DI BOLLA 12:13 - Boy Lonana

¹³ Gola ni vunun ma ndi gana. Va ma sa warna a lamma ni nam hum u Lona, li u gaɗ mamba may.

DI BOLLA 12:13 ပူးပေါင်းရင်းမြစ်များ

GA 8ATAMBARA 10:12

Cemi ni agi suu Israelna va Yawe Loogina ka juɓum kogina ni mege? Va ma nam juɓumma ni ana agi li ndaa Yawe Loogina, tuɗugi hu voɗ mamba na ɗegee. Min a sun Yawe Loogina u hurugi halaŋ, u mbalatagi halaŋ lay.

MISE 6:8

Aŋ sana, asi haɗaŋ tlesuu jivina wa, tlesuu Yawe min ana aŋ lasiyana. Va daŋ kaɗi, ni humba gasira, minda ɗegeera may, tuɗta aŋ tuɗ hu voɗta vi Lona u voɗoɗta may.

GA 8ATAMBARA 6:2

Agi lagi ndaa Yawe Lo maŋŋa, agi tagira u goryogiya u gor ŋgologi magisina lay. Kay ana hu buuna halaŋ agi hum u gaɗta, yalna u nera an haɗagira wanda. Kay a buu magina ɦuɗ fok ŋgol kay ndaŋgara may.

SOOLLA 111:10

Mbeleŋ may ma ŋgolna ni ndaa ma lam u Bu Suunana. Suu ka lam ndaaramma halaŋ lak jiviya. Suuna geleɗem ha ni na gak gak.

JOB 28:28

Nam hin di sa warna ana, «Ndaa ma lam u Bu Suunana ni yalna gaw. Ka taɓ taŋ eg dla coraɗi ni mbeleŋŋa gaw.»

SOOLLA 145:19

Nam li minda vi suu lam ndaaramma, nam humusi tii masina, suɗusi kiyo.

DI BOLLA 8:12

Sa ma li dla cora li cora yammi kis lay, nam ka ɦuɗum buurum fok gak gak. An lay wi ana «jivira ka kay suu li ndaa Lonna kay ana asi lam ndaramu.

Boy Ma Ayra Ma LUK Ɓiirimma 1:50

Nam hurum haɗ kay suu hum umma.

VUN ŊGOLNA 19:23

Ndaa ma lam u Yawena tuɗuŋ hu iirira. Aŋ jak njeŋgera ki ni dlara hahaw ka kal ay hu ziiŋgi.

VUN ŊGOLNA 1:7

Ndaa ma lam u Yawena ni sok wira ŋgolla gaw. Yalna u haɗta, suu laɓana san u dla ndaɗta ni asi hol.

SOOLLA 147:11

Yawe minni suu lam ndaaramma, u suu minim ɗegee mambana.

DI BOLLA 5:7

Lini aŋ ka wi suu ŋgolo suu kay mbas maŋgana ka las suu wi hawra, li ni ɓakŋa ka kaam u voɗombi lay, ni aŋ kak jim kay boy nammaɗi, kay sa ŋgol ma susina ay kaa, ma ay kasi kolo halaŋŋa ka olo.

WIRA ŊGAYRA 19:5

An hum della di ay kay dlamba mulla ana, «Geleɗegi Looygina agi suu sunumma halaŋ, agi suu lam ndaaramma, suu ŋgolona u kemba halaŋ.»

1 PIYER 2:17

Humugi u suuna halaŋ, minigi gorsegi suu vina, lagi ndaa Lona, hum u mul ŋgolna may.

VUN ŊGOLNA 23:17

Mbuɗ huruŋ a li dlara gi sulukŋaɗi, hu buuna halaŋ aŋ li ni ndaa Yawe na ɗow.

GA 8ATAMBARA 4:2

Gaɗta an ɦaɗagira wanda agi cuk va ma daŋ dukuɗɗi, agi yow va ki uɗɗi lay, ni kay a li u gaɗta vi Yawe, Loogina, ta an ɦaɗagirara.

URA TIN AYRA 22:12

Sa sunda vi Yawe dam ana, «Hin goona, lam va egembi, kay cemmi an wi ana aŋ li ndaa Lona. Aŋ doo ka kay goroŋ ma dewna a ɦanna kiraɗi».

DI BOLLA 6:12

Sa ma wi dlara ndak sana ki jivi hu iiri mamba nde hu duliyara wandara ni gege? Iiri ndaɗta jak ki ni semeɗna ɦawa na. Ɗowba sa ma ndak a di sana kay dlara hin li ka ŋgorom dagan miɗ mammara ni gege?

DI BOLLA 2:3

An ɦal tan ana an gol jivi ci summa ki tuwa. An min a li ko suu puluɗina na, a wi dlara suu warna ka laɗ jivi kay ndaŋgara tani wandara. May ni an min gol tan jivi tew tew ka hin a tliwin su kanɗi.

1 SAMUEL 12:24

Va ŋgolna ni lagi ndaa Yawe na ɗow, sunum u gasira, hurugi ma dewna. Gologi gasi daŋ may nam tak ŋgol mamba ki egegiya.

DI BOLLA 3:14

An wi ki ana va ma Lona lamma kakŋi na din din. Sa ka cuk va ma daŋ kambi lay, ka yow kiɗi lay. Lona li dla ndaɗta na ni kay a sa warna mba lam ndaaramu.

DI BOLLA 7:18

Mariyaɗ ni aŋ li u gaɗ ndaɗta jak bel, kay sa ma li ndaa Lonana lasi ki ni bel.

DI BOLLA 8:5

Sa ma hum u gaɗtana ka fi dlara coɗi. May sa ma wi dlara wi ki hurum ana hu buu ma dew ni Lona hin kaɓakŋa.

GA 8ATAMBARA 4:10

Hu li ma Yawe dan boyna ay u ɦinira Horebpa ni agi ay coli egenu, Yawe dan ana, «Tokon suuna ay egenu, an min ɓakasi boy manna a asi haɗam a lan ndaaran hu li ma asi ka iiri tu kay ndaŋgara tanina. A asi haɗ boy namma ka maŋ goryosi may.»

GA 8ATAMBARA 10:20

Agi li ni ndaa Yawe Loogina, sunummi nam dew, agi njun tagi ni egem dew, agi li suu tagi kay dlaa ni u sem dew daŋ.

1 MULINA 2:3

Gol gaɗta vi Yawe, Looŋŋara jiviya, tuɗ ni hu voɗ mamba, li u gaɗ mamba u neemba, dlara nam miniɗta u gaɗta nam coli kaɗta ko ndal ɓiiri hu magaara gaɗta vi Moizza na. Aŋ liwa na ni hin fi hu dlaaŋga aŋ a laɗta halaŋ,