DANYEL 9:18 - Boy Lonana

¹⁸ Aŋ, Loonna, tin humuŋ humun haa. Mal iriŋ ki golomi ɓeŋ mamira u ɦoŋzi ma seŋ ka yi hurum tewtewna, ka ni kay sun mamira ɗegeera ami tiniŋ yoo mamira fokoŋŋi naɗi, ni kay oo maŋga ŋgolla.

DANYEL 9:18 ပူးပေါင်းရင်းမြစ်များ

1 MULINA 8:29

Ko iriŋ li ki mali kay zi ndaɗta na mal, njeŋge lay, faali lay kay li ma aŋ ɓak kam ana, Wanni li ma sen hin yi hunana. Hum cenda saaŋ ma sunda ceneŋ hu li namma wanda haa.

2 MULINA 19:16

Tin humuŋ aya, Yawe, huma, mal iriŋ kiyo, Yawe, gola. Hum boy ma vi Senakerib ma sunum ay a ŋgul Lo ma iirina haa.

SOOLLA 116:1

An minni Yawe kay nam humun delenda cenda hawa,

SOOLLA 25:6

Yawe humuŋ gaŋ kay oo maŋga, u ɗegee maŋga aŋ laɗ ay fok jew dayra.

KALKIRA 3:7

Yawe di ana, «An wi hahawra vi suu mansina hu Egiptera wa halaŋ. An hum asi ka tii ko telekŋa vi suu Egiptena, na daŋ may an wasi las masira wa.

EZAYI 37:17

Tin humuŋu, Yawe, hum haa, mal iriŋ kiyo, Yawe, gola. Hum boy co ma Senakerib dam ma sun suuna ay a ŋgul Lo ma iirina wanna.

EZAYI 43:7

Suu may suu yan u senna halaŋ, an lasi ni kay a asi ŋgaan senda.

EZAYI 64:6

Sa ma yaŋ seŋ kaɗi, sa ma dliɗ tam kolo a vaŋ kom kaɗi lay, kay aŋ ŋgay taŋ ki irimi wa, aŋ hinimi ko dla coomira ka lasami ni ndaɗu. Ami mbuɗ ni suu ka hu yoorana.

JEREMI 14:7

Lini suluk mamina ka kaami ɓakŋa kamiya, kay seŋ aŋ Yawe a fi ŋgara ni aŋ li ko aŋ minda na. Gasi ami ka bay hin tinda tin vunumi kaŋga ki tuwa, ami ki suluk fokoŋu.

JEREMI 14:9

Ni kay me aŋ mbuɗ taŋ ki ko sa ma mbuɗ ki ndaana na, ko ndal sa duuna ka ndak a suɗ sa oloɗira na ni nanage? Doliɗi ni aŋ Yawe ka dukumiya. Ami humuŋ seŋ ki lay. Aŋ hinimi kiɗi.

JEREMI 15:16

Hu li ma an humuŋ boy maŋŋa wa gaw ni, an vam hurunu. Boy maŋŋa heɓen hurunu, mbuɗun hurun furi coco lay. Asi ɓakan ki u seŋ lay, Yawe Lo ma Saɓakŋa.

JEREMI 25:29

An sun dla cora ha kay ɦoŋzi ma humun sen kina jew tuwa, agi may ni dla hin ka li kagiɗi su? Ҥawaa, agi hin ka li ki bay dla kagiɗi, kay ana an ka sun ŋgewiina ay kay suu kay ndaŋgarana halaŋ, Yawe, ma Saɓakŋa Kom Belna, di na.»

JEREMI 36:7

Kala li ni tii masina hin tew ki eg Yawe kala, a gegelay hom ki kay tuɗ mamba cora kay ana yara vi Bu Suunara ta nam a laɗ eg suu asinara ka ŋgol cocoo.»

JEREMI 37:20

Cecem wanda aŋ hum haa malanna mulna, hinin an tin kon egeŋ u cen manda, digin hoŋon hu ziŋ sa ŋgol ma sunda Yonatanɗi. Ha tana wanni an hin miɗ kiyo.»

EZEKIYEL 36:22

Aŋ tuɗ di suu Israelna ana, Bu Suuna, Yawe, di ana, an li dla ndaɗta ni ka kay jivi magiraɗi. Ni kay sen ma teteɗna ma agi ɓalakam ki wanna, ha ki duk njaf suu daŋŋa hu li ma agi cuki huna halaŋ.

EZEKIYEL 36:32

An li dla ndaɗta na ni ka kay jivi magiraɗi. Di ni Bu Suuna Yawe. Dla ndaɗta ni agi vaɗ ki kagi jiviya, mbuɗugi zolona na ɗow kay poy magira ay co ndaɗta, agi suu Israelna.

DANYEL 9:7

Ɗegeera ni maŋ aŋ Bu Suunara, zolona ka kami hu buu namma, kay suu hu Yudana, suu hu Yerusalemma, kay suu Israelna halaŋ, suu tokŋa u suu ha ki dayna lay, kay yam mbassa halaŋ hu li ma aŋ dikisi ha ki kay cora asi laɗ egeŋga.

NDUMBA 6:27

Hu li ma mul ma li ɓivunna yan sen wa na kay suu Israelna ni, an u tanda hin paɗ vunun ki kasiya.»

1 KORINTNA 1:2

Maŋ suu vi Kristuna, suu vi Lonna hu Korint, suu Lona yasi ki mamma hu taɓpa u Yesu Kristu, maŋ suuna halaŋ suu yi sem Yesu Bu Suuna mayna Yesu Kristu, Bu Suuna masina u maygina.