DI BOLLA 12:11 - Boy Lonana

¹¹ Boy ma vi sa ma wi dlara ni ko ndal gu ma vunum feɗi ma dik u mbutlina na. Suu ɓii dla ndaɗtana ni ko ndal pondi ma ɓali eg tlenana na. Lona malay ma goloyna ɦal dla ndaɗta ay ni namu.

DI BOLLA 12:11 ပူးပေါင်းရင်းမြစ်များ

URA TIN AYRA 49:24

Na lay ni gu mbuuru mamba kawi kom eŋe. Kom ka sooɗi kay Lona ma Saɓakŋa vi Yakob njun umu. Nam hin mbuɗni a sa taa suu Israelna.

EZDRAS 9:8

Cecem wanda lina jakki tani nde ni heɓpa vi Yawe, Loominara, hinimi umi taa suɗ nde, ɦami lina ka hu liim ma teteɗna, na ɗaŋŋi, Loomina, malami irimi kiyo, ɦami iirira ay hu liimi ma mbaɓura.

SOOLLA 23:1

Soolla vi David. Yawe ni sa ma golonna, tlesuu an hin bay fasi kaɗi.

SOOLLA 80:1

Soolla vi sa ma fok suu gi soollana, eg ɓo tlena, soolla dikira vi Azaf.

VUN ŊGOLNA 1:6

Ɓiirimmi a haɗ mbeleŋŋa, vun ŋgolna u ndal boyna, boy ma vi suu wi dlara u mbeleŋ masina halaŋ.

VUN ŊGOLNA 10:21

Boy ma vi sa ma ɗegeena ɗoɓ suuna bolow cocoo, may sa ma laɓana giniŋ mamba cami ndaɗu.

VUN ŊGOLNA 22:17

Tin humuŋu hum boy ma nera. Tin saa maŋga kay yal manna.

DI BOLLA 10:12

Boy ma sa ma wi dlara damma ii suuna jiviya. Na may vun suu ka wi dlaɗina lik boy namma ki may.

DI BOLLA 7:5

Humba hum u gaɗta vi sa ma wi dlara jivi su humba aŋ hum soolla vi sa ma giniŋŋa.

EZAYI 22:23

An ŋgarammi ko ndal ponti ma ɓali hu li ma eŋ cocona na. Nam hin hu ziŋ bumma ni ko dlam mayra mulla bibiŋilla na.

EZAYI 40:11

Ko ndal sa ma taa yoorina na, nam ka taa yoori mamsina, nam tokosi yasi ay halaŋ u bik komu. Nam yow gor timigii suu gorina kom koloo, tuɗ cukusi hu li ma asi a ci pona.

JEREMI 23:29

Boy manna tli tammi ko ndal tlesuu wanna na, ko ndal kura u do caffa luɗ gogoyra kira na. Yawe di na.

EZEKIYEL 34:23

An hin tin sa ma a taaran yoori mansinana ni na dew daŋ. Nam hin taarasiya, hin li ni saan ma sunda David. Nam hin taarasi ni namu. Nam hin li ni a sa ma taa yoorina.

MATIYE 3:7

Jaŋ wi suu Farisenna u suu Sadusenna mbay egem coco ana nam mbususi batemma na ni, nam dasi ana, «Agi njaf guy magira, sa haɗagi a agi puruɗ tagi ki ko yara vi Lonara ni gege?

Boy Ma Ayra Ma JAŊ Ɓiirimma 10:14

An ni sa taa yoona jivina. Bun wan may, an wam may. Ni ko ndaɗta na, an wi timigii mansina asi wan may. An ba iiri manda ki kay timigii mansina.

Boy Ma Ayra Ma JAŊ Ɓiirimma 3:10

Yesu hoŋom dira ana, «Aŋŋi sa ŋgolna vi suu Israelna may ni ka wi boy nammaɗi su?

SUNDA 2:37

Hu li ma asi hum boy namma na ni hurusi haɗ cocoo. Asi joɓ suu vovoɗta suu hiŋŋa ana, «Gorsemina ami lini nanage?»

2 KORINTNA 10:4

Kawi ma aygi ka duu taygi, u namma ka ko ma vi suu duk ndaŋgarana naɗi, ni kawi ma saɓakŋa vi Lona ndak kay a to gulumunna ki kaŋgaa, ay to tlesuu ka u voɗosiɗina ki ni u kawi namma.

HEBRENA 13:20

Lona col Bu Suuna Yesu iiri ki duk suu miɗina, nammi sa ŋgol ma taa yoona, bana mayra didinda faɗ ki ni u miɗ mamma. U saɓakŋa vi busuna vi ɓivun mamma nam mi galamba ka daɓ kiɗira.

HEBRENA 4:12

Boy Lonana ka iiriya nam saɓaki. Nam sii su ŋgew ŋgol ma siim, mbana. Nam wak gak gak tew hu li ma musukŋa u ŋgussa ŋgaf tasi huna, tew gak gak hu li ma vun sokŋa ŋgaf huna u mbul ma duk sokŋa lay. Nam ka ɓakŋa kay minda vi sana u saara hurumba halaŋ.

1 PIYER 5:4

Falira sa ŋgolna vi suu taa yoorina mba wa ni, agi hin fi jumba mulla dlaɗ ŋgolla ka ɓeŋ kiɗira.