DANYEL 7:11 - Boy Lonana

¹¹ An gol irin haa, ko vun ma boy ma mbuɗ mbuɗ ma mekka ɓakamma, an gol irin ha hu li nama ni asi ci mbuuna kiyo, am ki kaŋga pukiya, hinim ki a kura ŋgalamba.

DANYEL 7:11 ပူးပေါင်းရင်းမြစ်များ

WIRA ŊGAYRA 19:20

Asi vi vabakŋa daŋgayna u sa jok vun Lona ma kaboyna, sa ma li dlara mbuɗta irimma. Nam ganyam suu huɗukka vi vabakŋa egesina ni u boy namma, a asi cen vabakŋa u va ma tli tam ko nam nana. Vabakŋa u sa jok vun lona ma kaboyna cukusi ki duk mbo lum ma kura ŋgal suufra.

WIRA ŊGAYRA 20:10

Satan ma ganasi yasina hin gam ki duk mbo lum ma kura u suufra, ni hu li ma vabakŋa u sa jok vun Lona ma kaboyna ka cuki huna. Asi hin wihawra faali lay njeŋge lay a fafatɗa.

2 TESALONIKŊA 2:8

Hu li namma Sa ma Cona kal ay ki wanni Bu Suuna Yesu hin cam ki u musuk ma funumma lay, bulumum ki u bibiŋil mamba nam mbara.

DANYEL 7:8

An golom mekem ki jivi na ta ta, gola ni duk ɦoŋ mekem wanni mekka goora coliya, mekka jewra hindi paɗ ki fokoɗu. Kay mek ndaɗta ɗaŋŋi iira ka huwa, ko ii sana na, vunuɗ ɓak boy ma mbuɗ mbuɗta may.

WIRA ŊGAYRA 18:8

Ni kay ndaɗta tuguɗira cora ka ŋgaay kaɗta, hin faɗ ni hu buu ma dewna, tuguɗi maɗta, yoora, mayra berra, kura hin ŋgalaɗ ki ni ŋgaliya. Sa ma kaɓakŋa kaɗna ni Bu Suuna Lo ma saɓakŋa.»

DANYEL 8:25

U yal mamma nam hin ganyam suuna, ndaɗ hin wul hurum u heɓpa cocoo, hin ɓeŋ suuna ki bolow coco lay, nam hin col yara kolo eg mul ma vi mulina na may nam hin toom ki bay ko sa tin egemu.

WIRA ŊGAYRA 20:12

Ŋgoo dagani an wi suu miɗina, suu ŋgolona u kemba lay coli kolo u sesi fok dlamba mulla. Magaara huruɗ ki mali fok sa ma kaki kay dlamba mullana, magaa hiŋga ki mali olo ndaɗta ni magaara vi iirira. Suu miɗina kasi ɓakŋa kasi ni u dlara asi laɗta, ni u ɓii mayra ay ɓiiri hu magaara.

WIRA ŊGAYRA 20:4

Ŋgoo dagan an wi dlamba mulla, suu kaki kay dlam ndaɗta ɦasi saɓak ma kaɓakŋa kosiya, an wi musukka vi suu casi ki kay asi di gasira Yesu takara u Boy Lonana. Ni suu may suu goɓ ka kaŋga fok vabakŋaɗi cen va ma tli tam ko namma mayɗina, ni suu tin huɗukka vi vabakŋa ay ka vokosiɗina, ka kosiɗi lay. Asi yow ay ki kolo iiriya kak hu mulla ko tasi u Kristu basara bup dew.

Magaara JUD Ɓiiriɗta 1:16

Suu asina tew tewni ka tii tasiya furi masira kaɗi, asi lini dlara u min masira, halni ŋga tara mbaɗ ii suuna kay a fi tlena kosiya.

2 PIYER 2:18

Asi ɓakŋi dlara ŋga tasira u boy ma bay umma, asi li sunda u min masira hu tliwna a ganyam suu hal a suɗ tasi ki duk suu hu dla corana.

DANYEL 11:45

Nam hin pi mbutluɓ mamma mulla duk ɦoŋ lum ma ŋgolona u ɦini mayra teteɗ jivi ɦayra. Buurum hin daɓ hu li namma bay sa mbay a njunumu.»

DANYEL 7:12

Mbuuri suu hin hiŋŋa may ɗaŋŋi saɓak masina seŋ kiyo, ɦuɗusi buurusi fok ta ta hu buu ma ŋgaamma.