DANYEL 7:27 - Boy Lonana

²⁷ Kay mulla, saɓakŋa u ŋgolla vi muli suu kaŋga u huulona halaŋŋa ɦasi ki maŋ suu teteɗna vi Lo ma Kolo Dayna, mul mamba ni mulla didinda. Saɓakŋa halaŋ hin sunum may hin hum um may.»

DANYEL 7:27 ပူးပေါင်းရင်းမြစ်များ

SOOLLA 145:13

Mul maŋga ni mulla din dinda, mul maŋga ka ni hu basara basara halaŋ. Lona ni gasira, ɗegee hu sun mamba halaŋ.

SOOLLA 22:27

Suu hoŋ yasi gaana ka ti ki u mayasiya. Suu hal Yawena ka ŋgaamu. Suu agina ni suu kak iri u furira din dinna.

SOOLLA 72:11

Mulina halaŋ hin goɓ ga fokomu, Njaf suuna halaŋ hin sunumu.

SOOLLA 86:9

Njaf suu aŋ lasina halaŋ hin mba goɓ ga fokoŋu, Bu Suuna, hin a seŋ fi bibiŋilla fok suuna.

EZAYI 14:2

Suu daŋŋa ŋgolo hin vasiya, mba tinisi ki hu mbas masira. Kay yam ndaŋgara vi Yawera suu Israelna hin ɓorowoɗ kosiya, suu may suu asi ay varsi ŋgayrana, asi hin cukusi ki fokosi a mborɓii masisina, asi hin mbuɗ a ŋgolora kay suu lasasi ayna.

EZAYI 54:3

Kay suu maŋsina hin njay ha ki ni ɓik njuf lay, ɓik gulu lay. Njaf suu maŋsina hin tli li ma vi njaf suu daŋŋana ki lay. Ҥoŋzi maŋ ma ki ko ŋgoo bagi nana suuna hin zul ki huwa.

EZAYI 9:7

Bu Suuna kaɓakŋa kay njaf suu vi Yakobma, ɓak namma ndi ni kay suu Israelna.

DANYEL 2:44

Doli ɗaŋŋi hu buu ma vi muli suu asina wanni Lo ma ay kolo huulonana hin tin mul ma ka ɓeŋ kiɗina, ma mul mamba hin ka ɦaɗ ki maŋ suu daŋ oloɗina. Nam hin luɗusi kiyo, hin bulum muli suu asina ki halaŋ, nam hin hinni a fafaɗta.

DANYEL 4:34

Cecem wanda, an Nabukodonosor, an ŋgaamu, yam semu, goɓ mi Mul ma Kolo Huulonana, kay ana sun mamba halaŋŋi gasira, dlaamba halaŋŋi ɗegeera, nam hin hoŋ suu ŋga tasi ŋgayina ki kaŋgaa.»

DANYEL 6:26

Na ɗaŋŋi mulna Dariyus ɓii maŋ suuna halaŋ, njaf suuna u dee vunusi kay yam ndaŋgara halaŋ, «ko heɓpa li u agi ŋgolo.

DANYEL 7:14

Asi hin ɦam saɓakŋa, bibiŋilla u mulla. Suuna halaŋ, njaf suuna u dee vunusi halaŋ sunumu. Saɓak mamma ni saɓak ma a fafaɗta hin ka daɓ kiɗina, mul mamba ni mul mayra hin ka bulum kiɗira.

DANYEL 7:18

May suu sunda vi Lo ma Kolo Dayna hin vasi mul masira, asi hin kak ti mulla a fafaɗta ka daɓpi.»

DANYEL 7:22

ta ta sa ma maana mbay tuwa, ɓakŋa li jivira kay suu teteɗna vi Lo ma Kolo Dayna, lina ka mbaa suu sunda hin ti mulla.

ABDIYAS 1:21

Suu saɓakŋa ɗiŋ kolo kay ɦinira Siyonda a ti mulla kay ɦinira vi Edomba. Yawe hin vam a mulna.

ZAKARI 14:9

Na ɗaŋŋi Yawe hin tak tam ki a mul ma kay ndaŋgara halaŋŋa. Hu buu namma wanni Yawe li ni dew, sem dew may.

Boy Ma Ayra Ma LUK Ɓiirimma 1:33

Nam hin li ni a mulna kay suu Israelna gak gak, mul mamba ka daɓ kiɗi.»

Boy Ma Ayra Ma JAŊ Ɓiirimma 12:34

Suu molina hoŋom dira ana, «Ami haɗ hu magaa mamira gaɗta ana Sa Lona Fuurumma hin kak iiri ni na gak gak. Na ɗaŋŋi, aŋ hin di ana Goŋ Sana na hin col kolo kay ndaŋgara ni nanage? Goŋ Sa namma ni gege?»

1 KORINTNA 15:24

Ŋgoo dagan daɓ nduŋga, Kristu hin njay ŋgolla u eŋga, u saɓak ma kolona lay ki halaŋ, nam hin hin mulla maŋ bum Lona.

WIRA ŊGAYRA 11:1

Sa ɦan ŋgayra ko tokolora na a ŋga lina hin dan ɗaŋŋi ana, tuɗ ŋga Ziŋ Lonara u givin ma togolla, ndum suu tok a cen Lona hu zirana may.

WIRA ŊGAYRA 11:15

Sa sunda huulona ma kiɗisiyana bu difna, della di ay kolo huulona eŋga ana, «Saɓakŋa a kak mulna kay ndaŋgara cecemi ni maŋ Bu Suuna mayna, u Kristu mamma, nam hin kakŋi a fafatɗa.»

WIRA ŊGAYRA 17:14

Asi hin duu Goo Timiina nam hin su kasiya, kay nammi Bu Suuna vi Bu Suuna, mulna vi mulina, nam hin su kasi u suu mamsina, ni suu mam suu ɗegee suu yasi ay manasi kina.»

WIRA ŊGAYRA 19:16

Sem ma ɓiiri kay baraw mamma u gayam kaŋgana ko fok wanda na, Mulna vi mulina, Bu Suuna vi Bu Suuna.

WIRA ŊGAYRA 20:4

Ŋgoo dagan an wi dlamba mulla, suu kaki kay dlam ndaɗta ɦasi saɓak ma kaɓakŋa kosiya, an wi musukka vi suu casi ki kay asi di gasira Yesu takara u Boy Lonana. Ni suu may suu goɓ ka kaŋga fok vabakŋaɗi cen va ma tli tam ko namma mayɗina, ni suu tin huɗukka vi vabakŋa ay ka vokosiɗina, ka kosiɗi lay. Asi yow ay ki kolo iiriya kak hu mulla ko tasi u Kristu basara bup dew.

WIRA ŊGAYRA 22:5

Njeŋgera hin ka li oloɗi, sa ka li va u kiɗikka vi lamba oloɗi lay, ta vi fatɗaraɗi lay, kay Lona njayasi kiɗik mamba ki kasi halaŋ. Asi hin kak hu mulla a fafatɗa.