DANYEL 9:11 - Boy Lonana

¹¹ Israel halaŋ calaɗ kay gaɗta, mbuɗ irisi kiyo humuŋ deleŋ kaɗi. Na ɗaŋŋi, dla cora ɓiiri hu magaara gaɗta vi Moiz, sa sunda vi Lonana, ndi kamiya, kay ana ami li cora egeŋu.

DANYEL 9:11 ပူးပေါင်းရင်းမြစ်များ

2 MULINA 18:12

Ni kay ana asi hum vun Yawe, Loosina, kaɗi. Asi ŋgel vun galam mamba nam vaɗ u asira. Tlesuu Moiz, sa ma sun Yawena, ɓiirisina asi humusi kaɗi, li ka usiɗi lay.

2 MULINA 22:16

Yawe di ana, An hin mbaa yoora kay li namma, kay suu cuki hu li nammana lay. Li dla mayra hu magaara gaɗta ta mul ma Yudana ndumuɗ wanda ki halaŋ.

EZAYI 1:3

Mbutlna wi malam ma gam vona, korra wi bulla ndaɗ ti haɗna vi malaɗna hura. Suu Israelna ka wi va dewɗi, suu mansina yal masina kaɗi.

EZAYI 43:28

Kay ndaɗta an mbuɗ suu ŋgolo suu li sunda hu ziŋ Lonara ki zolona. An kaɓak ma ba kina kay njaf suu vi Yakobma, an hin njaf suu daŋŋa las suu Israelna.

JEREMI 16:11

Na ɗaŋŋi aŋ hin dasiya, «Ni kay ana somoyogi noyon kiyo. Yawe di na. Asi liŋ tuɗ ki u loogi suu daŋga a goɓosira, goɓ kaŋga fokosi lay. An tanda asi noyon kiyo, haɗ manda lay asi vaɗ ka kasiɗi.

JEREMI 2:29

Agi li ɓakŋa u anni kay mege? Agi halaŋ halaŋ mbuɗugi yara u anu, Yawe di na.

JEREMI 30:14

Suu banayaŋŋa halaŋ maaraŋ kiyo. Humusi ka gasi kaŋ oloɗi. An caŋ poŋga ko ndal poŋ sa babalira na. Ni haɗta eŋ cocora kay maɗ ma aŋ cam bolowna kay dla cora aŋ laɗ ka seŋ dukgi layra.

JEREMI 32:23

Asi tuɗ hu mbas ndaɗta hin kak huruɗu. Na may asi humuŋ deleŋ kaɗi lay, gaɗ maŋga lay. Asi tuɗ ka uɗɗi. Asi min ka a li dlara aŋ dasi ana asi laɗuraɗi halaŋ. Ni kay ndaɗta aŋ mbaasi dla cora ay kasi halaŋŋi na.

JEREMI 40:3

Yawe mba dla ndaɗta aya. Nam li ni ko nam di kaɗ a laɗta na daŋ may. Ni kay ana agi li cora eg Yawe, kay ana agi humum delem kaɗi, dla ndaɗta mba ni na.

JEREMI 44:22

Yawe ka a siɓ dla coogira agi laɗta oloɗi. Na may mbas magira mbuɗ ki ni sene ma jona. Li ma kiɗik kiɗik ma hahawra. Nam mbuɗ ki ni li ma suuna gi vunna maŋ tasi u namma. Suu hurumma casi ki halaŋ halaŋ. Gasi ni dlara ka cecem wanda.

JEREMI 44:23

Ni kay ana agi ŋgal ɓivunna agi mbuɗ ki cora fok Bu Suuna ni na, agi humum delem kaɗi, tuɗ ka u gaɗ mambaɗi lay, dlara nam daɗtaɗi lay, gasi ni na, dla cora mba kagi ni na. Ni dlara cecem wan daŋga gasi.»

JEREMI 6:19

Ndaŋgara hum haa, an hin mba dlara hahawra ay kay suuna, ni vuɗ dlaasira cora. Asi ka gol tasi jivi kay dlaandaɗi. Gaɗ manda asi ka li uɗɗi lay.

DANYEL 9:13

Ko ki ɓiirira hu magaara gaɗta vi Moizza na, dla co ndaɗta halaŋ mba kamiya, may ami heɓ huu Yawe, Loomina, ka u hinda hin coomira kiraɗi, a li ka kira na en hu ɗegee mambaɗi.

DANYEL 9:5

Ami li suluku, ami li cora, ami mbuɗ ki suu cona, suu duu u Lona, ami noyoŋ gaɗ maŋga ki lay.

ZAKARI 1:6

Na ni boy manna u gaɗ manda suu an hinisi ka maŋ suu man suu sunda suu jok vun Lona tewegi somoyogi kaɗi su? Na daŋŋi asi hoŋ aya, di u vunusi ana, Yawe, ma Saɓakŋa Kom Belna, col a lasaygi ni kay voɗ maygira u tuɗ maygira cora, nam lasaygi ni na.»

ZAKARI 7:12

Hurusi mbuɗ ki hurusi diɓilikka ko kawina na a hum haɗta u boy ma Yawe, ma Saɓakŋa Kom Belna, ɓakasina u musuk mamba ay fun suu basi suu jok vun Lonana. Yawe, ma Saɓakŋa Kom Belna, hurum mbuɗ ki yara cocoo.

ZAKARI 8:13

Ko ndaɗta na, agi li ni suu wi hawra ay duk suunana zi ma Yudana, zi ma Israelna, na may an hin suɗugi kiyo, agi hin fagi paɗvunna. Lagi ndaanaɗi, soogi ugiya.

GA 8ATAMBARA 8:20

Ni ko ndal njaf suu daŋ suu Yawena baagisina ki fokogi wanna na may, agi hin ba ki ni ko ndaɗta na may. Ni kay agi hum vun Yawe Loogina kaɗira.