DI BOLLA 2:24 - Boy Lonana

²⁴ Va ma daŋ ma jivi kay sana hu duliyara ni kaɗi. Ni kay a ti may, ci may, wi jiv sun mamba nam laɗta. An wi ana, halaŋ ca ni col ay ni hu duk ko Lona dew.

DI BOLLA 2:24 ပူးပေါင်းရင်းမြစ်များ

1 MULINA 4:20

Yuda u Israel ay zulira ni ko ŋgetl ma doŋ lummana na. Asi ka u tlesuu tira u suu cira lay. Asi ka furi cocoo.

NEHEMI 8:10

Nam dasi ana, «Tuɗugi tagi ti ma jivina, cagi tlesuu cira suu jivina, ɦagi maŋ sa ma min tam ka u vaɗina nde nde may kay buu namma hinim ki ni maŋ Bu Suuna. Mbuɗugi tagi hahawraɗi kay ana furira vi Yawera ni saɓak magina.»

DI BOLLA 2:10

Tlesuu suuna joɓon kasina halaŋ an li co ka maŋ saɗi. Buuna halaŋŋi an ka u furira tew tew kay hurun furi kay sun manda cocoo. Mbuɗ ni a warak ma an fam kay loɓonna.

DI BOLLA 2:25

Kay sa ma ndak a ti may, furi may bay Lona ni kaɗi.

DI BOLLA 2:3

An ɦal tan ana an gol jivi ci summa ki tuwa. An min a li ko suu puluɗina na, a wi dlara suu warna ka laɗ jivi kay ndaŋgara tani wandara. May ni an min gol tan jivi tew tew ka hin a tliwin su kanɗi.

DI BOLLA 3:22

An wi ki ana va ma jivi kay sa warna su yoorina kaɗi, ka nam furi kay sun mamba ana ndaɗ ni ta jivira hol naɗi. Sa ma wi dlara hin li ka ŋgorom daganda ni gege?

DI BOLLA 5:17

Va ma an fam irin jivina ni ko ndal wanda na, jivira ni sana ti may, ci may, juk loɓ sun mamba nam laɗta funum nde kay ndaŋgara tani. Hu buu ma bolow ma Lona ɦamma kay ndaŋgara tanina kay ni ii ɓorow mam ma nam famma gaw.

DI BOLLA 6:12

Sa ma wi dlara ndak sana ki jivi hu iiri mamba nde hu duliyara wandara ni gege? Iiri ndaɗta jak ki ni semeɗna ɦawa na. Ɗowba sa ma ndak a di sana kay dlara hin li ka ŋgorom dagan miɗ mammara ni gege?

DI BOLLA 6:2

Sa ma Lona ɦam begera cocona, sem tii ki coco lay. Va ma bay nam fam kaɗi. Tlesuu nam minisina halaŋ nam fasiya. Na may Lona hinim ka a ti tle asinaɗi. Sa ma daŋŋa ti tle asina ki ni namu. Halaŋ ca ni ŋga tara ɦawaa, loɓ taŋ ki ni ɦawaa.

DI BOLLA 8:15

An may ni ka furira coco kay va ma vi sa warna ma kay ndaŋgara tanina ni ti may, ci may, hin furi may. Ni va ma nam ka fam u sun mamba nam laɗta kay a juɓ buu mam ma Lona ŋgaamma kay ndaŋgarana.

EZAYI 56:12

Gegelay di ana, mbaya an hin tuɗ ci suma, caygiya furuyuygiya, vinda hin li ni ko karamba na olo, li su ɗow.

MALASI 2:2

Lini agi ka humbi, lini agi ka vagi tagi a ŋgaanɗi ni, an hin cukugi dla cora kagiya, gagi vunna, Yawe ma Saɓakŋa Kom Belna di na. Gasi an gagi vunna kay ana dukugi ni sa hurum jivi ka na dewɗi.

SUNDA 14:17

Na lay ni nam tak jivira egegi tew tew lay. Nam si yoom ay kaŋga a agi li njafna, nam ɦagi tina, oyogi hurugi u furira.»

1 KORINTNA 15:32

Lini kay dlara vi sa warna ɦawaa, an duu tan u vabaki suu cona hu Efes ni kay an a fi me huge? Lini suu miɗina ka paɗ ki kolo iiriɗi. Ko vun ŋgolna di ana, «Taygiya caygiya, vini aygi hin miɗ kiyo.»

GA 8ATAMBARA 12:12

Agi hin lak u furira fok Yawe Loogina, agi tagira, goryogi suu njufiina u gorɓiina, suu magi suu sunugina, njufiina u boyogina, u njaf suu vi Levi suu ka dukugina halaŋ, kay asi dukugi ni joosi maa kaɗi.

GA 8ATAMBARA 12:18

Tle asina agi mba tasi ni fok Yawe Loogina hu li ma Yawe manamma agi tasi ni u goryogi suu njufiina, gorɓiina u suu magi suu sunugina, njufiina u boyogina halaŋ, u njaf suu vi Levi suu ka hu ɦoŋzi maginana bel lay. Agi hin lak u furira fok Yawe Loogina hu dlara agi laɗta halaŋ.

1 TIMOTE 6:17

Gaɗ suu ka ɦizi hu duliyara tanina asi ŋga tasiɗi, dasi ana asi tin saa masira kay ɦizza bay gasira ndaɗtaɗi, tiniɗ ni kay Lona ma ɦaygi tlena ndakaygi ki halaŋ a aygi mba lak u furira.