DANYEL 9:15 - Boy Lonana

¹⁵ Cecem wanda Bu Suuna, Loomina, aŋ ma sel suu maŋsina ay ki hu mbassa Egiptera u koŋ ma saɓakŋa, ma seŋ fi ŋgara um ko aŋ karam gak ka wanda nana, ami ay jew ni suu sulukŋa, suu cona.

DANYEL 9:15 ပူးပေါင်းရင်းမြစ်များ

NEHEMI 9:10

Aŋ li dlara, tak dlara mbuɗ mbuɗta eg Faraw, eg suu mam suu li sunda, eg suu hu mbas mambana halaŋ kay aŋ wi ana u ŋga ta masira asi lasasiya, aŋ yi semma kaŋŋi ko ma wam karamma na.

DANYEL 9:5

Ami li suluku, ami li cora, ami mbuɗ ki suu cona, suu duu u Lona, ami noyoŋ gaɗ maŋga ki lay.

NEHEMI 1:10

Asi ni suu maŋ suu sunda, suu maŋsina, suu aŋ gususi u saɓak maŋ ma ŋgolna, u saɓak koŋu.

KALKIRA 32:11

Na may Moiz cok yam ga fok Yawe di ana, «Ҥii, Yawe, huruŋ ɓeŋ eg suu maŋ suu aŋ cukusi ay ki hu mbassa Egiptera u saɓak maŋ ma cocona na ni kay mege?

KALKIRA 14:18

Suu Egiptena hin wi ki gasi ana anni Yawe, ni hu li ma an hin ŋga tan kay kulumi suu pus pusna vi Faraw u suu mam suu duunana.»

KALKIRA 6:1

Yawe di Moiz ana, «Cemi aŋ hin wi dlara an hin a laɗ eg Farawda. Nam hin hinisi tuɗ ki ni u doolera, nam hin dikisi ay ki hu mbas mamba ni u saɓakŋa.»

2 KORINTNA 1:10

Nammi sa ma suɗumi ay ki fun miɗna ko dlara, ni hin suɗumi kini nam olo, ni ami hin juɓmi komu nam hin suɗi olo.

Boy Ma Ayra Ma LUK Ɓiirimma 18:13

Sa vi taara col ha ki na day ndak ka a tli irim kolo huulonaɗi lay, ɗuɗ kom hurumu di ana, Lona, Bu Suuna, wan hawan aya, kay an ni sa cora.

Boy Ma Ayra Ma LUK Ɓiirimma 15:21

Goona di bum ana, Bunu, an li cora eg Lona may egeŋ may. An ndak ka a aŋ a golon a goroŋŋa oloɗi.

JEREMI 32:10

Ami vami vunumi kay boy namma an hin tin kon kam fok suu an yasi ayna. An hin ŋgaam gusum hu va ma tli nekka.

EZAYI 55:13

Wayra hin dlara day hu liigina tani, day ni ŋgusugi suu ŋgolona, usu ma cona ka day hu sene maginaɗi, day ni mbitl mayra his jivira. Tle asina a tak ki ni ŋgolla bibiŋilla vi Yawera. Ni dlara a tak ha ki na gak gak ka daɓ kiɗira.

SOOLLA 106:8

Nam suɗusi ki ni kay nam vi vunum ki ana nam min suɗusi kiyora ni kay a tak ki ni ŋgol mamba.

1 MULINA 8:51

Ni kay suu maŋsina suu jooŋŋa, suu aŋ cukusi ay ki hu mbassa Egipterana ay ki duk lassa ŋgolla ko ku mayra ŋgik ŋgik ta yoo kawina kira na.

KALKIRA 9:16

An hiniŋ iiri tu ni a takaŋ ki ni saɓak manna. Ni kay a sen tii ki kay yam mbassa halaŋ.

KALKIRA 6:6

Kay ndaɗta aŋ di suu Israelna ana, ni an Yawe. An hin paɗagi ki hu lassa suu Egiptena ka lasagira, an hin buɗugi ki ko mbaɓura, an hin saagi sugulugi ni u saɓakŋa u eŋga.

GA 8ATAMBARA 5:15

Humuŋ gaŋ kay mbassa Egiptera hu li ma aŋ ay mbaɓurana, Yawe Looŋŋa kalaŋ ay ki u bik kom ma saɓakŋa, kay ndaɗta Yawe Looŋŋa ɦaŋ voɗta ana aŋ saa kay buu ma vi Lonna.

KALKIRA 13:3

Moiz di suuna ana, «Humugi gagi kay buu ma agi cuk ay ki hu mbassa Egiptera buɗ ay ki hu mbaɓura, Yawe cukugi ay ki ni u saɓakŋa, sa ka ti fu ma u kuffa dukummaɗi.

KALKIRA 13:9

Yawe kalaŋ ay ki hu mbassa Egiptera ni u saɓakŋa, ni dlara hin a gaŋ humuŋ kara, aŋ waɗ u iriŋu, ka ndum gaɗ ndaɗta vi Yawera u vunuŋ may.

KALKIRA 13:14

«Lini goroŋŋa joɓoŋ vin ana na ni kay mege? Ni aŋ dam ana Yawe cukuygi ay ki hu mbassa Egiptera ni u saɓakŋa buɗuy ay ki hu mbaɓura.

KALKIRA 13:16

«Yawe cukuygi ay ki ni u saɓakŋa hu mbassa Egiptera. Ni dla mayra hin a takaŋ ka na gak gakka, aŋ waɗ u iriŋ lay.»

2 MULINA 21:15

Kay ana asi li dlara ka irin jiviɗira, col ay hu buu ma somoyosi cuk ay ki hu mbassa Egiptera day ni asi ka hin dla cora asi landa egenda kiɗi.»

2 DLAŊ MULINARA 6:37

hu li ma asi ha ki hu mbassa daŋga ŋgayra, asi gijaŋ saara, hom kay dla coosi ndaɗta, ceneŋ ay hu mbassa asi ha ki yowi hu ndaɗta ana, ‹Ami li ni coo, ami ki ni coo comira vami wa.›

NEHEMI 1:6

Ko humuŋ li tini ta, iriŋ li ki mali may a hum cenda vi saaŋ ma sundara. Hu li namma na ni an ka cen fokoŋ kay goryoŋ Israelna suu maŋsuu sunda ana, an hom ki ni kay suluk ma vi goryoŋ Israel ma ami lam egeŋŋa. An u suu vo vi bunna ami li suluku.

EZAYI 64:4

Aŋ mbay ŋgaf vok suu may suu li min maŋgana, suu laɗ u furira, suu saa a tuɗ hu voɗta aŋ takaɗta. Li ni aŋ mbuɗ ya lay ni kay ami li cora, na may ami hin suɗ ki ni kay ami ka tuɗ hu voɗta tew tewra.

JEREMI 14:20

Yawe ami wi dla coomira wa, wami dla cora vi somoyomira lay. Gasi ami li suluk fokoŋu.

YOORA 3:42

Ami mbuɗ tami ki babalira u aŋu. Ami gaŋ vunuŋ kiyo. Aŋ may ni ka wi hahaw saɗi.

EZEKIYEL 5:6

Cemi ni Yerusalem hin ci wayra u dlara an daɗta. Li dla cora su njaf suu may suu ɦawana, ŋgelen gaɗ manda su mbassa daŋga ŋguy kaɗta. Asi hinin dlara an daɗta kiyo, tuɗ ka u gaɗ manda ɗegeeɗi.