DI BOLLA 12:1 - Boy Lonana

¹ Humuŋ gaŋ kay sa ma laŋŋa. Hu li ma aŋ ay u zoŋ taŋŋa, hu buu ma dlara co faŋ ka tuɗina. Hu li ma basara cora mbay kay aŋ mbuɗ di ana, «May dla ka kan oloɗi.»

DI BOLLA 12:1 ပူးပေါင်းရင်းမြစ်များ

URA TIN AYRA 39:2

Yawe ka u Yosef, dlara nam laɗta halaŋŋi Lona paɗ vunna ki kaɗu. Nam kagi ni vi sa ŋgol mamma Egiptena.

URA TIN AYRA 39:23

Tlesuu ka ko Yosefna halaŋ sa ma ŋgol daŋgayna ka saa kasiɗi, kay Yawe ka u namu. Dlara nam laɗta halaŋ Yawe mbuɗuɗ ki jiviya.

2 SAMUEL 19:35

Brazilay di mulna ana, «Basaɗan ta kak iirira hin ni ga a an tuɗ u mulna Yerusalemmi ge?

2 SAMUEL 19:36

Basaɗan ki karammi dok-kalavandi. Na ni an ndak a ɓorow ii dlara jivira ki ura cora su? Na ni saaŋ ma sunda ndak a wi jivi tlesuu nam tasina u suu nam casina su? Na ni an ndak a hum del gorzoŋŋina u gorɓii suu gi soolla su? Ni kay me a saaŋ ma sunda hin li a nekka kay malanna mulna ologe?

1 MULINA 14:13

Suu Israelna halaŋ hin lam hahawamu. Asi hin pam may. Kay nam dew duk suu vi Jeroboamma ni sa ma hin pam ga hu zullana. Nam duk suu vi Jeroboamma a sa ma jivina ni nam dew. Yawe Lona vi suu Israelna wammi nam hol.

1 MULINA 18:12

Hu li ma an tuɗ hiniŋ ka wa Musukka vi Yawera tlaŋ ki wa, an ka wi li ma aŋ tuɗ huna oloɗi lay, an hin tuɗ di Akab ha ki ana aŋ ka tani may, nam mba faŋ kaɗi ni, nam hin can ki ni anu. Doli ɗini saaŋ ma sunda li ndaa Yawe ay ni u zoŋ tam day.

NEHEMI 4:14

Hu li ma agi hum del tokolomma wa ni, tokogi tagi ay egen tani. Looygina hin duu kaygiya.»

JOB 30:2

Saɓak masi ma asi lamma a lanni mege? Asi ca ni ka ndak a mbuɗ maa kay ndaŋgaraɗi lay.

SOOLLA 119:55

Njeŋge ni humun ka gan kay seŋu, Yawe, ni kay a li u gaɗ maŋgara.

SOOLLA 34:11

Dlona lay ni buu u vunumu, mayra cam lay. May suu hal Yawena, va ka kaɗak kasiɗi.

SOOLLA 63:6

Ko ndal mbulna na hayan hoɓ wa, vunun u furira cocoo, an gi soolla geleɗeŋga tew tew.

SOOLLA 90:10

Basa mamira hu duliyara ni dok kiɗisiya, li ŋgol coco wa ni dok kalavandi may. Basa ndaɗta halaŋ daɓmi u lassa u wihawra may, na gaw ni iiri mamira kaɗi, ami ki ni daɓi gaw.

VUN ŊGOLNA 22:6

Haɗ dlara jivira ay maŋ goozoŋŋa u goo tam gaw. Lini nam mbuɗ maa lay ni ka viɗ ki oloɗi.

VUN ŊGOLNA 8:17

Suu mininna an minisi may. Suu halanna wi ki gasi ana asi hin fan may.

DI BOLLA 11:10

Hin dlara yoo tara a kal huruŋgi, ɦuɗ lassa ha ki egeŋ na day. Kay zoŋga u tlimiɗ yamba warra ka buu ta taɗi, ni ŋga tara ɦawaa.

DI BOLLA 11:2

Ɓorow bege maŋga duk u suu kiɗisiya kala, kalavandi kala, kay aŋ ka wi dla cora hin a mbay fokkaɗi.

DI BOLLA 11:8

Sana ndak a furi kay basara nam laɗ hu duliyara wanda. May ni humum mba gam ana buu ma yoora ni bolow cocoo. Dla ndaɗta halaŋŋi ŋga tara ɦawaa.

EZAYI 26:8

Ҥii, Yawe, ami tin saa mamira ni kaŋ dew. Ami tuɗ ni hu voɗ maŋga na dew. Ami yaŋu, ceneŋu, hurumi minni dlaaŋga na dew.

YOORA 3:27

Ni jivi kay sana a tli mbalna kelem u goo tamba.

DANYEL 1:17

Doli ɗaŋŋi maŋ gor suu fiɗi asina Lona ɦasi yalna, haɗasi yalna a wi dlara. Maŋ Danyel may ni nam wi u dlara tak taɗ ii suunara, wi u doyra di suunara ki lay.

Magaara Vi Sa Jok Vun Lona OZE 7:9

Suu koyogina tam saɓakam may, nam ka wi va dewɗi. Hussa tlum ki kay yam lay, nam ka wi va dewɗi.

Boy Ma Ayra Ma LUK Ɓiirimma 1:15

Nam hin mbuɗ sa ŋgolna ii Lona. Nam hin ka ci summaɗi lay. Hu buu ma nam vuɗ kina, Musuk Lonara hoɓom ay ki hu sum day.

Boy Ma Ayra Ma LUK Ɓiirimma 18:16

Yesu wasi li na ni, nam ana, «Mbaaran kemba ay egenu, doorosiɗi, kay Mul Lonara ni maŋ suu ko asi nana.

EFESNA 6:4

Agi somi gorra lagi goryogi co a ɓeŋesi kiɗi, wulusiya, haɗasi u gaɗta vi Bu Suunara.

GA 8ATAMBARA 8:18

Humugi mba gagi ana Yawe Loogina ɦagi saɓakŋa a agi mbuɗ begera na ni namu. Ni kay a li ki u galamba nam vaɗ ay u somoyogira ko agi ka cemmi wandara na.

2 TIMOTE 3:15

Aŋ wi magaara gaɗta teteɗta ay ni u goo taŋ day, ndaɗ ndak a ɦaŋ nera a tuɗuŋ hu suɗta u vira aŋ vi u Yesu Kristura.

1 SAMUEL 1:28

An hoŋ ay wanni hinimmi maŋ Yawe. Hu kak mamba iirira halaŋŋi nam ki ni maŋ Yawe.» Nam goɓ kaŋga hu li namma fok Yawe.

1 SAMUEL 16:7

Na may Yawe di Samuel ana, «Aŋ ŋgaam kay jivim u wulum ma fiyekŋa na gawɗi. An hoŋ dira olo ka ni kay dlara suuna waɗ u irisira ɦawaɗi. Suuna wi ni dlara ki irisi kiɗikka, may Yawe wi ni huuna.»

1 SAMUEL 2:18

Samuel li sunda fok Yawe. Nammi gogoo ma cukum efodna egemma.

1 SAMUEL 2:26

Samuel ma goona may ni wul kolo fok Yawe fiyek lay, jivi coco fok suuna lay.