DANYEL 5:23 - Boy Lonana

²³ aŋ col yara kolo eg Bu Suuna ma kolo huulonana, tlesuu hu ziimbana yowosi ki ni iriŋu, aŋ taŋga u suu ŋgolo maŋsina lay, banayaŋ boyogina u boyogi suu suunda, agi cagi sum veŋŋa hu lay. Aŋ ɦal ŋgara ni maŋ loogi doonora u lorra u walakka u kawina, guna u gogoyra suu ka wiɗi lay, ka humbi lay, ka wi dlaɗɗi layna, nam Lona ma iiri maŋga ka hu duk komma, ma dlaaŋga halaŋŋi mambana aŋ ŋgaam kaɗi.

DANYEL 5:23 ပူးပေါင်းရင်းမြစ်များ

URA TIN AYRA 14:19

Nam paɗ vunum kay Abram ki ko wanda na ana, «Ko Lona ma Kolona ma li huulona u ndaŋgara paɗ vunum ki kay Abram.

URA TIN AYRA 2:7

Yawe Lona yow ndaŋgara kom yowni min sana u ndaɗu. Nam hin foom musukka iirira cinimu. Sana hin mbuɗ ki iiriya.

2 MULINA 14:10

Joas hin di hu olo ana, «Aŋ furi ana, aŋ ci suu Edomma ha kiyo, tok iriŋ ha ni u ŋga taaŋ ndaɗta hol kak ha vo hu ziiŋu. Aŋ min a duu duu ma hin a daɓ ki u aŋ cona ni kay mege? Lini caŋ kiwa u suu duu suu Yudana halaŋŋi aŋ hin li ni nage?»

JOB 12:10

Nammi sa ma iirira vi suuna ka ni u saɓakam halaŋŋa. Musuk suu warnara halaŋŋi hu duk komu.

JOB 31:4

Nam tamba ka wan poy mandaɗi su? Nam ka ndumun sen ma tuɗta halaŋ layɗi su?

SOOLLA 104:29

Aŋ ŋgay taŋ ki wa ni, asi halaŋ mbuɗ ndaana, aŋ tlasi musuk masina, asi miɗa, hoŋ ga duk ndaŋgara.

SOOLLA 115:16

Huulona ni vi Yawe, na may nam ɦal ndaŋgara ki maŋ suu warna.

SOOLLA 139:3

aŋ ka golon voɗ manda u liin ma buuna halaŋ, aŋ golon voɗ manda hu liiɗna halaŋ.

SOOLLA 146:4

musuk masira hin kal ki lay, asi hin hoŋ ki duk ndaŋgara, hu buu namma ni sun masira bulum ki halaŋ.

VUN ŊGOLNA 20:24

Sem sana tuɗ jivira ni u Yawe. Sana ndak a wi ana nam ka tuɗ ni arage?

EZAYI 13:11

An hin kaɓakŋa kay duliyara ni kay dla co maɗta, kay suu ka wi Lonɗina ni kay ci maɗ masina. An hin daɓ ŋga tara vi suu ŋga tasina kiyo. Muli suu ŋga tasi cocona hin puk ga fok ndarayasina.

EZAYI 14:13

Aŋŋi sa ma di ana, «An hin ɗiŋ kolo huulona, an hin tin dlam manda mulla ay kolo kay gi ciciwra vi Lonara. An hin kak ki kolo kay ɦinira vi suu vi Lonna. Ay ii mbayaw mayna do ay dona.

EZAYI 2:12

Kay ana buu ma vi Yawe, ma Saɓakŋa Kom Belna, hin mbaa, ni kay suu ka furiya, ŋga tasina u suu tli yasi kolona, suu asina halaŋ hin hoŋ ki dagani.

EZAYI 33:10

Yawe di ana, Cemi ni an col ki kolo ɗaŋ. An ɗoɓ tan ki duk ɗaŋ, cemi ni an min tak ŋgol manda kiyo.

EZAYI 37:19

Asi ŋgalasi loosina ki duk kura lay, na may loogi asina ni ka Lo ma gasinaɗi. Asina ni tlesuu sana lasi u komma ɦawaa, ni guna ugi ɦinira. Kay ndaɗta muli suu Asirina ɓalakasi kiyo.

EZAYI 37:23

Sa ma aŋ ŋgulum coco, panamma ni gege? Aŋ oo uŋ kolo na ni eg gege? Aŋ ŋga taŋ cocora na ni eg gege? Ni eg sa ma Teteɗ ma vi suu Israelna.

EZAYI 42:5

Lona Yawe di ana, sa ma li huulona ni anu, sa ma beɗem ki kolo nana ni anu. Sa ma ɦal musukka huu tlesuu iiri coco kay ndaŋgara wanna ni anu. An ɦal musukŋa huu tlesuu tuɗ kaɗna halaŋ.

JEREMI 10:23

Yawe, an wi ana sana ka ni malaŋ voɗta nam tlaɗtaɗi. Sa tuɗ lina ka wi yal ma nam tuɗ u nammaɗi.

JEREMI 48:26

Gurɗugina ki u summa kay nam mbuɗ tam ki ŋgolla su Yawe. Gola nam ka bulum tam kaŋga duk vinimu. Nam mbuɗ ki va sanda wa.

JEREMI 50:28

Vunna ka liya. Suu ŋgay tasina u suu usi hin hu mbassa Babilondana mbay ɓak hu Siyon kay sa sugul ma vi Yawe, Looyginana, sa sugul ma ay kolo huulonana.

JEREMI 50:29

Yowogi suu wi munda ay kay Babilon, suu u gu mbuurura kosina halaŋ. Minigi tagiya, ŋguyugi ki kaɗu, ka a sa suɗ kiɗi. Warakagira ki kay tuɗ maɗta cora. Lagira egeɗ ni dlara ndaɗ laɗta ndaɗ di boy ma cona maŋ Yawe ɦay, maŋ ma Teteɗ ma vi suu Israelna.

EZEKIYEL 28:17

Aŋ ŋga taŋ u jiv maŋŋa, aŋ hin bibiŋil maŋga ɓalakaŋ yal maŋŋa ki wa. An zuɗuŋ ha ki kaŋgaa. An mbuɗuŋ ki va ma sanda ii mulina halaŋ.

EZEKIYEL 28:2

«Goŋ sanna, aŋ tuɗ di mul ma Tirna ana Bu Suuna, Yawe, ɓak ay ana, Kayra aŋ ŋga taŋ coco ana, Anni Lona, aŋ kak kay dlamba mulla kay daara duk mbo lum ŋgolna. Doliɗi ni aŋŋi sa warna ɦawaa ka lonɗi. Ni kayra aŋ gol taŋŋi ko loogina nara.

EZEKIYEL 28:5

U mbeleŋ maŋ ma coco namma u paara aŋ laɗta, bege maŋga zul ŋgol cocoo. Kay ndaɗta aŋ mbuɗ ŋga taŋ coco u ɦiz maŋga.

EZEKIYEL 31:10

«Kay ndaɗta Bu Suuna, Yawe, di ana, aŋ wuli kolo fiyek cocoo, yaŋ tuɗ tew ay ki ta ta duk ɗugulla. Aŋ ŋga taŋ coco ɦay lay.

DANYEL 11:12

Hu li ma nam ti u duuna wa ni, hurum hin ɓeŋ cocoo, nam hin ci suuna ki bolow lay, hin ka ŋga tambi.

DANYEL 8:11

Ndaɗ wul ta ta tew eg mul ma vi suu sunda huulonana, tlam ɓivun ma asi lamma tew tewna kiyo, toom u ziimba kaŋga giira kiyo.

HABAKUK 2:4

Golom hurum oyra u ŋga tara, nam ka wi gasiraɗi, may sa ma ɗegeena hin kak iirira ni u vira.

SUNDA 17:25

Nam ka min ana sa ɦam va naɗi, nam ɦal tlena maŋ suuna halaŋŋi namu, ɦasi iirira, musukŋa u tlesuu daŋŋa halaŋ.

1 KORINTNA 8:4

Boy ma namma, ni anaba, Tliw ma ɓivunna maŋ fulina na ndak a komom su? Agi wi ana hu duliyara tani ful kaɗi, Lona ka dew daŋŋi namu.

1 TIMOTE 3:6

Li sa ma vi Boy Lonana wilinaɗi, li ka naɗi ni nam hin ŋga tamu, ɓakŋa hin vam ko Satanna na may.

HEBRENA 4:13

Va ma ŋgay ii Lona kaɗi. Tlesuu nam lasina halaŋŋi ki fokom nam Lona ni siiliya, aygi di kay dlaaygira halaŋ fokom namu.

WIRA ŊGAYRA 9:20

Suu hin bay ci ko lassa ndaɗta halaŋ, ka hom kay dla cora asi laɗtaɗi, asi ka hin cenda cen fulina u gugunina mini u lorna, u doonora, u kawina, u ɦinira, u guna, tlesuu irisi ka wiɗi, ka humbi, ka tuɗɗi layna.

SUU KAƁAKŊA 16:23

Muli suu Filistinna tok tasi a li ɓivunna maŋ loosina Dagon, a li furira may. Asi ɓak duk tasi ana, «Looygina ɦaygi Samson saaygi ma babalira ki hu duk koygi wa.»

1 SAMUEL 17:26

David di suu coli egem tok tokŋa ana, «Hin li ni me maŋ sa ma hin ci sa ma Filistin namma ki may, bulum zolo ma vi suu Israelna ki may nage? Sa namma ni gege, gasi daŋ may sa ma Filistin ma ɗiwim bay cawra ma hal suu vi Lo ma iirina a duuna nige?»

1 SAMUEL 17:36

Saaŋ ma sunda ci dlona ki u ŋguuna. Sa ma Filistinna ma ɗiwim bay caw namma hin li ni ko tle asina na may, kay ana nam hal suu vi Lo ma iirina a duuna.»