DANYEL 8:13 - Boy Lonana

¹³ An hum del sa sunda ɓaka. Sa sunda di sa ma ɓakŋa ana, «Ni saɓa ga dlara vi ɓivun ma tew tewna u cora ɓeŋ tlena kira, zi ma ki ɓeŋina u suu sunda suu tayi kaŋga u semmana hin daɓ ki ni ge?»

DANYEL 8:13 ပူးပေါင်းရင်းမြစ်များ

SOOLLA 74:10

Ҥi, Lona, suu babali mamsina hin hinimi panda ni saɓage? Asi hin hin ŋgulla ŋguluŋ seŋga ni saɓage?

SOOLLA 74:9

Cemi ami ka wi vaami ma dew oloɗi, sa ma jok vun Lona kaɗi lay, dukumi ni sa ma wi ana dla ndaɗta hin daɓ ki saɓage kaɗi.

SOOLLA 79:5

Ҥi, Yawe, ya ndaɗta tuɗ ta ta tew ni ara na gage? Yaaŋga ŋgalami tami ko kura nara hin hinimi ni saɓage?

EZAYI 28:18

Galam magira u miɗnara ki ni ɦawaa, vunugi ma ŋgaram u lina vi suu miɗinana ki ni ɦawa lay. Tuguɗira cora col ay wa ni ndaɗ hin cagi kiyo.

EZAYI 6:11

An hin joɓ ana, «Dla ndaɗta hin daɓmi saɓage, Bu Suuna?» Nam dan ana, «Ni ta ta hu li ma ɦoŋzina ɓeŋ kiyo, suuna njay kina, zina sa ka hin kaki hurum oloɗi. Mbassa mbuɗ ki ni ko ŋgoo bagira na, ɓeŋ ki cocoo.

EZAYI 63:18

Suu maŋsuu teteɗna cuk hu mbas masira ni wan daŋ tuwa, suu babali mamsina tooŋ Ziŋ Lonara kiyo.

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

JEREMI 12:10

Bolow suu taa suuna ɓeŋen gugutlu manda kiyo, tayan sene manna ki kaŋga u sesiya. Sene man ma jivi namma asi mbuɗum ki fulla, va ka huɗira.

DANYEL 11:31

Suu mam suu saɓakŋa hin mbay min tasi a ɓeŋ li ma teteɗna kira, doo ɓivunna bay lira, hin mbaa dla cora ɓeŋ lina ay huwa.

DANYEL 12:11

Col ay hu li ma ɓivun ma lam tew tewna, seŋ bay lirana day ta ta hu li ma dlara ɓeŋ lina mbara ni buuna tew ki buɓ duk kis kis mba' duk dok dleeŋe (1,290).

DANYEL 12:8

An hum boy namma may ka wam umbi, an hin joɓ ana, «Malanna, tle asina hin daɓmi ana mege?»

DANYEL 4:10

An gol irinu, u wira an wi tlena hu liin ma buunara, golla ni sa ma saɓakŋa hoŋ ay kaŋgaa, sa ma jivina.

DANYEL 4:13

Hin mbuɗum hurum kiyo, ka hurum li ko huu sana na oloɗi, hin ɦam huu mbuuna hurumu. Ɗaŋŋi cokira hin jak ki kam yaɗ na kiɗisiya.

DANYEL 4:23

Olo, asi hin di ana hinim sariyam kaŋga duk ndaŋgara, mul maŋga hin tuɗ fok hu buu ma aŋ wi ana Huulona ni malaŋ tlenana.

DANYEL 7:16

An ɦuɗ tan eg sa maa duk suu colina dew, an joɓom ana, va ma nam wam gasi hu dla ndaɗtana ni mege? Nam dan boy namma, buɗun u tle asina kiyo.

DANYEL 7:23

Nam dan ana, «Kay mbuu ma fiɗina ni mulla fiɗira hin mba kay ndaŋgara, ndaɗ hin li ki zeɗ u mulla hiŋŋa halaŋ halaŋ, hin ɓeŋ ndaŋgara kiyo, hin tayaɗ ki kaŋga u seɗu, hin palawaɗ kiyo.

DANYEL 9:27

Nam hin vi banara u suuna bolowo u eŋga ii cokira dew, duk coki ndaɗta, nam hin doo suuna a li ɓivunna, sa ma ɓeŋ lina hin mbaya, dla ndaɗta hin li na gakgak hu buu ma daɓpa vi sa ma ɓeŋ lina.»

ZAKARI 14:5

Agi hin pii ki hu ɦuɗugum ndaɗta, kay ana ɦuɗugum ɦinira hin tew ha ki hu Azal. Agi hin pii ko agi pii ki hu cokira ndaŋgara dlak hu li ma Oziyas a mulna hu Yudara na. Olo, Yawe, Loonna, hin mbay u suu mam suu teteɗna umu.

MATIYE 11:27

«Tlena halaŋ Bun ɦansina ni konu. Sa ka wi Lonɗi, wammi Bum doy hol. Sa wi Lona kaɗi, wammi Goromma u suu nam hin takasina ki na.

MATIYE 24:15

«Hahawra ŋgolla ka gin a mba kay sa ɗira, agi hin waɗu. Ni ko sa jok vun Lonna Danyel di ki fok jewra na. Sa ma ndum boy namma humum ki jiviya.

MARK 13:14

«Agi hin wi hahawra ŋgolla ka gin a mba kay sa ɗira. Sa ma ndum boy namma humum ki jivina. Hu buu namma suu Yudena hin njay liŋŋa kay ɦinira.

Boy Ma Ayra Ma LUK Ɓiirimma 10:22

«Tlena halaŋ Bun ɦansina ni konu. Sa ka wi Goŋ Lonnaɗi, wammi Bun doy hol. Sa ka wi Lonaɗi, wammi Gorom u suu nam hin takasina kina.»

Boy Ma Ayra Ma LUK Ɓiirimma 21:20

«Agi wagi suu duuna ŋguy yam zi Yerusalem wa ni, agi wi ana nam hin tok a hawaɗ kira.

Boy Ma Ayra Ma LUK Ɓiirimma 21:24

Suuna hin casi ki u ɓagina hin yowosi, njayasi ha ki daŋgayna duk njaf suuna zeɗ zeɗ. Suu ɦawana kay to zi Yerusalemma ki ni toy na gak gak bay liisina ndak na baɗi.»

Boy Ma Ayra Ma JAŊ Ɓiirimma 1:18

Sa wi Lona kaɗi, gorom ma dew ma ka eg Bumma, nammi Lona may, takayna ki ni namu.

GA 8ATAMBARA 33:2

Nam di ana, Yawe mbay kolo kay ɦinira Sinayra ni magiya, nam tak tam ki hu mbassa Seirra, nam weleɗ ay kolo day kay ɦinira Paran. Nam mbay hu Meriba, hu Kades, u suu mam suu teteɗna buɓ buɓ doogo.

1 TESALONIKŊA 3:13

Ko nam soogi hurugi a lak bay cora teteɗ fok Lona Buya, a juɓ mbara vi Bu Suuna mayna Yesu u suu mam suu teteɗna halaŋ.

HEBRENA 10:29

Ni sa ma pan Goŋ Lonna hin lini nana ɗaŋge, nam hin busuna vi Goŋ Lonna ma mbus cora kina ko va ma ɦawana na, ŋgul Musukka oora. Agi ndak saa kagi ana ɓakŋa vi sa namma hin lini coo naɗi su?

1 PIYER 1:12

Lona tak ki maŋ suu jokom vunumma ana boy ma asi damma ni ka masi kay tasiɗi, ni magi agiya. Boy namma agi humum ki cecemi namu. Suu di Boy ma Ayra dam ki u saɓak Musuk Lonara ta sunuɗ ay kolo huulona, asi dagina ni namu. Suu sunda huulona min a wi boy namma lay.

Magaara JUD Ɓiiriɗta 1:14

Henok ma hu njafna vi Adam a kiɗisiyana di ki kasi hu boy ma jok vun Lona mamma jew day anaba, «Humugiya Bu Suuna ka mbay u suu mam suu sunda huulona suu teteɗna va ma bup bup ŋgolo.

WIRA ŊGAYRA 11:2

Hin ŋgoo zira bay ŋgaa, hin li namma ki ni maŋ suu bay vi boy ma vi Lonna, asi hin to ɦoŋzi ma teteɗna ki kaŋga ni asiya, li tilna dok fiɗi yam mba'.

WIRA ŊGAYRA 6:10

Asi sawalla ay kolo u delesira eŋga ana, «Bu Suuna ma jivi teteɗ gasina, aŋ juɓ na gak gak, hin kaɓakŋa kay suu hu ndaŋgara a cukusi daŋgayna kay cira asi cami kira ni saɓage?»

SUU KAƁAKŊA 13:18

Sa sunda vi Yawe dam ana, «Aŋ a joɓon kay senni kay mege? Nammi sem ma ŋgayna.»