DI BOLLA 10:16 - Boy Lonana

¹⁶ Mbas mayra mul ma kaɗna goozoŋŋara wi haw cocoo, goryoŋ mulnana lakira ni kay sum ma cira doy na ca.

DI BOLLA 10:16 ပူးပေါင်းရင်းမြစ်များ

EZAYI 3:12

Ҥii, suu mansina kemba ka gologi ni asiya, boyogina ti mulla kagi ni asiya. Agi suu mansina ŋgara agi ŋga tagira baagi ki wa. Ndaɗ ɓalakagi voɗta agi a tuɗ huruɗta ki wa.

JEREMI 21:12

Suu vi Davidna, Yawe ɓak anaba, kaɓak ma ɗegeena maɗii hu buuna tew tew, buɗugi suu suu saɓakŋa lasasina kiyo. Li ka naɗi ni yaanda hin mba kagi ko ndal kura na. Ndaɗ hin ŋgal lina, sa ka ndak a caɗ kiɗi, ko dlaasira cora asi laɗta.

2 DLAŊ MULINARA 13:7

Suu ka wi dlaɗina, goryoŋ suu ɦulla tok tasi ay umu. Asi min a ɦeɓ Roboam ma goŋ Salomonna. Roboam ay ni goozoŋŋa ɦawaa, ka saɓakgi lay, col ay ka fokosi eŋgi.

2 DLAŊ MULINARA 36:9

Joakin kak mulna na ni basaɗammi kalavandi. Nam ti mulla ni til hindi u buu kayam doogo hu Yerusalem, li dlara ka ii Yawe jiviɗira.

2 DLAŊ MULINARA 36:5

Joakim kak mulna na ni basaɗam tew ki na dok-mba' yam vadl. Nam ti mulla hu Yerusalemmi basara doogo yam dew. Nam li ni dlara ka ii Loomma jiviɗira.

2 DLAŊ MULINARA 36:2

Joakas kak mulna ni basaɗammi dok-mba' yam hindi. Nam ti mulla hu Yerusalemmi tilna hindi ɦawaa.

2 DLAŊ MULINARA 36:11

Sedesiyas kak mulna na ni basaɗam tew ki ni dok-mba' yam dew. Nam ti mulla hu Yerusalemmi basara doogo yam dew.

VUN ŊGOLNA 28:16

Mul ma ka neeyɗina las suuna cocoo. Sa ma ka min a vi warak ma kul ko saɗina ni buu mamma kay ndaŋgarana hin ɦuɗ foko.

DI BOLLA 10:15

Sa ma ka wi dlaɗina loɓ tam a li sunda cocoo, ka fi va ŋgolɗi lay. Nam ka wi voɗta a tuɗ ay ki koy hu ɦoŋzi ŋgolnaɗi lay.

1 MULINA 12:11

Bun tinigi nekka ka kagiya an may ni hin cuk ha kay nek ndaɗta hu olo. Bun waɗagi ni u balafna, an may ni balaf manna hin li ni su ma vi bunna.»