DANYEL 9:24 - Boy Lonana

²⁴ Asi ŋga cokira na dok kiɗisiya kay suu maŋsina u ɦoŋziiŋ ma teteɗna a heɓ cora kira, a daɓ sulukŋa kira, a gi ii dla cora, a mba ɗegeera fafaɗta ayra, a gi u dlara tak taɗ ii suunara u dlara suu vovoɗta ɓakaɗta kiyo, a vo mbulna kay sa ma teteɗ ma vi suu teteɗnana.

DANYEL 9:24 ပူးပေါင်းရင်းမြစ်များ

2 DLAŊ MULINARA 29:24

Muli suu li ɓivunna ŋgaɗasiya, li ɓivun ma bulum cora kina kay givin ma togolla u busuɗusi kay givin ma togolla. Ni kay a cen kay suu Israelna halaŋ. Kay mulna ɦal voɗta a li ɓivunna ni kay suu Israelna halaŋ, ɓivun ma bulum cora kina.

SOOLLA 2:6

Nam di ana, «An mbuɗ mul manna ki teteɗ ni anu, tinim kay ɦinira Siyon, ɦini mayra teteɗta ɦini manda.»

SOOLLA 45:7

Mulla Lona haŋgara kak na din din, aŋ ti mulla kay suuna ni u ɗegeera.

EZAYI 42:4

Nam tamba ka daɓ kiɗi, ka maŋ kiɗi lay, ta ta nam tin ɓakŋa ki kay yam ndaŋgara halaŋ. Suu ha ki day dayna halaŋ ka juɓummi haɗ mamba.

EZAYI 51:6

Gologi huulona koloo, gologi ndaŋgara may. Na daŋ may huulona hin vaɗ ki ni ko ndal ndoosna na, ndaŋgara hin ɓeŋ ki ni ko ndal barawna na. Suu cuki kaɗna hin miɗ ki ni ko ndal vurutna ɦawa na. Na may suɗ manda ka ni a fafaɗta. Ɗegee manda ka ni na din din ka daɓ kiɗi.

EZAYI 51:8

Kay njufulna hin tasi ki ni ko ndal barawna na, dagakŋa hin tasi ki ko ndal tlimiɗ timigiina ɦawa na. Na may ɗegee manda ka ni na din din, suɗ manda ha kay njaf suuna fokosiya, fokosiya.

EZAYI 56:1

Yawe di ana, Lagi dlara jivira, tuɗugi u ɗegeera. Kay suɗ manda hin tok a fagira, ɗegee manda tak taɗ ki wa.

EZAYI 61:1

Musuk Bu Suuna Yawera ka kanu, Yawe ŋgaɓan a di boy ma ayra maŋ suu hahawra, ɗil ii suu hurusi ki ɓalakina, nam sunun ay a di boyna cuk suu hu daŋgaynana kiyo. Suu ay ki vii balnana tuɗ ki voo.

YOORA 4:22

Siyon ta jivira dla co makka daɓ ki wa. Nam hin ka tuɗuk ki mbaɓu oloɗi. Ndak Edom ta jivira nam hin gak daŋgayna kay dla co makka, nam ka ndum dla cora ndak laɗta kiyo.

EZEKIYEL 28:12

«Goŋ sanna, gi soolla a tii mul ma Tirna aŋ dam ana, Bu Suuna Yawe di ay ana, Aŋ ni sa ma pasiyakŋa, ma tak yal dlana cocona. Va ma dooroŋ kaɗi, yal coco lay. Aŋ jiv coco ɦay lay.

EZEKIYEL 4:5

An ŋgaaŋ buuna ha kay basara vi suu Israelna hu li ma asi ka li dla corana. Ko ndaɗta na hu buuna 390, ni aŋ ka zii nek cora suu Israelna laɗta.

EZEKIYEL 4:6

Aŋ daɓ buu namma kiyo, ŋgoo dagani, aŋ hin buu kay bikiŋ ma njufna kay cora vi suu hu Yudana a yaŋga mbara olo, li buuna dok-fiɗi, buuna dew ni kay basara dew may.

DLAŊ LEVIRA 25:8

«Aŋ ndum basara kiɗisiya kiɗisiyara seŋ kiɗisiya, ndi halaŋ basara dok-fiɗi yam dleeŋe.

DLAŊ LEVIRA 8:15

Moiz ŋgaɗ mbutl namma, li busuna gor gor komu, tinim eg mek ma ŋguy kay givin ma togolla a bulumum coomba kira. Nam vo busu ma hiŋŋa u givin ma togolla. Nam mbuɗum ki teteɗ u ɓivun ma mbus cora kina.

ZAKARI 4:14

Nam dan ɗaŋŋi ana, «Ni suu wara suu mba' suu ŋgaɓasi ki a li sun mbulnana, suu col fok malaŋ ndaŋgarana halaŋ halaŋŋa.»

NDUMBA 14:34

Ko agi tuɗ a gol mbassa li buuna ay dok-fiɗi, ko ndaɗta na may agi hin li basara ŋgoo bagi ni dok-fiɗi may. Buuna dew ni basa dew may, ni a zii coogira agi laɗta, agi hin wi ki ana an ma ka mbuɗɗina li ni na.

MATIYE 1:21

Ndaɗ hin vuɗ goona, aŋ tinim sem ana Yesu, kayme nam hin suɗ suu mamsina ki hu coosira.»

MATIYE 11:13

Suu jok vun Lona halaŋ, u gaɗta vi Moiz lay, ɓakŋi kay Mulla huulonara. Sa ma do ay ŋgorosi daganna ni Jaŋ.

MATIYE 4:5

Satanna jokom um hu zi ma teteɗna, Yerusalem, kakam kay Ziŋ Lonara koloo

MARK 1:24

«Aŋ a lami ni nanage? Yesu ma Nazaretna, aŋ mba a viɗimi ki su? An waŋ uŋ kiyo, aŋŋi sa teteɗ ma Lona sunum ayna.»

Boy Ma Ayra Ma LUK Ɓiirimma 1:35

Sa sunda huulona daɗ ana, «Musuk Lonara hin mbay kaku, saɓak ma vi Lo ma kolona hin kuluɓ ki kak ko ŋgussa na. Goo ma ndak hin vuɗumma suuna hin yam ana Goŋ Lo ma gasina.

Boy Ma Ayra Ma LUK Ɓiirimma 21:22

Buu namma hin li ni buu ma wi hawra. Li ni boy ma ki ɓiiri fok jewna.

Boy Ma Ayra Ma JAŊ Ɓiirimma 1:41

Andre ŋgaf u wayamma Simon fok jew, dam ana, «Ami fi Sa Lona Fuurumma ha wa, ni ana Kristu.»

Boy Ma Ayra Ma JAŊ Ɓiirimma 3:34

Sa Lona sunum ay na di ni boy ma vi Lonna, kayme Lona ɦam Musuk mamba cocoo.

SUNDA 3:14

Agi noyogi sa ma Teteɗ ma Ɗegeena kiyo, hin joɓogi Pilat ana ɦagi sa ma ci maɗna maa ay ki dew.

SUNDA 3:22

Ko Moiz di ana Bu Suuna Loogina hin sunugi sa ma jokom vunumma ay dew ko an na. Sa namma hin li ni hu njaf magina agi hum u va ma nam damma halaŋ.

SUNDA 4:26

Muli suu ŋgolo suu kay ndaŋgarana halaŋ col duuna, suu mulina halaŋ tok tasiya duu u Bu Suuna u Saam ma Suɗta lay.

ROMMA 5:10

Aygi ay jewni suu gonokka u Lonna, nam hin taɓaygi egemmi u miɗna vi Goromma. Ni kay ndaɗta nam hoŋ taɓaygi cecemi u namu, ay hin suɗuygi kini u iirira vi Goromma.

1 KORINTNA 1:30

Lona taɓaygi ni u Yesu Kristu, nam mbuɗ Kristu kini a neeygira. Aygi mbuɗ ki ɗegee fok Lona ni u Kristu, Lona buɗuygi ki wa, aygi mbuɗ ni suu mamma.

FILIPINA 3:9

A li ɗegee taɓi u namba wanni ka dlaanda an hum jivi u gaɗtaraɗi, ni u vira hu Kristu an mbuɗ ɗegee ni na, dla mayra mbuɗ sana ki ɗegeera mbay ni vi Lona, kay Lona haɗ ni maŋ suu vina.

KOLOSNA 1:20

Ni na may nam min taɓ tlesuu hu duliyara halaŋ u nam hu goromma. Lona mba heɓpa kay duliyara u miɗna vi goromma hu gu garakŋa, ni nam taɓ dukum u tlena halaŋ u namu, hu ndaŋgara lay kolo huulona lay.

KOLOSNA 2:14

Nam bulum magaara bal ma li kaygina kiyo, ni mayra ay tini kaygi u gaɗta eŋga, nam bulumum ki hu li ma ɓalam ki kolo hu gu garakŋa.

HEBRENA 10:14

U ɦal mamba dewra nam mbus cora vi suuna ki pasiyak a fafatɗa.

HEBRENA 2:17

Ni kay ndaɗta nam mbuɗ tam ki ko gorsemma na kay a mbuɗ ki mul ŋgol ma li ɓivunna ma jivi ɗegee fok Lonna. Kay cora vi suuna mba daɓ kiyo.

HEBRENA 7:26

Yesu ni mul ŋgol maygi ma li ɓivunna ma aygi vi umma. Nam sa ma teteɗ ma bay cora egemma, cora na nde lay ka egembi, duk ɦoŋom taɓ ka u coraɗi, tlam ha ki kolo huulona ma dayna.

HEBRENA 9:26

Lini naɗi ni nam gijaŋ wihawra sem bolowo ay u minda min duliyara day. A gasira nam li cecemi na sem dew ni a fafatɗa. Ni lina hin tok a daɓa, nam a bulum cora kira wanni ɦal tamba a ɓivunna gaw.

2 PIYER 1:1

Ni Simon Piyer sa ma sunda ma vovoɗta vi Yesu Kristu. Maŋ suu may suu fi vira dlaɗ ŋgol ko ami na mayra u ɗegeera vi Lona u Sa Suɗta Yesu Kristu.

1 JAŊ 3:8

Sa yam gak li corana ni sa vi Satanna na kay me Satanna li cora ay jew ni namu. Ni kay ndaɗta Goŋ Lonna mba ni kay a ɓeŋ sunda vi Satannara kiyo.

WIRA ŊGAYRA 14:6

Ŋgoo dagan an wi sa sunda huulona pii ha kolo duk lona day, nam di Boy ma Ayra ma din dinna maŋ suu kay ndaŋgara, u njaf suuna u deera, u njaf vunna zeɗ zeɗ maŋ suuna halaŋ.

WIRA ŊGAYRA 3:7

Ɓii magaara maŋ sa sunda huulona vi suu vi Kristuna hu Filadelfi. Humugi boy ma sa ma coli ɗegee, bay cora egemma damma. Vun zira vi mul ŋgolna Davidta ni komu, nam mal vun zira kiwani sa ma daŋ ka ndak a duguɗɗi, nam duguɗ wa ni sa ma daŋ ka ndak a malaɗ kiɗi may.