DANYEL 7:2 - Boy Lonana

² Danyel ɓak boyna di ana, An gol irin hu doyra dan njeŋgera. Gola ni semeɗ ma keŋ lina fiɗi ma huulonana soo ay hu mbo lum ma ŋgolna.

DANYEL 7:2 ပူးပေါင်းရင်းမြစ်များ

EZAYI 17:12

Hahawra, ni yoora suuna ka yoo tasira, suu asina ka ndumbi, yoora zam ko ndal mbo lum ŋgolna a zamba na, suuna halaŋ soo vunna kolo ko mbo lumma a soora na.

JEREMI 49:36

An hin mbaa semeɗna ay kay Elam hu lina fiɗi, keŋ lina fiɗi. An hin njayasi ki duk semeɗna, njaf suu ka hin a suu Elamma bay tewesi kaɗi.

JEREMI 51:42

Mbo lum ma ŋgolna tluɓ Babilon wa, biliɗ ma ŋgolo cocona tluɓuɗ ki kaŋga wa.

DANYEL 11:4

Hu li ma nam kak ki kaŋga jivi wa ni, mul mamba hin ɓorow iriɗ ki keŋ lina fiɗi, ka maŋ suu hu njafamma oloɗi, ka li saɓak ko nam ti kasira naɗi, kay mul mamba sariyaɗ ka oloɗi, ndaɗ hin ha ki ni maŋ suu daŋŋa.

DANYEL 2:19

Na ɗaŋŋi Danyel hin fi u dlara mbuɗ mbuɗ ndaɗta ki u doyra hu senna njeŋgee. Na ɗaŋŋi Danyel hin gi deɓpa maŋ Lo ma kolo huulonana.

DANYEL 7:13

An gol irin ha hu tlesuu an wasi hu doyra njeŋgena, gola ni ay duk ɗugulla kolo huulonara sana ka mbay ko goŋ sanana na. Nam mba tew ki eg sa ma maana, asi hin ɦuɗumma ay egemu.

DANYEL 7:7

An gol irin ŋgoo dagan olo hu tlesuu an wasi hu doyra njeŋgena, mbuu ma fiɗina, dlam ti ta cocoo, li ndaana coco lay, saɓak coco lay, sii ma funumma ni kawina, ti tlena, harasi kiyo, tayasi usira hinda ki kaŋga u semu, nam ki zeɗ u mbuuri suu kal ki fokomma, mekka kam doogo.

DANYEL 8:2

An gol irin ha duk tlena wan ɗaŋŋi tli irinu ni an ki hu ɦoŋzi ma Suzna hu mbassa Elamba. An gol irin duk tlena nian ki kaki vun lum ma Ulaina.

DANYEL 8:8

Ŋgek namma wuli ŋgolla cocoo, may hu li ma nam li dlara u saɓakam cocona, mekemba ŋgolla kus kiyo, balamaɗ wanni mekka daŋga fiɗi wul olo ko ndal semeɗ ma keŋ lina fiɗi huulonana.

ZAKARI 6:5

Sa sunda huulona dan ana, «Ni semeɗ ma keŋ lina fiɗina mbay ni namu. Nam col ay jew fok sa malaŋ ndaŋgara halaŋŋa.»

MATIYE 24:31

Nam hin sun suu mam suu sunda huulona ay u tokolomma kosiya. Asi hin mba tok suu Lona manasina ki eg tasiya, kay yam mbassa halaŋ ay fun ndaŋgara dodora, u maɗiina, u fiɗigina, mbayaw lay, dali lay.»

WIRA ŊGAYRA 17:15

Sa sunda huulona dan olo ana, «Yo ma aŋ wam cara gawlaŋga kaki dukumma ni suu warna suu tokina, ni njaf suuna zeɗ zeɗ, vunusi zeɗ zeɗ lay.

WIRA ŊGAYRA 7:1

Ŋgoo dagan ni an wi suu sunda huulona fiɗi coli koloo, ki coli keŋ ndaŋgara dew dew fiɗi halaŋ ki kosiya. Kay semeɗna sii kay ndaŋgaraɗi, sii kay mbonaɗi lay, sii kay guguninaɗi lay.