DANYEL 9:16 - Boy Lonana

¹⁶ Bu Suuna, u sun maŋga ɗegeera, ko yaaŋga u huruŋ ma zalina li kay Yerusalem ziiŋŋa, ɦini maŋga teteɗtaɗi ni kay suluk mamina u cora vi somoyomira, Yerusalem u suu maŋsina mbuɗ ni va ma ŋgulla maŋ suu ŋguy kamina halaŋ.

DANYEL 9:16 ပူးပေါင်းရင်းမြစ်များ

ZAKARI 8:3

Yawe ɓak ana, An hin hoŋ ay eg Siyon, kak hu ɦoŋzi ma Yerusalemma. Asi hin yi sem Yerusalem ma daŋŋa ana, ɦoŋzi ma ɗegeena, ɦinira vi Yawe, ma Saɓakŋa Kom Belna, ɦinira teteɗta.

DANYEL 9:20

An ɓak tu may, cena hom coonda ki may, cora vi suu Israelna may, tin yoo manda fok Yawe, Lo manna, kay sem ɦinira teteɗta vi Loonnara.

SOOLLA 31:1

Soolla vi sa ma fok suu gi soollana, soolla vi David.

SOOLLA 79:4

Suu vok ziimi suu ŋguyumina halaŋ ka ŋgulumiya, suu ŋguy kamina halaŋ ka panamiya.

SOOLLA 71:2

Aŋŋi sa ma ɗegee, hu vi vun maŋŋa buɗun kiyo, tin humuŋ aya humunu, suɗun kiyo.

KALKIRA 20:5

Aŋ mba goɓ ga fok loogi suu asinaɗi, sunusiɗi lay, kay anni Yawe, Looŋŋa, Lo ma hurum ya cocona, an tin cora vi somora ha kay goryosiya ha kay njafasi fokosi hindi lay, fiɗi lay, lini asi ka hum unɗi.

1 JAŊ 1:9

Lini aygi di cooygira ki fok Lona ni, aygi ndak a ɦam huruygi halaŋ kay me nammi sa ma ɗili ma ɗegeena, nam hin daɓaygi cooygira kiyo hin mbusuygi ki ko dla cooygira halaŋ.

2 TESALONIKŊA 1:6

Kay Lona u ɗegee mamba hin cuk wihaw magira kay suu ka lasagina.

EZEKIYEL 5:14

«An mbuɗugi ɦoŋziigina ki ni ko ŋgoo bagira na. Suu ŋguy kay ziigina halaŋ hin panagiya. Suu tuɗ voɗta lay hin san ugi ni na lay.

JEREMI 32:32

Ni kay dla cora suu Israelna u suu Yudana laɗta. Asi ɓeŋen hurun kiyo. Asi lay, muli masisina lay, suu masi suu ŋgolona lay, muli suu li ɓivunna lay, suu masi suu jok vun Lona lay, suu vi Yudana, suu Yerusalemma lay.

JEREMI 29:18

An hin ciɗisi usi u ŋgewra, mayra u tuguɗi bora. An hin mbuɗusi ki va takka maŋ suuna a asi ɓakaɗ tew tew li ndaana may. Ni dlara hahawra suuna hin tii koɗta, kay njaf suu an njayasi kina humusi hin gasi hu li ma asi min a li dla corana.

JEREMI 24:9

Suuna mbuɗ ki ndaana kay an li ki egesi ni dlara tak ki eg muli suu kay ndaŋgarana halaŋ, ki hu li ma an njayasi ki huna, asi hin mbuɗ ki ni dlara njunjunda suuna san uɗta. Suuna hin dogoɗosi ŋgulla u givunna na dok dok.

SOOLLA 143:1

Soolla vi David. Yawe, humun cen manda, tin humuŋu humun joɓ manda haa, u jivi maŋga u ɗegee maŋga, aŋ hoŋon dira aya.

SOOLLA 41:13

Aŋ njun unu van kon kolo wa, aŋ ka u an hu buuna halaŋ a fafaɗta.

NEHEMI 9:8

Aŋ fam iriŋ ɗegee hin vi galamba a ɦam mbassa vi suu Kanaanna, suu Hitna, suu Amorna, suu Perizna, suu Jebusna, suu Girgasna a ɦaɗ ki maŋ njafamba. Aŋ li ko aŋ ɓak ki u vunuŋu kay aŋ ɗegeere.

1 SAMUEL 2:7

Yawe mbuɗ sana ki hawra lay, mbuɗum ki bege lay. Nam hoŋ sana ki kaŋga lay, tlam kolo lay.

SOOLLA 85:4

Aŋ hin yaaŋga laɗ egemira ki wa, cemi aŋ cuk huruŋ ga egemi wa.

EZAYI 5:25

Kay ndaɗta huu Yawe ɓeŋ eg suu mamsina. Nam maɗ kom kasi casiya. Ҥinira halaŋ geŋeɗa, maɗasi gol cukira ga ko tlesuu delbuɗnana na. Na lay ni hurum ma ɓeŋ kina heɓ ka tuɗi, kom ka ni hu li ma yara gak.

JEREMI 32:31

Ҥoŋzi namma mbuɗun ki yara ay hu umba tin ayra na day ta ta karami. An ndak a zuɗusi ha ki egenu.

DANYEL 11:45

Nam hin pi mbutluɓ mamma mulla duk ɦoŋ lum ma ŋgolona u ɦini mayra teteɗ jivi ɦayra. Buurum hin daɓ hu li namma bay sa mbay a njunumu.»

SOOLLA 89:51

Bu Suuna saa kay suu sun maŋsina ka lassa, kay suu maŋ suu aŋ ka golosina halaŋ.

EZEKIYEL 22:4

Busu ma aŋ voom ki cocona ɓakŋa vaŋ wa, u fuli suu aŋ minisina aŋ mbuɗ taŋ ki njenje wa. Kay ndaɗta aŋ dagaa buuruŋ ay ki dagan wa. Cemi aŋ tew fun basaɗaŋ ta daɓ daganda. Kay ndaɗta an mbuɗuŋ ki duk njaf suuna ni a va ma zolona cocona, a va ma sanda ii mbassa daŋga halaŋ.