DANYEL 4:32 - Boy Lonana

³² Suu kay ndaŋgarana halaŋ ka mdak ii vaɗi, nam li ni u min mamba, kay asgaa suu kolo huulonana u suu kay ndaŋgarana, sa ma ndak a cam u kom kaɗi, ndak a dam ana, aŋ li nimegena kaɗi lay.

DANYEL 4:32 ပူးပေါင်းရင်းမြစ်များ

2 DLAŊ MULINARA 33:13

Nam cen Lona kay nam mba wam hahawamu. Lona hin heɓ hurum, humum cen mamba, hoŋom ay vo Yerusalem hin kakam balamam hu mul mamba. Ay hu li namma gaw ni, Manse wi ki ana Yawe gasi dew a Lona ni namu.

JOB 42:2

An wi ki ana aŋ ndaki kay tlena halaŋ. Va ma jak ki kaŋ dew bay aŋ wam kaɗi.

JOB 9:12

Sa ma ndak a hoŋ va ma Lona tlam ha kina ayna ni gege? Sa ma ndak joɓom ana aŋ li na ni megena ni gege?

SOOLLA 115:3

Loomina ka kolo huulona, dlara nam miniɗta nam laɗ halaŋ.

SOOLLA 135:6

Dlara Yawe miniɗta halaŋ nam laɗu, kolo huulona lay, ga kay ndaŋgara lay, duk mbona lay, ga hu zul ŋgolla lay.

KALKIRA 8:10

Asi yow maɗ luuna ha ki ni na yow yow, mbassa Egiptera halaŋ mbuɗ his cocoo.

KALKIRA 9:14

Kay wanda ni an sun dla cora ay ni kaŋ taŋga may, kay suu sun maŋsina may kay suu maŋsina halaŋ lay. Kay a aŋ wi ki ana sa ma ko ndal an na ka ga kay ndaŋgara taniɗi.

KALKIRA 9:29

Moiz dam ana, «Hu li ma an kal ki doŋ kaana wa ni, an hin tli kon kolo fok Yawe, babaana hin seŋa, dlaŋmagina ka li oloɗi, ni kay a aŋ wi ki ana malaŋ ndaŋgara ni Yawe.

EZAYI 37:20

Na may ni aŋ, Yawe, Loomina, suɗumi ki ko sa namma kay a mulla kay yam mbassa halaŋ wi ki ana aŋ dew ni Yawe.»

EZAYI 40:15

Njaf suuna halaŋ fok Lona ni ko mbo ma ay hu soona kay cara vunum tol ki ga dewra ɦawana. Suuna ndummi ko gugum ma cuk kolo kay kelewnana ɦawa na. Daara duk mbo ŋgolonara ni ko gu mbalna ɦawa na, nam ndak tlaɗ koloo.

EZAYI 40:17

Njaf suu warna hu duliyara halaŋ fokommi ka va ma nekgi. Asi ni ko va ka kawi komɓira ɦawa na.

EZAYI 45:3

Begera ka ŋgay hu li ma ndufunna an hin ɦaŋga kiyo, ɦiz mayra faɗ ka u voɗoɗɗira halaŋ. Ni aŋ hin wi ki ana anni Yawe ma yaŋ ay ki u seŋŋa, Lo ma vi suu Israelna.

JEREMI 27:5

Anni sa li ndaŋgara u suu warna layna, li mburi suu kay ndaŋgarana lay, an lasi ni u saɓakanu. An ndak a ɦasi maŋ gegelay ma an minimma.

DANYEL 2:21

Nammi sa ma mbuɗ ii lina u dlara halaŋŋa, nam cuk mulina ki kaŋga lay, nam yow mulina kolo lay, nam ɦal yalna maŋ suu wi dlara, nam ɦal wira maŋ suu saa u dlara.

DANYEL 4:31

«Hu buuna tew tew ni an Nabukodonosor tli irin kolo huulona, saara mbay kanu. An ŋga sa ma Kolo Dayna, an yam semu, gi deɓ maŋ ma iiri a fafaɗtana, kay ana bibiŋil mamba ni bibiŋilla didinda, mul mamba tuɗ fok kay njaf suuna na gak gak.

DANYEL 5:21

Asi dikim ki duk suuna, hurum mbuɗ ko huu mbuurina na, nam kakŋi duk mbuuri suu bagina, nam ti ni haɗna ko mbutlina na, mbaɗagira kolo huulonara mbusum tam kiyo, ta ta nam wi ana Lo ma Kolo Dayna ni malaŋ mulla vi suunara, nam tli yam gegelay kolo ni u min mamba.

JOSUWE 4:24

Nam li na ni kay a suu kay yam ndaŋgarana halaŋ wi ki ana Yawe, nam saɓak cocoo. Olo ni, kay a agi li ndaa Yawe, Loogina, hu buuna tew tew.»