Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




DI BOLLA 2:8 - Boy Lonana

8 An fi gursura u gi lorra cocoo. Begera vi mulinara ura vi mbassa daŋga zeɗ zeɗta. Suu wi soolla ɦayna njufiina u boyogina vo varan cocoo. Furira vi suu warnara halaŋ ki varanu, boyogi suu jivi cocona ki toki ni varanu.

အခန်းကိုကြည့်ပါ။ ကော်ပီ




DI BOLLA 2:8
21 ပူးပေါင်းရင်းမြစ်များ  

Brazilay di mulna ana, «Basaɗan ta kak iirira hin ni ga a an tuɗ u mulna Yerusalemmi ge?


Ca mulla Sabara hin ɦal lorra maŋ mulna Salomonni ii va ma kelew buɓ buɓ hindi u nus, ɦam tlesuu his jivina ugi mbitla ŋgol cocoo u ɦini mayra gus loɓ cocora lay, col ay dayra ni sa bay wi tlesuu his jivi ɦayna hu mbassa Israella ŋgol ko ndaɗta na tuwa.


Hu basara dewra mulna Salomon fi lorra ni kelewna na buɓ buɓ dok-mba' vo hu Yerusalem.


Koɓii suu ci tlena vi mulna Salomon halaŋ mini ni u lorra. Tlesuu ha u zi mayra Gura Libanda halaŋŋi u lorra. Va ma mini u dono ka huɗi. Hu li ma Salomon a mulnana ni lorra gol ki ni ko va ma ɦawana na.


Nam ɗum goryoŋ mulinana ni na kis kis kiɗisiya, gorɓii suu ɓoli mamsina ni kis kis hindi may. Boyogom mbuɗum hurum kiyo.


Mulna Roboam varak mbari kawi ma tlawna balam ma jew ma asi yowom kina. Nam ɦasi ko sa ma ŋgol suu liŋŋa ma ka juɓ fun ziŋ mulnana.


Hiram sun lorra ay maŋ mulna ni kelewna buɓ buɓ hindi.


Asi tuɗ hu mbassa Ofira. Hu li namma asi hoŋ ay u lorra kasi ii kelewna na 14.000 maŋ mulna Salomon.


David u suu ŋgolo asgaa suu goryoŋ Azafna, goryoŋ Heman u Yedutun suu cukusi ki keŋ kay sunda ɓak boyna jokom ki u diŋŋa lay u tlesuu bu suu daŋŋa lay. Gola ni ndum suu hinisi ki kay sun ndaɗtana,


Asi halaŋŋi tuɗ u vun busi a gi soolla hu Ziŋ Yawera, bu diŋŋa may, bu tlesuu daŋŋa a li sunda hu Ziŋ Lonara u vun mulna, u vun Azaf, Yedutun u Heman may.


Mulna Salomon ci balafoŋŋa kolo hu Ziŋ Lonara u gu ma yam ana santal namma. Nam ceɗ tlesuu bura a gi soolla may, diŋŋa u tlesuu bu suu daŋŋa zeɗ zeɗ maŋ suu gi soolla. Day day hu mbassa Yudara ni sa wi tle asina ka na ɦoyɗi.


Bay ndumusi suu masi suu sunda njufiina u boyogiina, asi halaŋŋi 7,337. Boyogiina u njufii suu gi soolla ay usi ni 200.


Ҥawaa, tlena halaŋŋi ɦawaa, Sa ma Di Bolla di na.


Na ni cecem wanda agi tagi mini su? Hu li ma cecem wanna li ni agi humugi del tokolomma, del diffa, del diŋŋa, diŋ ma ŋgolna, dadarina u cakiyawra, u tlesuu bu suu zeɗ zeɗna wa ni agi a cuk vok givigi kaŋga a goɓ mbuu doonora an miniɗta su? Lini agi ka a goɓoɗɗi ni, hu li namma gaw ni hin cukugi ki hu zulla kura ŋgik ŋgikka. Lo ma hin buɗugi ki konna ni maanage?»


Hu li ma agi humugi del tokolomma, del diffa, del diŋŋa, diŋ ma ŋgolna, dadarina, u cakiyawra, u del tlesuubura ha wa na zeɗ zeɗ ni, agi cukugi vok givigi kaŋga ŋgaagi mbuu lorra mulna miniɗta.


Hu li namma gaw ni suuna hum del tokolomma, del diffa, del diŋŋa, diŋ ma ŋgolna, dadarina, u cakiyawra, u del tlesuubu suu zeɗ zeɗna may ni suuna halaŋ u njafasi u dee vunusi belbel cuk vok givisi kaŋga goɓ mbuu lorra mulna miniɗta.


Asi jok yam suuna ki u bu diŋŋa, soolla ko David na u delesiya.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ