DANYEL 5:21 - Boy Lonana

²¹ Asi dikim ki duk suuna, hurum mbuɗ ko huu mbuurina na, nam kakŋi duk mbuuri suu bagina, nam ti ni haɗna ko mbutlina na, mbaɗagira kolo huulonara mbusum tam kiyo, ta ta nam wi ana Lo ma Kolo Dayna ni malaŋ mulla vi suunara, nam tli yam gegelay kolo ni u min mamba.

DANYEL 5:21 ပူးပေါင်းရင်းမြစ်များ

JOB 39:5

Sa ma buɗ korra ŋgoo bagira kina ni gege? Sa ma fokoɗ zew ma seɗna ki hiniɗ ndaɗ tuɗ ki buɗina ni gege?

EZEKIYEL 17:24

Na ni ŋgusu ki suu ŋgoo bagina halaŋ hin wi ki ana an ni Yawe, ma bow ŋgusu ma coli kolona ki gana, ma col ŋgusu ma bowi gana ki kolona. So ŋgusu ma ŋgolomma kiyo, ŋgusu ma sooyna hoŋ ɗufum mayna. An, Yawe, di dlara wa ni an hin laɗ kiyo.

DANYEL 4:14

Dla ndaɗta li ni u gaɗta vi suu saɓakŋa, boy namma u gaɗta vi suu teteɗna a suu ka iirina wi ana Lo ma Kolo Dayna ni malaŋ mulla vi suunara, nam ɦaɗ maŋ gegelay ma namminimma col sa ma gi yam kaŋgana ki kolo duk suuna.

DANYEL 4:17

Ŋgusu ma aŋ wamma, ma mbuɗ ŋgolo saɓak layna, ma fiyekem tuɗ ta ta kolo huulonana, ndak a wam ay keŋ ndaŋgara ma daɓma day lay na,

DANYEL 4:22

Asi hin dikiŋ ki duk suuna, aŋ hin kakŋi ko taŋ u mbuuri suu bagina asi hin ɦaŋ haɗna ni ko mbutlina na, hin mbusuŋ ki ni u mbaɗagira huulonara, cokira hin jak ki kaŋ yaɗ kiɗisiya, ta ta aŋ hin wi ki ana Lo ma Kolo Dayna ni malaŋ mulla vi suunara, nam ɦaɗ maŋ gegelay ma nam minimma.

DANYEL 4:25

Dla ndaɗta li ki eg mulna Nabukodonosor.

DANYEL 4:26

Hu til ma doogo yam mbana, nam poy kolo hu zina vi mul ma Babilonna.

DANYEL 4:34

Cecem wanda, an Nabukodonosor, an ŋgaamu, yam semu, goɓ mi Mul ma Kolo Huulonana, kay ana sun mamba halaŋŋi gasira, dlaamba halaŋŋi ɗegeera, nam hin hoŋ suu ŋga tasi ŋgayina ki kaŋgaa.»

DANYEL 5:18

Aŋ mulna, Lo ma Kolo Dayna ɦal mulla, ŋgolla, bibiŋilla u saɓakŋa maŋ Nabukodonosor buŋu.