DI BOLLA 11:5 - Boy Lonana

⁵ Aŋ ka wi li ma semeɗna col ay hunaɗi. Ko ndal aŋ ka wi yal ma gogoona wul ay kurufu huu sumbaɗira na may. Ni na may aŋ ka ndak a wi sunda Lona laɗtaɗi.

DI BOLLA 11:5 ပူးပေါင်းရင်းမြစ်များ

JOB 37:23

Ni saɓak ma ay ka ndak a tew egembina. Ŋgol coco u saɓakŋa lay u ɗegeera lay. Nam ka li sa ma ɗegeera ka hurum coconaɗi.

JOB 38:4

Hu li ma an min ndaŋgarana ni aŋ ka ni arage? Aŋ sa ma wi dlara cocona may ni hoŋon dira aya.

JOB 5:9

Dlara nam laɗta ni ŋgol cocoo. Sa ka ndak a faɗ uɗɗi. Sa ka ndak a ndum dlara mbuɗ mbuɗta nam laɗtaɗi.

SOOLLA 104:24

Yawe sun maŋga ndaɗ bolow cocoo, aŋ laɗ halaŋŋi u yalna, tlesuu kay ndaŋgarana halaŋ aŋ lasi ni aŋu.

SOOLLA 40:5

Furira ka kay sa ma tin saa mamba kay Yawena, ka hoŋ irim eg dla coraɗi, ka hoŋ irim eg suu kaboynaɗina lay.

SOOLLA 92:5

Kay sun maŋga furiyun hurun cocoo, Yawe, aŋ wi sunda aŋ laɗ u koŋga na ni hurun furi cocoo.

DI BOLLA 1:13

An u yal manna hal ana an min a wi dlara ga hu duliyara u huulonara ki na bel bel. An wi ki kan ana Lona ɦal kay goryoŋ Adamma ni li ma loɓma ɦawaa.

DI BOLLA 1:6

Semeɗna tuɗ irim daliya, hin hoŋ mbayawi, semeɗna bi wa, bi wa, hin tuɗa. Semeɗna hin hoŋ ay hu li ma nam col ay huna olo.

DI BOLLA 11:4

Sa ma gi saŋ lona ki ana lina bay ndak tuwana ka hin a feɗ waɗi may.

DI BOLLA 3:10

An wi sunda Lona ɦaɗ ka kay goryoŋ Adamma a asi laɗta.

DI BOLLA 3:11

Sana li tlesuu jivina ni hu liisiya liisiya. Nam ɦasi saara wi buurusi ma ha fokŋa hurusi lay. May asi ka wi ŋga buu nammaɗi, kay sa warna ka ndak a wi dlara Lona laɗta col ay hu tin ura day ta ta daɓpara ki belɗi.

DI BOLLA 7:24

Dlara mbayra halaŋŋi su ki kay saa manda, dla ndaɗta ki zuzul cocoo. Sa ma ndak a waɗ uɗ kina ni gege?

DI BOLLA 8:17

An wi sunda Lona laɗta ni sa warna ka ndak a wi dlara Lona laɗ kay ndaŋgara wandaɗi. Sana loɓ tam coco a hal u dlara may ni, ka faɗɗi. Lini suu wi dlara di ana asi wiya lay ni ɦawaa. Asi ka ndak a wi u dlara Lona laɗtaɗi.

EZAYI 40:28

Agi ka wiɗi su? Agi ka humbi su? Lona Yawe ni sa ma li duliyara halaŋŋa nam ka dindin, nam ka loɓbi, ka mbuɗ maŋiɗi lay, sa ma daŋ ma wam neemba ki kaɗi.

Boy Ma Ayra Ma JAŊ Ɓiirimma 3:8

Semeɗna sii ni, aŋ huma, hu li ma nam col ay siira huna aŋ ka wiɗi lay. Sa ma vuɗ ay hu Musuk Lonara ni na may.»

ROMMA 11:33

Ҥizza vi Lonara ŋgolla nera u wiimba zul ɦay. Sa hin ndak a gam u dlaam ndaɗta kina ni gege? Va ma ŋgaamma sa ndak a humum um kina ni gege?