DI BOLLA 11:9 - Boy Lonana

⁹ Aŋ goozoŋŋa furi kay zoŋ maŋga. Huruŋ furi coco hu li ma aŋ bay mbuɗ maa tuna. Aŋ li ni dlara huruŋ miniɗ ta iriŋ jivira. Na may aŋ mba wi ki ana tle asina halaŋŋi Lona hin kaaŋ ɓakŋa kaŋu.

DI BOLLA 11:9 ပူးပေါင်းရင်းမြစ်များ

DI BOLLA 12:14

Sunda ay laɗta halaŋŋi Lona hin joɓ ki kaɗ dew dew bel. Ta ŋgayra halaŋ, lini ndaɗ jivi lay, co lay.

DI BOLLA 12:1

Humuŋ gaŋ kay sa ma laŋŋa. Hu li ma aŋ ay u zoŋ taŋŋa, hu buu ma dlara co faŋ ka tuɗina. Hu li ma basara cora mbay kay aŋ mbuɗ di ana, «May dla ka kan oloɗi.»

YOORA 3:27

Ni jivi kay sana a tli mbalna kelem u goo tamba.

DI BOLLA 3:17

An ɓak tan hurun ana, Lona hin kaɓakŋa kay sa ma cona u sa ma ɗegeena halaŋ kay buu namma hin mbaa, ni kay tlena u sunda halaŋ.

2 KORINTNA 5:10

Aygi halaŋ hin mba ŋgaygi taygira hu ɓakŋa fok Kristu, kay gegelay mba fi va ma nam lamma, hu li ma nam ay hu mbalatam tuna, lini jiviya lini coo.

HEBRENA 9:27

Suuna halaŋ ki ŋgaɓi a miɗ sesi dew, ŋgoo dagan ni kaɓakŋa vi Lona may.

JOB 31:7

Lini sen tuɗ voɗta coo, lini hurun tuɗ ni u irin ɗegee may, lini kon ŋgen va ma njenjee,

ROMMA 14:10

Aŋ kaɓakŋa kay wayaŋŋa ni kay mege? Aŋ may ni ŋgul wayaŋŋa ni kay mege? Aygi halaŋi mba coloygi ki fok Lona nam hin kaɓakŋa kaygi ni namu.

MATIYE 5:28

Anu an dagi ana, Sa ma saa kay caŋ ndarammara ana ndaɗ irim jiviya ni, nam buu u ndaɗ u hurum wa.

DI BOLLA 2:10

Tlesuu suuna joɓon kasina halaŋ an li co ka maŋ saɗi. Buuna halaŋŋi an ka u furira tew tew kay hurun furi kay sun manda cocoo. Mbuɗ ni a warak ma an fam kay loɓonna.

URA TIN AYRA 6:2

Goryoŋ Lonana wi gorɓii asina na ni irisi jivi cocoo, asi gijaŋ ŋgaɓasi a ɗumba.

URA TIN AYRA 3:6

Cara wi ana vuɗ gu namma jivi a tira, gol jivi lay, a ndaɗ mbuɗ wi dlara coco lay. Ndaɗ ndoɗom vuɗum ndoɗni tamu, ɦal maŋ njufuɗu, nam ka egeɗu, nam ti may.

NDUMBA 15:30

Na may sa ma li cora ndaɗta u min mambana, lini sa ma Israelna ɗowba ŋgay ma cuki dukusina lay, ni sa namma ka duk suu mamsina oloɗi, kay nam ŋgul ni Yawe.

2 PIYER 3:7

Huulona u ndaŋgara ka cecemi wanda, Lona hinisi u Boy mam namma, kay hin ɓalakasi ki u kura nam hinisi kay juɓ buu ma kaɓakŋa kay suu cona, baasi kiyo.

JEREMI 23:17

Asi min a di suu ka min boy ma vi Yawenaɗina ana, «Dlara hin li kagi agi jiviya.» Sa ma min a tuɗ fok u yamba eŋgana, «Dla cora hin ka mba kagiɗi.»

JEREMI 7:24

Na may asi hum kaɗi, na lay asi tin humusi kaɗi. Asi li ni dlara u min masirara kay yasira eŋga. Asi hin dlara ɦan hurusira tani ɦanni ŋgorosi na ɗow.

SOOLLA 81:12

Na may suu mansina humun delen kaɗi, suu Israelna ka mininɗi,

GA 8ATAMBARA 29:19

Sa namma ni Yawe ka bulumum coomba kiɗi. Yara vi Yawera tokŋi kay sa namma na ɗow. Givun ma ɓiiri hu maga ndaɗtana tokŋi kam halaŋ halaŋ. Yawe hin bulumum sem ki duk suu kay ndaŋgarana.

NDUMBA 15:39

Vun baraw ma ɦosi luy luy namma ni a gagi humugi kay gaɗta vi Yawera, a agi li uɗta, hu li ma agi wi vun baraw magina na ni agi lak ɗegee ka ɓalak gaɗta oloɗi.

SUNDA 24:25

Pol gijaŋ boyna a ɓak kay a sana kak iiri ɗegeera, kay doora doo tara, kay ɓakŋa vi Lona ma hin mbana. Feliks tam mbuɗ ndaana, nam di ana, «Aŋ tuɗ cecemi vaŋ tuwa, buu ma daŋŋa an hin yaŋ ay tu olo.»

SUNDA 14:16

Ay fok jewra ni Lona hin suuna halaŋ tuɗ u min masira.

1 MULINA 22:15

Nam mba eg mulna. Nam dam ana, «Mise, ami ndak a tuɗ duu u Ramot ta Galaadta ɗowba ami kak su?» Nam hoŋom dira ana, «Tuɗa, aŋ hin tiya. Yawe ɦaɗ ki hu duk ko mulnawa.»

1 MULINA 18:27

Tew ki faali may ni, Eli ka panasi di ana, «Oorogi ugi kolo eŋe, nammi lona, nam u sunda kam coco may ni, li ka voɗi kalage. Ɗowba nam li buuri sen kalage. Nam hin dliɗ ay ki tuɗi su?»

1 MULINA 18:12

Hu li ma an tuɗ hiniŋ ka wa Musukka vi Yawera tlaŋ ki wa, an ka wi li ma aŋ tuɗ huna oloɗi lay, an hin tuɗ di Akab ha ki ana aŋ ka tani may, nam mba faŋ kaɗi ni, nam hin can ki ni anu. Doli ɗini saaŋ ma sunda li ndaa Yawe ay ni u zoŋ tam day.

NDUMBA 22:32

Sa sunda vi Yawe dam ana, «Aŋ waɗ kor maŋga yaŋ na hindi day ni kay mege? Aŋ wiya an mbay a dooroŋ voɗta ki ni anu. Kay an wi ana koy maŋ ndaɗta ka tuɗuŋŋi hu dlara jiviɗi.

1 KORINTNA 4:5

Ni kay ndaɗta kaɓakŋa kay sa jew buu ma ɓakŋaɗi. Juɓ Bu Suuna mba tuwa, tlesuu ŋgay hu ndufundana, nam hin mba gasi usi ki kiɗiki, nam hin vaa dlara ŋgay hu suunara kiyo. Kay ndaɗta gegelay hin fi geleɗta ko Lona kay dlaamba.

JOSUWE 7:21

An wi baraw robba ŋgolla jivi cocora ay hu Babilonni, doonora kis kis mba' may, tokolo lorra dew may. An irin filiw yowosi aya. An pasi ka ga hu mbutluɓma, doonora ŋgay ki kaŋga u may.»

Boy Ma Ayra Ma LUK Ɓiirimma 12:19

An hin di tan ana, An li tlena ŋgolo asi ndakan a li basara cocoo, koɗ tanu. An hin ti may, ci may, furi ɗaŋ.

DI BOLLA 6:9

Mariyaɗ ni furi u vaaŋ ma ka koŋ ewna su mayra huruŋ haɗ kay tlesuu vi suunanara. Halaŋ ca ni ɦawaa, hin jak ki ni duk semeɗna.

DI BOLLA 7:14

Lini dlara halaŋ ka tuɗ jiviya ni furuyuygiya, lini dlara halaŋ ka tuɗ coo ni, saaraygi may. Lona sun jivira u cora ay halaŋ, sana ka ndak a waɗ uɗɗi, ka wi va ma hin li ka ŋgorommaɗi lay.

DI BOLLA 3:12

An wi ki ana sa warna vaam kaɗi. Nammi kay a li ayra may, furi hu buurum ma nam ka iiri nde wannara may.