DI BOLLA 2:10 - Boy Lonana

¹⁰ Tlesuu suuna joɓon kasina halaŋ an li co ka maŋ saɗi. Buuna halaŋŋi an ka u furira tew tew kay hurun furi kay sun manda cocoo. Mbuɗ ni a warak ma an fam kay loɓonna.

DI BOLLA 2:10 ပူးပေါင်းရင်းမြစ်များ

URA TIN AYRA 3:6

Cara wi ana vuɗ gu namma jivi a tira, gol jivi lay, a ndaɗ mbuɗ wi dlara coco lay. Ndaɗ ndoɗom vuɗum ndoɗni tamu, ɦal maŋ njufuɗu, nam ka egeɗu, nam ti may.

URA TIN AYRA 6:2

Goryoŋ Lonana wi gorɓii asina na ni irisi jivi cocoo, asi gijaŋ ŋgaɓasi a ɗumba.

JOB 31:1

An doo irin kiyo, tin saa manda ka kay go tamaraɗi.

SOOLLA 119:37

Hinin irin a gol tlesuu kaboynaɗi, hinin an poy ni hu voɗ maŋga.

SOOLLA 128:2

Aŋ sa ma fi tiiŋŋa u saɓakaŋŋa furira ka kaŋu. Aŋŋi sa ma fi jivirana.

VUN ŊGOLNA 23:5

Aŋ tin saaraŋ wa kay begera ni ndaɗ u garaŋga uɗu, pii ko ndal bakŋa na tin iriɗ kolo huulona.

DI BOLLA 11:9

Aŋ goozoŋŋa furi kay zoŋ maŋga. Huruŋ furi coco hu li ma aŋ bay mbuɗ maa tuna. Aŋ li ni dlara huruŋ miniɗ ta iriŋ jivira. Na may aŋ mba wi ki ana tle asina halaŋŋi Lona hin kaaŋ ɓakŋa kaŋu.

DI BOLLA 2:1

An hin ɓak tan hurun ana, «Goloygi jiv iiri maygira ga tani wandara.» Gola ni ŋga tara ɦawaa.

DI BOLLA 2:22

Na ɗaŋŋi va ma sana fam kom hu sunda nam laɗ loɓ tam coco kay ndaŋgara ga tani wanda ni mege?

DI BOLLA 2:24

Va ma daŋ ma jivi kay sana hu duliyara ni kaɗi. Ni kay a ti may, ci may, wi jiv sun mamba nam laɗta. An wi ana, halaŋ ca ni col ay ni hu duk ko Lona dew.

DI BOLLA 3:22

An wi ki ana va ma jivi kay sa warna su yoorina kaɗi, ka nam furi kay sun mamba ana ndaɗ ni ta jivira hol naɗi. Sa ma wi dlara hin li ka ŋgorom daganda ni gege?

DI BOLLA 5:10

Begera zul koŋ coco wa ni su basaɗna zuli kaɗ ni coco may. Va ma aŋ malaŋ begera hin fam koŋ huna ni mege? Aŋ hin gol ni u iriŋ ɦawaa.

DI BOLLA 5:17

Va ma an fam irin jivina ni ko ndal wanda na, jivira ni sana ti may, ci may, juk loɓ sun mamba nam laɗta funum nde kay ndaŋgara tani. Hu buu ma bolow ma Lona ɦamma kay ndaŋgara tanina kay ni ii ɓorow mam ma nam famma gaw.

DI BOLLA 5:18

Lini Lona ɦal ɦiza maŋ sana, nam ɦam saɓak ma ti u bege mam ndaɗtana may. Nam fi keŋ mamma kay loɓom ma nam loɓma may, ni nam furiya. Li wa na ni ɦalla vi Lonara.

DI BOLLA 6:2

Sa ma Lona ɦam begera cocona, sem tii ki coco lay. Va ma bay nam fam kaɗi. Tlesuu nam minisina halaŋ nam fasiya. Na may Lona hinim ka a ti tle asinaɗi. Sa ma daŋŋa ti tle asina ki ni namu. Halaŋ ca ni ŋga tara ɦawaa, loɓ taŋ ki ni ɦawaa.

DI BOLLA 6:9

Mariyaɗ ni furi u vaaŋ ma ka koŋ ewna su mayra huruŋ haɗ kay tlesuu vi suunanara. Halaŋ ca ni ɦawaa, hin jak ki ni duk semeɗna.

DI BOLLA 8:15

An may ni ka furira coco kay va ma vi sa warna ma kay ndaŋgara tanina ni ti may, ci may, hin furi may. Ni va ma nam ka fam u sun mamba nam laɗta kay a juɓ buu mam ma Lona ŋgaamma kay ndaŋgarana.

DI BOLLA 9:6

Min masira, yowmus masina, u honira hurusiya halaŋŋi viɗ ki wa. Vaasi maa hin ka kolo kay ndaŋgara oloɗi.

DI BOLLA 9:9

Furi u cara aŋ miniɗta hu buu ma Lona ɦaŋŋa kay ndaŋgara ew wanna. Ni warak ma aŋ fam kay loɓoŋ ma hu duliyara wanna gaw.

1 JAŊ 2:16

Tlesuu hu duliyara halaŋŋi ŋgiziɗta vi tliw tara, ŋgiziɗta vi iira, u ŋga tara vi iira, tlesuu asina halaŋ col ay ka vi Lonaɗi, ni vi duliyara.

SUU KAƁAKŊA 14:2

Nam tuɗ di boy namma maŋ gi bum u sum ana, «An ŋgaɓ goora dew a caanda duk gorɓii suu Filistinna ha hu mbassa Timnara. Cemi ni agi tuɗ ɗumungi goo ndaɗta.»