DI BOLLA 10:19 - Boy Lonana

¹⁹ Ti ma jivi ma tinim fokoy na ɦikŋa furi huuna. Sum ma camma mbuɗ sana ay coco may. Tle asina jak ca ni fasi ni u gursura.

DI BOLLA 10:19 ပူးပေါင်းရင်းမြစ်များ

URA TIN AYRA 43:34

Yosef yowosi u fu ma ay komma aya, Benjamin mamma su masina halaŋ ɓorow ii masina goy vadl. Asi ti may ci may furi u namu.

2 SAMUEL 13:28

Absalom ɦal voɗta maŋ mborɓogi mamsina ana, «Gologi jiviya. Hu li ma Amnon hurum oy ki u furira u sum veŋŋa wa, an hin dagi wa ana, waɗagi Amnonni agi hin cam kiyo. Lagi ndaaɗi. An ɦagi voɗta ka ni anɗi su? Soogi ugi takagi saɓak magina kiyo.»

1 DLAŊ MULINARA 21:24

Na may mulna David di Ornan ana, «Ҥawaa, an min a gusummi u gursura. An hin ka tlaŋ vaaŋŋa ki maŋ Yaweɗi, li ɓivun ma ŋgalam ki ŋgalina u va ma gusum kaɗinaɗi.»

EZDRAS 1:6

Ndarayasi suu zi suu egesina vasi kosi a njunusi u tlesuu ko ndal doonora na, lorra na, begera na, yoorina na, ɦalla ɦawara jivira ka ndumbi, u tlesuu ɦasi ki ɦawana cuk kayam olo.

NEHEMI 5:8

An dasi ana, «Ami u tamira hoŋ gorsemi suu Juif suu gususi ha ki ko suunana ay ki gussa u saɓakami halaŋ. Na may ni agi tagira agi gusugi gorsegina kiyo. Agi gususi ki ni komi ami gaw may.» Asi seŋ vunusi na selewen ka fi va ma hoŋ dira oloɗi.

ESTER 1:10

Hu buu ma kiɗisiyana ni mulna hurum oy ki u furira ko sum veŋŋa. Nam di Mehuman, Bizta, Harbona, Bigta u Abagta, Zetar u Karkas suu ŋgolo suu sunda vi mulna Zersesna ana,

SOOLLA 104:15

Sum veŋŋa ka furi huu suu warna, mbulna ka lasi ti ma jivina. Funa kay a ɦasi saɓakŋa may.

SOOLLA 112:9

Nam ɦal tlena ki maŋ suu hawra cocoo, Ɗegee mamba ka ni na din din, nam hin fi saɓakŋa u bibiŋilla.

DI BOLLA 2:3

An ɦal tan ana an gol jivi ci summa ki tuwa. An min a li ko suu puluɗina na, a wi dlara suu warna ka laɗ jivi kay ndaŋgara tani wandara. May ni an min gol tan jivi tew tew ka hin a tliwin su kanɗi.

DI BOLLA 9:7

Tuɗa, ti fuuŋŋa u furira, ci sum veŋ maŋŋa u ayra kay Lona ŋgaaŋ sun maŋga aŋ laɗta wa.

EZAYI 23:18

Na may warak masina u fiisina halaŋ hin hinni maŋ Yawe. Nam ka hin njuni kolo moli ɦawaɗi. Warak masina u fiisina ni a ɦal tina maŋ suu ka cuki fok Yawena u baraw ma dereŋ ma cuk tasina.

EZAYI 24:11

Suuna tuɗ hu voɗta ni ka yoo tasi kay summa, furira halaŋ ka oloɗi, kay yam mbassa halaŋŋi sa ma furi kaɗi.

MATIYE 17:27

Kay a ɓeŋ huu suu asina ki ɗir ni, aŋ yow jambat maŋga koŋu, tuɗ hu lumma. Kuluf ma aŋ vam fok jewna, aŋ vamu, ŋgoom vunum kiyo. Aŋ hin fi gursu ma warak kay taa mayra ay funumu. Tli gursu namma, warakasi taa mayra ha kiyo.»

MATIYE 19:21

Yesu dam ana, «Aŋ li a li ki jivi teteɗ ni, tuɗ gus tlege suu koŋŋa ay ki halaŋ. Begera aŋ faɗta ɓorowoɗ ha ki maŋ suu hawra. Aŋ hin fi ɦizza ŋgolla ha kolo huulona. Aŋ li wa na ni, hin tuɗ ay unu.»

Boy Ma Ayra Ma LUK Ɓiirimma 12:19

An hin di tan ana, An li tlena ŋgolo asi ndakan a li basara cocoo, koɗ tanu. An hin ti may, ci may, furi ɗaŋ.

Boy Ma Ayra Ma LUK Ɓiirimma 16:9

Yesu gi boy mamma fun daŋŋi ana, «An dagiya, vagi banara kogi u tlesuu agi fasi kay ndaŋgarana. Falira kogi kaɗaki wa ni, asi hin vagi ni hu zi ma ka daɓ kiɗina.

Boy Ma Ayra Ma LUK Ɓiirimma 8:3

Jan caŋ Kuzara, sa fun Herodna. Suzan u boyogi suu hiŋŋa ni suu njun u Yesu a ɦam tlena u suu haɗi mamsina lay.

SUNDA 11:29

Suu haɗina di ana gegelay ni ɦal va ma nam famma a njun u gorsesi suu ha kaki Yudena.

SUNDA 2:45

Asi gus sene masina ki u tlegeyesi halaŋ tok yam gursura dew, ɓorowosi ki duk tasiya, gege gegelay ni u min mamba.

1 PIYER 4:3

Agi ay jew basara ŋgolo lagini ko suu bay vina lira na, lagi dla cora, ŋgiziɗ tlena vi suuna, guruɗ u summa, luu dam dam, luu ma ci summa, li ɓivun ma njenjena maŋ fulina.

SUU KAƁAKŊA 14:10

Bu Samson tuɗ vi goora hu li ma ɗumba. Samson li tina maŋ suuna a vogoɗona may kay gorzoŋina halaŋ li ni na.

SUU KAƁAKŊA 9:13

Gugutluna hoŋosi dira ana, An ndak a noy sumun ma furi loogina u suuna ɦayna ki kay a kak ŋgolla kay ŋgusugina su?

1 SAMUEL 25:36

Abigal hoŋ ay vo vi Nabal. Gola ni nam ka li luuna, luu ma gasi ma vi mulnana. Nabal hurum ki oyra u furira. Nam guruɗ tam ki na tagalas. Ndaɗ neem yam ka kay vaɗi ta ta ŋgarpiiri.