolowo hin ndum boy namma, saa masira hin wul fok may.

DANYEL 12:9

Nam dan ana, «Tuɗa, Danyel, kay tle asina ni ŋgay tuwa, asi hin li ki ni hu buu ma daɓpa may.

MATIYE 16:27

Na daŋŋi Goŋ Sanna hin mbay u bibiŋilla vi Bumba u suu mam suu sunda huulona may, hu li namma nam hin warak gegelay u dlara nam laɗta.

Boy Ma Ayra Ma JAŊ Ɓiirimma 5:22

Buna ka kaɓak kay saɗi, nam ɦal saɓakŋa maŋ goromma a kaɓakŋa kay suuna,

SUNDA 1:7

Yesu hoŋosi dira ana, «A wi lina u buu ma Bun ŋgaam a mbara ni dla ndaɗta ka ni magi agiɗi, Bun u dew tamba ŋga dla ndaɗta ni namu.

SUNDA 17:31

Nam mba buu ma dew a kaɓakŋa kay suuna u ɗegeera ni u sa ma dew ma nam ŋgaɓamma. Nam tuk dla ndaɗta u colla nam colom kolo hu miɗna iirira.»

1 KORINTNA 4:5

Ni kay ndaɗta kaɓakŋa kay sa jew buu ma ɓakŋaɗi. Juɓ Bu Suuna mba tuwa, tlesuu ŋgay hu ndufundana, nam hin mba gasi usi ki kiɗiki, nam hin vaa dlara ŋgay hu suunara kiyo. Kay ndaɗta gegelay hin fi geleɗta ko Lona kay dlaamba.

2 KORINTNA 5:10

Aygi halaŋ hin mba ŋgaygi taygira hu ɓakŋa fok Kristu, kay gegelay mba fi va ma nam lamma, hu li ma nam ay hu mbalatam tuna, lini jiviya lini coo.

1 TESALONIKŊA 5:1

Gorsenna kay buu ma ha fokŋa u li ma hin mbana sa ka ɓiirigina ɓiiri oloɗi.

WIRA ŊGAYRA 11:18

Dee suuna hurusi ɓeŋa ni yaaŋga mba wa, ni hu li ma kaɓakŋa vi suu miɗina, buu ma aŋ a warak suu maŋ suu sunda suu jokoŋ vunuŋŋa mba wa, maŋ suu maŋŋa halaŋ suu laŋ ndaaraŋŋa, suu ŋgolona u kemba. Buu ma aŋ a ba suu ɓeŋ ndaŋgara kina mba wa.

WIRA ŊGAYRA 20:2

Nam vi dragoŋ, guy ma basina, Fulna, ni di ana Satanna, njunum ki kaŋga kay li basara bup dew.