DANYEL 7:1 - Boy Lonana

¹ Hu basara jewra vi Baltazar, mul ma Babilonna, Danyel doyra damu, nam wi tlena hu liim ma buuna hu Senna. Na ɗaŋŋi nam ɓii doy ndaɗta kaŋgaa, ay hu gijaŋ maɗna.

DANYEL 7:1 ပူးပေါင်းရင်းမြစ်များ

URA TIN AYRA 15:1

Ŋgoo dla mayra li ay ndaɗta, Yawe di Abram hu doyra ana, «Li ndaaɗi anni mbari maŋŋa, warak maŋŋa hin li ŋgol cocoo.»

URA TIN AYRA 46:2

Lona ɓak Israel njeŋge hu doyra ana, «Yakob, Yakob.» Israel hoŋom dira ana, «An wanni.»

JOB 4:13

Boy namma fanni njeŋgee, lan ndaa cocoo, hu li ma suuna buuri sennana.

EZAYI 30:8

Tuɗ cemi ɓii dla ndatta ki kolo fokosiya, ki hu tlena zeɗ zeɗ mba'. A dla ndaɗta di ha ki kay dlara hin mbay fokka na gak gak.

EZAYI 8:1

Yawe dan ana, «Tli arduwassa ŋgola koŋu, ɓii huruɗ u ɓiira ɦawara maŋ sa ma yam ana Ma-Ҥurum-Jona-Ki-Zakŋa.

JEREMI 23:28

Sa ma jok vun Lona ma doyra damma njaɗ ni vun doy mamba. Na may sa boy manna komma ɓakam ki eg liim na ɗegee. Va ma duk ɦoŋ barra u ii wana na ni mege? Di na ni Yawe.

JEREMI 27:7

Njaf suuna halaŋ hin sunumu, nam tamba lay, goromma lay, gorom ŋgolona lay. Kam nam tamba may ɗaŋŋi lina hin mba kamu, suu bolowna u muli suu saɓakŋa hin lasamu.

JEREMI 36:32

Jeremi ɦirik bakka daŋga ɦaɗ maŋ sa ŋgol ma ɓii magaara, Baruk, ma goŋ Neriyana. Nam ɓii tlesuu Jeremi damsinana huruɗ halaŋ halaŋ suu ay hu magaa bakka mulna Joakim ma Yudana ŋgalaɗ kira. Boy ma ndal ndaramma nana cukum duk cocoo.

JEREMI 36:4

Jeremi yi Baruk ma goŋ Neriyana aya, nam hin ɓii kaŋga hu bakka, Jeremi ɓakam ay may, dlara Yawe dambara halaŋ halaŋ.

EZEKIYEL 1:1

Hu basara dok-hindira, hu til ma fiɗina, hu buurum ma vadlna ni an ay duk suu yowosi ha ki balna laki na tok eg mbo lum ma Kebarna, huulona mal kiyo, an wi tlesuu ha kolo huulonna.

EZEKIYEL 40:2

Hu wiin ndaɗta ni nam tuɗun ha ki ni hu mbassa vi suu Israelna. Nam colon ki kolo kay ɦinira fiyekka hu li namma keŋ ma dalina na ni zina ka mini hu ko ndal ɦoŋzi ma ŋgolna na.

DANYEL 1:17

Doli ɗaŋŋi maŋ gor suu fiɗi asina Lona ɦasi yalna, haɗasi yalna a wi dlara. Maŋ Danyel may ni nam wi u dlara tak taɗ ii suunara, wi u doyra di suunara ki lay.

DANYEL 2:1

Nabukodonosor hu basaɗam ta mbara a mulna ni doyra damu. Ŋgusum paɗ ki kam na fak, senna ka vam oloɗi.

DANYEL 2:26

Mulna ɓak boyna hin di Danyel ma sem ma geleɗta ana Beltasarna ana, «Na ni aŋ ndak a takan u doyra danda hin buɗunda uɗ ki may su?»

DANYEL 4:13

Hin mbuɗum hurum kiyo, ka hurum li ko huu sana na oloɗi, hin ɦam huu mbuuna hurumu. Ɗaŋŋi cokira hin jak ki kam yaɗ na kiɗisiya.

DANYEL 4:5

Ŋgoo dagan Danyel, sem ma geleɗta ana Beltasarna ko loonna na, kal ay vo vi mulna, nam ma saara vi loogi suu teteɗna kamma. An ɓakam doyra danda.

DANYEL 5:1

Mulna Baltazar ɦal ti ma ŋgolna maŋ suu sun mamsina asi buɓ, fok suu buɓ asina nam ci sum veŋŋa.

DANYEL 5:22

Doli ɗaŋŋi aŋ goromma, Baltazar, aŋ wi dla ndaɗta halaŋ lay ni heɓ huruŋ ka kaŋgaɗi,

DANYEL 5:30

Hu njeŋge ndaɗta gaw ni Baltazar mul ma Kaldeenna asi cam kiyo.

DANYEL 7:13

An gol irin ha hu tlesuu an wasi hu doyra njeŋgena, gola ni ay duk ɗugulla kolo huulonara sana ka mbay ko goŋ sanana na. Nam mba tew ki eg sa ma maana, asi hin ɦuɗumma ay egemu.

DANYEL 7:15

Ŋgusun an Danyel mbuɗ yoo taɗ coco hurun kurufuu. Saara kay tlesuu an wasina tan tan lay.

DANYEL 7:7

An gol irin ŋgoo dagan olo hu tlesuu an wasi hu doyra njeŋgena, mbuu ma fiɗina, dlam ti ta cocoo, li ndaana coco lay, saɓak coco lay, sii ma funumma ni kawina, ti tlena, harasi kiyo, tayasi usira hinda ki kaŋga u semu, nam ki zeɗ u mbuuri suu kal ki fokomma, mekka kam doogo.

DANYEL 8:1

Baltazar basaɗam ki hu mulla hindi, tlena tak tasi irin an Danyel ŋgoo dagan tlesuu tak tasi irin jewna.

AMOS 3:7

Kay ana Bu Suuna, Lona ka li dla bay tak dlara hurumba ki maŋ suu mam suu sunda suu jok vun Lonaɗi.

HABAKUK 2:2

Yawe hoŋon dira, nam dan ana, Ɓii dlara aŋ waɗta, buɗuɗ uɗ ki kolo hu magaara a suuna ndumuɗ ki na vala vala,

NDUMBA 12:6

Nam di ana, «Humun ki boy manna ha daŋ, lini sa ma jok vun Lona ka dukugiya ni an Yawe tak tan irimmi hu doyra ɦawaa. An njaɗ u nammi hu doyra.

ROMMA 15:4

Tlesuu ay hu Boy ma Ɓiirina jew halaŋŋa ɓii ay ni kay a takaygi u dlara, kay boy ma ay hu magaara namma halaŋ mba gaɗaya, kay ay mba kak u juɓpa u ɗigilla.

2 KORINTNA 12:1

Lini nanagelay ni an ŋga tanu ŋga tara ka maɗ jiviɗi lay ni an min ɓak cecemi kay va ma tak tam irinu u dlara ŋgayra ta Bu Suuna takandara.

WIRA ŊGAYRA 1:19

Ɓii tlesuu aŋ ka wasina u tlesuu ka li cecemma, u tlesuu hin mbay fok tuna.

WIRA ŊGAYRA 10:4

Vunusi ndi kaŋga a ɓakŋa may ni an hal gin a gijaŋ ɓiira, an hum della dan ay kolo huulona ana, ŋgay va ma lo ma bayra kiɗisiya damma huruŋu, ɓiirimbi kamma.