DANYEL 9:25 - Boy Lonana

²⁵ «Wi dla ndaɗta ki jivi saa kaɗ ɗaŋ, ay hu li ma boyna di ay ki kay a hoŋ Yerusalem mindara ta ta tew kay mul maɗnara ni, cokira hin li na kiɗisiya, cokira dok kiɗisiya, dok kiɗisiya. Hu cokira dok karkiya yam mbara lina u zulla ŋgolla hin tos ki ni hu yoo tara.

DANYEL 9:25 ပူးပေါင်းရင်းမြစ်များ

2 SAMUEL 15:25

Mulna di Sadok ana, «Hoŋ Zanduk Lonara ha ki hu ɦoŋzina. Li ni Yawe u an jiviya ni nam hin hoŋon aya, hin ɦan voɗta a an waɗ olo, u ziim lay.

EZDRAS 4:24

Na ɗaŋŋi, sun Ziŋ Lonara hu Yerusalem seŋŋa. Ndaɗ seŋ ki ni ta ta hu basara mbara vi mulna Dariyus ma Persna.

EZDRAS 7:1

Ŋgoo dagan dla ndaɗta hu li ma Artazerzes, mul ma Persna, ti mullana, Ezdras ma goŋ Serayana, ma goŋ Azaryana, ma goŋ Hilkiyana,

EZDRAS 7:8

Nam tew ki hu Yerusalemmi hu til ma vadlna ɗaŋ. Ni hu basara kiɗisiyara vi mulna.

NEHEMI 3:1

Eliyasib, mul ŋgol ma li ɓivunna col kolo ko tam u gorsem muli suu li ɓivunna. Asi hin min vun grek ma Timigiinana. Asi paɗ vunusi ki kam hin ɓalam cogoromma funumu, ta ta tew ki eg zira fiyekka Kisnara olo. Asi paɗ vunusi ki kay gulumunna ta ta tew ha ki eg zira fiyekka vi Hananella.

NEHEMI 4:2

Asi yow tasi ay a duu u Yerusalem a ɓeŋeɗ tlegeyeɗ kira.

NEHEMI 4:8

An gol lina ki na halaŋŋi. An hin col ki kolo di suu ɓii magaara, suu kaɓakŋa, suu hiŋŋa lay ana, «Lagi ndaa kosiɗi. Humugi gagi kay Bu Suuna ma ŋgol ma dlam cona, duurugi kay gorsegina, kay goryogi suu njufiina u suu gorɓiina, kay boyogogiya, kay ziigiya.»

NEHEMI 6:15

Sun gulumunna daɓ ki hu buu ma dok-mba yam vadlna hu til ma yam ana Elulna hu buu ma dok-vadl yam mbana.

SOOLLA 71:10

Kay suu babali mansina ka njaɗ kanu, suu ka juɓun unna vi vun tasi ki wa.

DI BOLLA 3:3

Buu ma ci kina ni dew, buu ma garaɗta ni dew may. Buu ma to zina kina ni dew, buu ma minda ni dew may.

EZAYI 55:4

An tinimmi a sa ma diki maŋ njaf suuna halaŋŋa. Nammi sa ma saɓakŋa kom bay njaf suuna belna.

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

DANYEL 8:11

Ndaɗ wul ta ta tew eg mul ma vi suu sunda huulonana, tlam ɓivun ma asi lamma tew tewna kiyo, toom u ziimba kaŋga giira kiyo.

DANYEL 8:25

U yal mamma nam hin ganyam suuna, ndaɗ hin wul hurum u heɓpa cocoo, hin ɓeŋ suuna ki bolow coco lay, nam hin col yara kolo eg mul ma vi mulina na may nam hin toom ki bay ko sa tin egemu.

DANYEL 9:23

Hu gijaŋ yoo taaŋga wanni boy maa ndi ki duk dew, an mbay ni a daŋ boy namma, kay aŋŋi sa ma Lona ŋgaɓam ay ki jewna. Hum u boyna jiviya, ko yal ma wi u dlara li kaŋu.

MISE 5:1

Ndak, Betlehem ta Efratara, ndak goo coco a ndumuk duk njaf suu vi Yudana, saan ma ti mulla kay Israelna hin kal ay ki ni huruku. Umba col ayra hoŋ ha ki kaŋgana day, hu buu ma ay jew day dayna.

MISE 5:2

Kay ndaɗta Lona hin noyosi ki ta ta hu li ma ca mayra a vuɗ goonara vuɗum kira. Ɗaŋŋi suu usi hin ko gorsesinana hin taɓ ko tasi u goryoŋ Israelna.

MATIYE 13:23

Ii njaf ma waɗ kay ndaŋgara jivira, ni suu hum boy namma, vam hurusina, maa ɦiw irim ndum kis, ma hiŋŋa ndum dok karkiya, ma hiŋŋa ndum dok hindi may.»

MATIYE 24:15

«Hahawra ŋgolla ka gin a mba kay sa ɗira, agi hin waɗu. Ni ko sa jok vun Lonna Danyel di ki fok jewra na. Sa ma ndum boy namma humum ki jiviya.

MARK 13:14

«Agi hin wi hahawra ŋgolla ka gin a mba kay sa ɗira. Sa ma ndum boy namma humum ki jivina. Hu buu namma suu Yudena hin njay liŋŋa kay ɦinira.

Boy Ma Ayra Ma JAŊ Ɓiirimma 1:41

Andre ŋgaf u wayamma Simon fok jew, dam ana, «Ami fi Sa Lona Fuurumma ha wa, ni ana Kristu.»

Boy Ma Ayra Ma JAŊ Ɓiirimma 4:25

Cara dam ana, «Sa Lona Fuurumma (yam ana Kristu) hin mbaa nam mba wa ni, hin daygi u tlena ki halaŋ.»

SUNDA 3:15

Ni agi cagi ki ni mala iirira. Lona paɗam ki kolo hu miɗna iiriya, ami ni suu diki kamma.

SUNDA 5:31

Lona tlam kakam kay bikim ma njufna tinim a mulna, a Sa Suɗta a ɦal voɗta maŋ suu Israelna asi jok iiri masira ki zeɗ, a Lona hin bulumusi coosira kiyo.

SUNDA 8:30

Filip ɦuɗ tam ha eg pupusna zakŋi, nam huma ni sa ma Etiyopina ka ndum magaara vi sa ma jok vun Lona Ezayi, Filip joɓom ana, «Na ni aŋ hum u boy ma aŋ ndumumma wan su?»

EFESNA 5:16

Lagi jivira hu dlara agi ka laɗta halaŋ kay lima aygi ka hurum cecemi wanna ni coo.

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.

WIRA ŊGAYRA 19:16

Sem ma ɓiiri kay baraw mamma u gayam kaŋgana ko fok wanda na, Mulna vi mulina, Bu Suuna vi Bu Suuna.