DANYEL 7:24 - Boy Lonana

²⁴ Kay mek mayra doogora, hu mul ndaɗta ni mulina hin wul kolo na doogo, ma daŋŋa hin wul ay ŋgorosi dagan olo. Mul namma hin li ki zeɗ u suu jewna, nam hin ci mulina ki hindi.

DANYEL 7:24 ပူးပေါင်းရင်းမြစ်များ

DANYEL 11:36

«Mulna hin li ni dlara u hurumba, hin ŋga tam coco lay, hin gol tam ŋgol suu loogi suu ɦawana lay, su Lo ma vi loogi suu ɦawana na lay, nam hin di boy ma ɦal saara maŋ suunana. Dlaamba hin li kom jivira ta ta hu buu ma yara hin daɓ kina, kay ana va ma Lona ŋgaamma hin li kiyo.

DANYEL 2:41

Aŋ wi gay mbuna u sem ma ɦiw u luɓuna, ma ɦiw u kawina, hin li ni mulla iriɗ ki ɓorowira, saɓak kawina hin li huwa ko ndal aŋ wi kawi ma tlumi ko tam u luɓuna naɗi su.

DANYEL 7:20

Kay dla mek mayra kay yam doogora, olo kay ta hiŋŋa ta wuli kolo, suu hindi hiŋŋa puk kaŋga fokoɗta, mek ndaɗta ira kaɗu, vunuɗ ɓak boy ma mbuɗ mbuɗta, ndaɗ sii ŋgol suu ndarayaɗna.

DANYEL 7:23

Nam dan ana, «Kay mbuu ma fiɗina ni mulla fiɗira hin mba kay ndaŋgara, ndaɗ hin li ki zeɗ u mulla hiŋŋa halaŋ halaŋ, hin ɓeŋ ndaŋgara kiyo, hin tayaɗ ki kaŋga u seɗu, hin palawaɗ kiyo.

WIRA ŊGAYRA 12:3

Dlara mbuɗ ta daŋga col ay kolo huulona, vana yam ana dragoŋ ma ŋgolna, tam tlawi, yam kiɗisiya, mekem doogo, yam dew dew halaŋ u jumba kaɗu.

WIRA ŊGAYRA 13:1

Ŋgoo dagani an wi vabak maa dew kal ay ki duk mbo lumma ŋgolna, yam kiɗisiya, mekem doogo, jumba mulla tini kay mekem dew dew halaŋ, sem ma ŋgul Lona ɓiiri kay yamba kiɗisiyara.

WIRA ŊGAYRA 17:3

Musuk Lonara mba kanu, sa sunda huulona tuɗun ki ŋgoo bagiya. An gol irinu ni wi cara kaki kay vabakŋa tam tlawi tam ki ŋgufira na cutl u sem ma ŋgul Lona, vabak namma yam kiɗisiya, mekem doogo.