DI BOLLA 11:1 - Boy Lonana

¹ Ҥal bege maŋga ha ki maŋ suu ŋgoo mbonana. Dagan buuna ŋgol nde ni aŋ hin faɗ olo.

DI BOLLA 11:1 ပူးပေါင်းရင်းမြစ်များ

DI BOLLA 11:6

Maɗiira ni aŋ zaa wana hu sene maŋŋa. Fiɗigira ni aŋ ɗuɗ koŋ huruŋ ɦawaɗi. Kay aŋ ka wi ki ana ma hin li ki jivina ni maanageraɗi, ɗowba asi ndak a li ki jivi jak lay.

VUN ŊGOLNA 19:17

Sa ma wi hahaw suu maŋina ka ni balna kay Yawe. Nam hin hoŋomma kiyo.

HEBRENA 6:10

Lona ni sa ma ɗegeena. Humum ka maa kay sun magiraɗi, min magira agi takaɗta u sun magira agi lambara, agi laɗ maŋ gorsegi suu vina.

MATIYE 10:42

An dagi ni gasagi ana, Sa ɦal yona maŋ gogoona duk suu manna ana nammi saannaɗi su na, warak mamma ka viɗ kiɗi.»

2 KORINTNA 9:6

Humugi gagi kay boy ma di anaba, sa ma zaa ka ŋgolɗina hin feɗ ni ew may, sa ma zaa ŋgolna hin feɗ ni ŋgol may.

EZAYI 32:20

Furira ni kagiya, agi hin zaa tlena hu li ma lona si huna halaŋ, mbutlugi magisina u kor magira agi hin cukusi koloo, ka joɓosi dlasi oloɗi lay.

Boy Ma Ayra Ma LUK Ɓiirimma 14:14

Ni aŋ hin fi furira kay asi ndak ka a hoŋoŋ tlegeyeŋ kiɗi. Lona hin hoŋoŋsina falira suu ɗegeena paɗ ki kolo iirira.»

EZAYI 32:8

Na may sa ma hurum jivina saa a li ni dlara jivira may. Sun mamba nam a laɗta halaŋŋi jiviya.

MATIYE 25:40

Mulna hoŋosi dira ana, «An dagi ni u voɗoɗu, jivira agi laɗ eg sa maa dew duk gorsen suu hahawra, ni agi landa ay ni man anu.»

VUN ŊGOLNA 22:9

Sa ma wi hahaw suuna hin fi paɗvunna, kay nam ɦal fuumma ki maŋ suu ɦawra.

VUN ŊGOLNA 11:18

Sa ma dlam cona fi ni warak ma um kaɗina, sa ma di dlara ɗegeera wi ki kam gasi ana warak mamma kaa.

MATIYE 10:13

Suu hu zi ndaɗtana vagi jivi wa ni, heɓ magira hin kak u asiya. Asi vagi kaɗi ni, ndaɗ hin hoŋ ay kiyo.

2 SAMUEL 17:29

mbul yumma, mbul mbiira, tliw timigiina u mbutlugina asi yowosi ay a tina maŋ David u suu ay u namma kay asi ɓak tasi ana, «Suuna wi hawra ko mayra ɦay, ko loɓma u laara hu fulla.»

DLAŊ LEVIRA 19:25

Hu basara vadla ni agi tam vuɗum tuɗaŋ ŋgus magi namma hin vuɗ fok cocoo. Ni an, Yawe, Loogina.

DI BOLLA 3:6

Buu dew a hal ayra, buu dew a ba ha kira may. Buu dew a ɗokka, buu dew a ba kira may.

MATIYE 25:17

Ma bege mamma mbana, fi ka u mba' may.