DANYEL 7:9 - Boy Lonana

⁹ An gol irin hu li ma dlamba mulla ki tinina, sa ma maana kak kaɗu. Baraw mamma haɓpa ko baraw haɓpa na, tumussa kay yamba ko baraw ma haɓma na, dlam mamba ki u sin kura, gayaɗ ni kura ŋgik ŋgikka.

DANYEL 7:9 ပူးပေါင်းရင်းမြစ်များ

1 MULINA 22:19

Mise hoŋ di hu olo ana, «Jiviya, aŋ hum boy ma Yawe damma haa. An wi Yawe kaki kay dlam mamba. Suu duu suu huulonana coli kolo u sesi egemu, kay bikim njuf may, bik gulu may.

2 DLAŊ MULINARA 18:18

Mise hin di hu olo ana, «Aŋ hummi dlara Yawe daɗta na ɗow. An wi Yawe kaki kay dlam mamba mulla. Suu duu suu huulonna njaari kay bikim njuf may, bik gulu may.

SOOLLA 45:8

Aŋ minni dlara jivira, ka min dla coraɗi, kay ndaɗta Lona, Lo maŋŋa fuuruŋ u mbul ma furira, nam miniŋ su ndarayaŋŋa halaŋ.

SOOLLA 90:2

Jew bay ɦinira li tura, bay aŋ li ndaŋgara tu u tlesuu hu duliyarana tu lay, aŋ ka gak gakŋi Lona.

SOOLLA 93:2

Ay day ta ta cemi dlam maŋga mulla ka tini eŋ gak gak, ha ni na gak gak a fafaɗta aŋ kaa.

EZAYI 6:1

Hu coki mayra mulna Oziyas miɗta ni an wi Bu Suuna kak kay dlamba ŋgolla kolo dayra, vun baraw ma cuki tamma oy huu Ziŋ Lonara kiyo.

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

JEREMI 49:38

An tin dlam manda hu Elam. An bulum mul ma huna u suu ŋgolo mam suu sunda kiyo. Yawe di na.

EZEKIYEL 1:26

Kolo kay huulona ma kuluɓi kasi namma olo ni, vana hu ko ndal ɦini mayra yaɗ ana safirra na, tini ko ndal dlamba mulla na, kolo hu dlam ndaɗta ni vana kaki huruɗ ko ndal sa warna na may, kolo kasi halaŋ.

DANYEL 7:13

An gol irin ha hu tlesuu an wasi hu doyra njeŋgena, gola ni ay duk ɗugulla kolo huulonara sana ka mbay ko goŋ sanana na. Nam mba tew ki eg sa ma maana, asi hin ɦuɗumma ay egemu.

DANYEL 7:22

ta ta sa ma maana mbay tuwa, ɓakŋa li jivira kay suu teteɗna vi Lo ma Kolo Dayna, lina ka mbaa suu sunda hin ti mulla.

MISE 5:2

Kay ndaɗta Lona hin noyosi ki ta ta hu li ma ca mayra a vuɗ goonara vuɗum kira. Ɗaŋŋi suu usi hin ko gorsesinana hin taɓ ko tasi u goryoŋ Israelna.

HABAKUK 1:12

Ka ni aŋ ma ay hu ura tin ayra day a Yawenaɗi su? Loonna, saan ma teteɗna? Ami ka miɗ kiɗi, Yawe, aŋ tinimmi a kaɓakŋa, hinira, aŋ ɦaɗ saɓakŋa a gi humba kay ɗegeera.

MATIYE 17:2

Mbalatam jok ki irisi zeɗ gaw, vokom mbuɗ weleɗ ko fatɗa na, baraw ma tamma mbuɗ weleɗ haɓma tel tel.

MATIYE 28:3

Irim ko lona weleɗta na, baraw ma tamma haɓpa tel tel ko tilna na.

MARK 9:3

Baraw ma tamma mbuɗ ka weleɗta wilik wilik, haɓpa ki na kew kew. Sa ndak a mbus baraw ki haɓ kay ndaŋgara ko namma na ni kaɗi.

SUNDA 2:30

Nam ay ni sa ma jok vun Lona, nam wi ki kam ana Lona suu tam ki vi vunum u nam ana goom ma hu njafam maa dew nam hin ɦam mul mamba.

SUNDA 2:33

Lona tlam kolo hu bikim ma njufna, nam fi Musuk Lonara di ki kaɗ jewra ay ko Bumu. Nam hin njayaɗ ay ki kamiya, halaŋŋi va ma agi ka wam cecemi humum u humugiya.

FILIPINA 3:9

A li ɗegee taɓi u namba wanni ka dlaanda an hum jivi u gaɗtaraɗi, ni u vira hu Kristu an mbuɗ ɗegee ni na, dla mayra mbuɗ sana ki ɗegeera mbay ni vi Lona, kay Lona haɗ ni maŋ suu vina.

1 TIMOTE 6:16

Nam dew ni ma ka miɗɗina, nam kaki hu kiɗik mayra sa ka tuɗ ha huɗira, sa waɗ kaɗi lay, sa ndak a waɗɗi lay, geleɗta u saɓak ma ka daɓ kiɗina ni mam a fafatɗa. Amin.

1 JAŊ 1:5

Gola ni boy ma ami humum ay fun Yesu Kristu hin mba jokogina kina ana Lon ni kiɗikka dlara ndufun ka hurum ndeɗi.

WIRA ŊGAYRA 1:14

Tlimiɗ yam haɓpa ko bles timigiina na, haɓpa ko dlaŋmagina na, irim weleɗ ay ko kura na.

WIRA ŊGAYRA 19:18

Mbay komogi tliw mulina, suu ŋgol asgaana u asgaa masisina, tliw kulumina u suu fuli kasina lay, tliw suuna halaŋ, mborɓiina u gor vuɗta lay, suu ŋgolona u kemba halaŋ.»

WIRA ŊGAYRA 20:4

Ŋgoo dagan an wi dlamba mulla, suu kaki kay dlam ndaɗta ɦasi saɓak ma kaɓakŋa kosiya, an wi musukka vi suu casi ki kay asi di gasira Yesu takara u Boy Lonana. Ni suu may suu goɓ ka kaŋga fok vabakŋaɗi cen va ma tli tam ko namma mayɗina, ni suu tin huɗukka vi vabakŋa ay ka vokosiɗina, ka kosiɗi lay. Asi yow ay ki kolo iiriya kak hu mulla ko tasi u Kristu basara bup dew.

WIRA ŊGAYRA 4:2

Na zak gawni Musuk Lonara van kiyo. Ha kolo huulona ni dlamba mulla ka tini dew, sana kaki kay dlamba ndaɗta.