DANYEL 5:18 - Boy Lonana

¹⁸ Aŋ mulna, Lo ma Kolo Dayna ɦal mulla, ŋgolla, bibiŋilla u saɓakŋa maŋ Nabukodonosor buŋu.

DANYEL 5:18 ပူးပေါင်းရင်းမြစ်များ

2 MULINA 25:28

Nam njaɗammi u jivira, ɦam lina ni ŋgol su ndarayam muli suu daŋŋa halaŋ suu ka u nam hu Babilonna.

SOOLLA 47:2

Suuna koogi kogiya, ŋgaagi Lona u furira.

SOOLLA 7:17

Dla coomba hoŋŋi kay tamba, suluk mamma vam kaŋga wa.

SOOLLA 9:2

Yawe, an gaŋ deɓ u hurun halaŋ. An min takaŋ dlaaŋga mbuɗ mbuɗta ki maŋ suuna halaŋ.

SOOLLA 92:8

Lini suu bay ɗegeena ɗuf ko usuna na, lini suu li dla cora ɓo ko ndal usuna na lay, ni kay a hin baasi ki a fafaɗtara ɦawaa.

JEREMI 25:9

An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.

JEREMI 27:5

Anni sa li ndaŋgara u suu warna layna, li mburi suu kay ndaŋgarana lay, an lasi ni u saɓakanu. An ndak a ɦasi maŋ gegelay ma an minimma.

JEREMI 27:7

Njaf suuna halaŋ hin sunumu, nam tamba lay, goromma lay, gorom ŋgolona lay. Kam nam tamba may ɗaŋŋi lina hin mba kamu, suu bolowna u muli suu saɓakŋa hin lasamu.

YOORA 3:35

Hu li ma asi ɓeŋ dlara jivira vi sanara ki fok ma kolo dayna.

YOORA 3:38

Ay fun ma Kolo Dayna dla cora u jivira kal ay ki ni naɗi su?

EZEKIYEL 31:11

An hiniŋ ki duk ko njaf suuna wa. Asi hin lasaŋ ko huruŋ ma co namma na may.

DANYEL 4:17

Ŋgusu ma aŋ wamma, ma mbuɗ ŋgolo saɓak layna, ma fiyekem tuɗ ta ta kolo huulonana, ndak a wam ay keŋ ndaŋgara ma daɓma day lay na,

DANYEL 4:19

ni aŋ, mulna. Kay ana aŋ mbuɗ ki ŋgolla, saɓak lay, ŋgol maŋga wul ta ta tew kolo huulona, mul maŋga ta ta tew keŋ ndaŋgara ma daɓ ayna.

DANYEL 4:2

Doyra danu hin mbuɗun ndaana, doyra dan hu liin ma buuna, dlara an waɗta ɓeŋen saaranu.

DANYEL 4:32

Suu kay ndaŋgarana halaŋ ka mdak ii vaɗi, nam li ni u min mamba, kay asgaa suu kolo huulonana u suu kay ndaŋgarana, sa ma ndak a cam u kom kaɗi, ndak a dam ana, aŋ li nimegena kaɗi lay.

DANYEL 4:34

Cecem wanda, an Nabukodonosor, an ŋgaamu, yam semu, goɓ mi Mul ma Kolo Huulonana, kay ana sun mamba halaŋŋi gasira, dlaamba halaŋŋi ɗegeera, nam hin hoŋ suu ŋga tasi ŋgayina ki kaŋgaa.»

DANYEL 5:21

Asi dikim ki duk suuna, hurum mbuɗ ko huu mbuurina na, nam kakŋi duk mbuuri suu bagina, nam ti ni haɗna ko mbutlina na, mbaɗagira kolo huulonara mbusum tam kiyo, ta ta nam wi ana Lo ma Kolo Dayna ni malaŋ mulla vi suunara, nam tli yam gegelay kolo ni u min mamba.

DANYEL 6:22

Na ɗaŋŋi Danyel ɓak mulna ana, «Aŋ mulna, kak iiri a fafaɗta.

SUNDA 26:13

An hu voɗta a tuɗa wanni, faɗta faali ŋgola, an wi weleɗta col ay kolo duk lona weleɗ wanni su weleɗta vi faɗta, an u suu unna halaŋ lina li ki kami na kiɗik kiɗik.

SUNDA 26:19

«Mul ŋgolna Agripa va ma tak tam irin ay kolo huulona an hum umu.

SUNDA 7:48

«Lona ma kolo dayna ka kak hu zi ma suuna minim u kosinaɗi, ko sa ma jok vun Lona dira na.

GA 8ATAMBARA 32:8

Hu li ma Lona ma kolo dayna ɓorow mbassa maŋ suunana, nam ka ii hakara ki ko njaf suuna zeɗ zeɗ u ndum goryoŋ Israelna halaŋ.