DANYEL 6:4 - Boy Lonana

⁴ Doli ɗaŋŋi Danyel namma ni ma ŋgolna vi suu sunda u suu kaɓakŋa kay ana ŋgussa mbuɗ mbuɗta kamu, mulna di ana tinim a ma ŋgolna kasi halaŋ.

DANYEL 6:4 ပူးပေါင်းရင်းမြစ်များ

URA TIN AYRA 41:38

Faraw di suu mamsina ana, «Hin fay ki sa ma Musukka vi Lona kam ko namma nana su?»

URA TIN AYRA 43:18

Hu li ma tuɗusi ha taraŋ vi Yosef na ni, asi mbuɗ ki ndaana. Asi di tasi ana, «Ni kay gursu ma hoŋ ha faɗta hu mbumbu mayginana kalage? Mbaɗaygi ni a yowoygi a mbuɗuygi mborɓii masisina u kor maygira halaŋ.»

VUN ŊGOLNA 29:27

Suu ɗegeena pan suu li dla cora. Suu li dla cora pan suu ɗegeena may.

DI BOLLA 4:4

An wi suuna loɓ tasi coco kay sun masira gegelay hal ni ana nam fi su ndaramma, halaŋ ca ni ŋga tara ɦawaa, hin jak ki ni u semeɗna.

JEREMI 18:18

Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»

JEREMI 18:23

Yawe aŋ wasi saa masira maŋira egenda. Aŋ bulumusi dla coosira ci maɗna kiɗi, hin a coosira bulum taɗ ki fokoŋgi. Ko asi casi ki kaŋga fokoŋgi liiŋ ma yara mba wa ni aŋ lasiya.

JEREMI 20:10

An hum boy ma tiitara ma suuna ɓakamma. Suuna halaŋ halaŋ ki mbuɗi ndaana. «Gagina um kiyo.» «Gasi daŋ may ami gam um kiyo.» Banayan suu minin ɦayna halan cemmi ni dlaanda cora na ɗow. «Kala nam hin viɗ tam u nuh nuh mamba hin ndi kaŋga ami hin faɗ vun dla ndaɗta kiyo, sa sugulumi ki may.»

JEREMI 29:7

Saaragi kay begera hu ɦoŋzi ma an yowogi ay ki huna, joɓogi Yawe kaɗu. Begera ɦoŋzi namma faɗta ni begera agi hin faɗta may.

DANYEL 3:8

Hu li namma gaw ni, suu Kaldeenna ɦuɗ tasi ay ɦuɗ ni sek suu Juifna gaw may.

DANYEL 5:12

kay ana asi fi ko Danyel namma, ma mulna tinim sem ma geleɗta ana Beltasarna, ŋgussa mbuɗ mbuɗta, wira, yalna, a buɗ u doyra kiyo, tak u doyra gi ii boyna lay. Cecem wanda ɗaŋŋi yagi Danyel namma aya, nam buɗugira uɗ kiyo.»

DANYEL 6:22

Na ɗaŋŋi Danyel ɓak mulna ana, «Aŋ mulna, kak iiri a fafaɗta.

MATIYE 26:4

Asi vi vun tasi ana hal mbeleŋŋa a vi Yesu a cam kiyo.

MATIYE 27:18

Pilat ɓak na ni, kay nam wi ana asi ɦam Yesu ay ni ii gonokka ɦawaa.

Boy Ma Ayra Ma LUK Ɓiirimma 20:20

Asi gijaŋ pereɗ Yesu, hin sun suu pereɗ boyna ha egemu. Suu asina li tasi ki ko ndal suu a geleɗemma na. Doyɗi ni halam a vammi u boyna. Asi min tasi a vammi kay sem boy ma col ay fun mul ma ŋgolnana.

Boy Ma Ayra Ma LUK Ɓiirimma 20:26

Asi ndak ka a fam coombaɗi kay nam di ki ni fok suuna bel. Boy mamma hin su ki kasi ni suy na ɗow. Asi ka fi va ma diɗi, mbuɗ lakira na jim.

Boy Ma Ayra Ma LUK Ɓiirimma 22:2

muli suu li ɓivunna u suu haɗ gaɗta hal yalna a vi Yesu a cam kiyo. Na may asi li ndaana ko suuna.

Boy Ma Ayra Ma JAŊ Ɓiirimma 19:4

Pilat hoŋ ay ki buru olo, di suuna ana, «An gagina ay ki buruwa a agi hum ana an fi va ma co ma ci sa namma kamma kaɗi.»

2 KORINTNA 11:12

An li ay na an min li cecemi na olo, kay doo dlara vi suu ana asi fi voɗta ŋga tasira wana ki halaŋ hin di ana, asi li ni ko ami lira na may.

FILIPINA 2:15

Kay agi mba li a suu ɗegee suu bay cora egegina goryoŋ Lona suu bay cora duk suu guni suu co hu duliyarana. Agi mba weleɗ dukusi ko ciciwra huulona na.

1 TIMOTE 5:14

Kay ndaɗta an min ana boyogi suu dono suu gorina kak ki u njufina, kay asi ndak a vuɗ goora, gol tasi kay tasiya kay a suu may suu gonokka mba di va ma co egeygiɗi.

TITTA 2:8

Dini boy ma ɗegeena kay sa mba tumuŋ uŋgi, ni suu babali maŋsina hin mbuɗ zolona, kay asi hin ka fi boy ma co egeyɗi.

1 PIYER 2:12

Poyogi ɗegee duk suu bay vina, lini asi kaagi boyna egegi ana agi ni suu cona lay ni, asi hin wi sun magira jivira hin geleɗ Lona hu buu ma nam hin mbayna.

1 PIYER 3:16

Lagi na ni u lalamba, ŋgaagi suuna, lini asi kaagi boyna kagi lay ni lakagi u saara jivira, suu di boy ma cona kagi kay poy magira u Kristura hin mbuɗ zolona.

SUU KAƁAKŊA 14:4

Gi bum u sum ka wi ana dla ndaɗta col ay ni ko Yaweraɗi kay nam hal ni dlara du del tam u suu Filistinna. Hu coki ndaɗta suu Filistinna ti mulla kay suu Israelna ni asiya.

1 SAMUEL 12:4

Asi di ana, «Aŋ lami irimi ka kay vaamiɗi. Aŋ lasami kaɗi. Aŋ tli bal gursu ka ko saɗi lay.»

1 SAMUEL 18:14

Hu sun mamba bel ni, nam fi u dlaamba kiyo, Yawe u nam lay.

1 SAMUEL 22:14

Ahimelek hoŋ dira maŋ mulna ana, «Duk suu maŋ suu sunda halaŋŋi sa ma ki coli kay dlaamba gasi ko David na kaɗi su? Nammi kunuŋ mulnana. Nam mbuɗ ni sa goloŋ uŋŋa lay, suuna furuyum hu ziiŋ cocoo.