DANYEL 7:13 - Boy Lonana

¹³ An gol irin ha hu tlesuu an wasi hu doyra njeŋgena, gola ni ay duk ɗugulla kolo huulonara sana ka mbay ko goŋ sanana na. Nam mba tew ki eg sa ma maana, asi hin ɦuɗumma ay egemu.

DANYEL 7:13 ပူးပေါင်းရင်းမြစ်များ

MATIYE 26:64

Yesu hoŋom dira ana, «Aŋ di ni aŋu. An dagi ha ana, Agi hin wi Goŋ Sanna kagi kay bik Lona ma njufna, ma saɓakŋa kom halaŋŋa. Agi hin wam nam hoŋ ay duk ɗugulla huulona.»

WIRA ŊGAYRA 1:7

Gologiya nam mba hu ɗugulla. Suuna halaŋ hin wamu, suu cokomma lay. Suu kay ndaŋgarana halaŋ halaŋ hin mbuɗ yoo kay boy mamma, ni dla ndaɗta hin a li ni na daŋ may, amin.

Boy Ma Ayra Ma LUK Ɓiirimma 21:27

Na ɗaŋi Goŋ Sanna hin mbay duk ɗugulla u saɓak ŋgolla vi bumba.

WIRA ŊGAYRA 14:14

An gol irin olo ni wi ɗugulla haɓpa, kay ɗugul ndaɗta vana tli tam ko sa warna na, jumba mulla u lor tini kamu, maragamba siina kom may.

MATIYE 24:30

Hu li namma va tak ki kay Goŋ Sanna hin wi ki kolo huulona. Suu kay ndaŋgarana halaŋ hin yoo tasiya. Na ɗaŋi, asi hin wi Goŋ Sanna mbay duk ɗugulla u saɓakŋa kom halaŋ, u bibiŋil mamba may.

MARK 13:26

Na ɗaŋ asi hin wi Goŋ Sanna mbay duk ɗugulla u saɓakŋa kom halaŋ, u bibiŋil mamba lay.

MATIYE 25:31

«Mayra Goŋ Sanna hin mbay kay mul mambara wanni, suu sunda huulona umu, nam kak kaŋga kay dlam mamba mulla ta bibiŋilla.

Boy Ma Ayra Ma JAŊ Ɓiirimma 3:13

Sa tuɗ ay kolo huulona dew kaɗi, Goŋ Sanna ay kolo huulona mbay kaŋga ni nam dew.

WIRA ŊGAYRA 1:13

Duk ɦoŋosi wanni vana coli ko sa warna na, nam cuk baraw ŋgolna egemu, tew ki kaŋga kay semu, ɗikŋa njuni kayam u lor.

MATIYE 13:41

Goŋ Sanna hin sun suu mam suu sunda huulona aya. Suu gi ii ndarayasina hu corana u suu li dla cora, asi hin dikisi ki hu Mul mamba.

WIRA ŊGAYRA 1:18

An ni ma iirina, an ay jew miɗiya, cecemi an ka iiri a fafatɗa. Vun zira vi miɗna u huu lina vi suu miɗina ki ni konu.

SUNDA 7:56

Nam di ana, «Humugiya, an wi huulona ki maliya, Goŋ Sanna coli kay bik ko Lona ma njufna.»

HEBRENA 9:24

Kay Kristu kal ka ni hu zi ma sa warna minim u komma a tak ki kay dlara gasiraɗi, nam kalni huulona tamba gaw a tak tam ki fok Lona ni kaygiya.

DANYEL 7:22

ta ta sa ma maana mbay tuwa, ɓakŋa li jivira kay suu teteɗna vi Lo ma Kolo Dayna, lina ka mbaa suu sunda hin ti mulla.

Boy Ma Ayra Ma LUK Ɓiirimma 21:36

Buurugi senɗi. Joɓogi Lona tew tew a fi saɓak ma puruɗ tagi ki ko dlara hin mbayra. Ni agi col fok Goŋ Sanana may.»

HEBRENA 2:14

Gorkemba ko nam yasira na ni tliwna u busuna, Yesu kay tamba mbuɗ ni ko asi na kay nam tli ni tasi mayra ko sa warnana. Nam li na ni kay bulum Satanna ki u miɗ mamma, nam fi saɓakŋa vi miɗna ki komu.

1 TIMOTE 6:16

Nam dew ni ma ka miɗɗina, nam kaki hu kiɗik mayra sa ka tuɗ ha huɗira, sa waɗ kaɗi lay, sa ndak a waɗɗi lay, geleɗta u saɓak ma ka daɓ kiɗina ni mam a fafatɗa. Amin.

DANYEL 7:9

An gol irin hu li ma dlamba mulla ki tinina, sa ma maana kak kaɗu. Baraw mamma haɓpa ko baraw haɓpa na, tumussa kay yamba ko baraw ma haɓma na, dlam mamba ki u sin kura, gayaɗ ni kura ŋgik ŋgikka.

EZEKIYEL 1:26

Kolo kay huulona ma kuluɓi kasi namma olo ni, vana hu ko ndal ɦini mayra yaɗ ana safirra na, tini ko ndal dlamba mulla na, kolo hu dlam ndaɗta ni vana kaki huruɗ ko ndal sa warna na may, kolo kasi halaŋ.

SOOLLA 47:5

Nam manaygi mbas maygira kiyo, njaf ma vi Yakob ma nam minimma.

Boy Ma Ayra Ma JAŊ Ɓiirimma 12:34

Suu molina hoŋom dira ana, «Ami haɗ hu magaa mamira gaɗta ana Sa Lona Fuurumma hin kak iiri ni na gak gak. Na ɗaŋŋi, aŋ hin di ana Goŋ Sana na hin col kolo kay ndaŋgara ni nanage? Goŋ Sa namma ni gege?»

Boy Ma Ayra Ma JAŊ Ɓiirimma 5:27

Nam ɦal saɓakŋa maŋ Goromma a kaɓakŋa, kayme nammi Goŋ Sanna.

JEREMI 49:19

Ko ndal dlona col ay duk cerew ma fun lumma Yurdanna na, tuɗ irim ha kay kaana tam ki minira na, na ɗaŋŋi ko ndal iira cemekka na ni an hin ɦuɗusi ha ki egeɗ na day, an hin mbaaɗ gorzoŋŋi suu duuna ay kaɗ na zak gaw. Kay ana sa ko an nana ni gege? Sa hin ndak a kaan ɓakŋa kanna ni gege? Sa gol iirira vi suuna ma hin col fokonna ni gege?

MATIYE 8:20

Yesu dam ana, «Bayakka zuluɗ ka lay, laygina ziisi kasi lay. Goŋ Sanna, li nam koɗ tam hu kaɗi.»

MATIYE 28:18

Yesu ɦuɗ tam egesi, dasi ana, «Saɓakŋa huulona may, kay ndaŋgarana may, an fam ki kon halaŋ.

Boy Ma Ayra Ma LUK Ɓiirimma 24:27

Ŋgoo daganda nam hin gasi u dlara ay ɓiiri kamba ki halaŋ, gijaŋŋa ay kay boy ma vi Moizna, hin jak ha kay dlara vi suu jok vun Lona halaŋ.

1 TESALONIKŊA 4:17

Daganda ay suu hin iirina hin yow kolo hu ɗugulla u asi dew a ŋgaf vok Bu Suuna duk semeɗna, ay hin lak u Bu Suuna a fafatɗa.

SOOLLA 110:2

Aŋ, Yawe, ti mulla kay Siyon u zi ma daŋŋa lay, aŋ kak mulna kay suu babali maŋsina lay.

DANYEL 7:2

Danyel ɓak boyna di ana, An gol irin hu doyra dan njeŋgera. Gola ni semeɗ ma keŋ lina fiɗi ma huulonana soo ay hu mbo lum ma ŋgolna.

DANYEL 7:12

Mbuuri suu hin hiŋŋa may ɗaŋŋi saɓak masina seŋ kiyo, ɦuɗusi buurusi fok ta ta hu buu ma ŋgaamma.

DANYEL 8:15

Doli ɗaŋŋi an, Danyel, ka gol irin duk tlesuu an ka wasina, ka hal a humusi usi ki may ni, vana mba col fokon ko sana na.

SOOLLA 2:8

Joɓonu, an hin ɦaŋ njaf suuna a jooŋŋa, vun ndaŋgara daɓ ayra halaŋŋi varaŋu.

DANYEL 2:44

Doli ɗaŋŋi hu buu ma vi muli suu asina wanni Lo ma ay kolo huulonana hin tin mul ma ka ɓeŋ kiɗina, ma mul mamba hin ka ɦaɗ ki maŋ suu daŋ oloɗina. Nam hin luɗusi kiyo, hin bulum muli suu asina ki halaŋ, nam hin hinni a fafaɗta.