DANYEL 4:31 - Boy Lonana

³¹ «Hu buuna tew tew ni an Nabukodonosor tli irin kolo huulona, saara mbay kanu. An ŋga sa ma Kolo Dayna, an yam semu, gi deɓ maŋ ma iiri a fafaɗtana, kay ana bibiŋil mamba ni bibiŋilla didinda, mul mamba tuɗ fok kay njaf suuna na gak gak.

DANYEL 4:31 ပူးပေါင်းရင်းမြစ်များ

URA TIN AYRA 14:18

Melkisedek mul ma Salemma mbay u komnjoɗira u summa may, nam ay ni mul ma li ɓivunna vi Lo ma Kolona.

JOB 20:23

Hu li ma nam ka hoɓ hayam nana, Lona hin gi yaamba ay kamu. Ndaɗ hin si kam ko ndal mbona na.

SOOLLA 145:13

Mul maŋga ni mulla din dinda, mul maŋga ka ni hu basara basara halaŋ. Lona ni gasira, ɗegee hu sun mamba halaŋ.

VUN ŊGOLNA 29:23

Sa ma ŋga tam cocona hin hoŋ ki dagani, may sa ma hoŋ yam kaŋgana suuna ŋgaam cocoo.

EZAYI 14:27

Hu li ma Yawe, ma Saɓakŋa Kom Belna, di dlara wani, sa ma hin a dooroɗ kina ni gege? Hu li ma nam maɗ kom ki wa, ni sa ma hin a vam kom kina ni gege?

DANYEL 12:7

An hum del sa ma baraw dlemba cuki egem coli kay yona hu lummana, nam tli kom ma njufna kolo huulona u kom ma gulna, ɓak u sem sa ma ka iiri a fafaɗtana ana, «Dla ndaɗta hin li ii coki dew, coki mba', ɓorow cokira ki duk may, hu li ma saɓak suu teteɗna hin daɓ kina. Halaŋŋi, tle asina hin daɓ ki may.»

DANYEL 4:24

Kay ndaɗta mulna, gaɗ manda neeŋ wa, bulum cooŋga ki u ɗegeera, suluk maŋŋa ki u oora aŋ laɗ kay suu hahawrana. Kala aŋ hin kak u heɓpa fok hu nde.»

DANYEL 4:26

Hu til ma doogo yam mbana, nam poy kolo hu zina vi mul ma Babilonna.

DANYEL 4:30

Hu li namma gaw ni dla ndaɗta li ki eg Nabukodonosor. Asi dikim ki duk suuna. Nam ti haɗna ko mbutlina na, tam mbus ki u mbaɗagira huulonara ta ta, tlimiɗ yam si ko tlimiɗ ɓarawna na, liviɗ kom siira ko liviɗ layagina na.

DANYEL 4:32

Suu kay ndaŋgarana halaŋ ka mdak ii vaɗi, nam li ni u min mamba, kay asgaa suu kolo huulonana u suu kay ndaŋgarana, sa ma ndak a cam u kom kaɗi, ndak a dam ana, aŋ li nimegena kaɗi lay.

DANYEL 4:34

Cecem wanda, an Nabukodonosor, an ŋgaamu, yam semu, goɓ mi Mul ma Kolo Huulonana, kay ana sun mamba halaŋŋi gasira, dlaamba halaŋŋi ɗegeera, nam hin hoŋ suu ŋga tasi ŋgayina ki kaŋgaa.»

DANYEL 5:20

May hu li ma hurum zal coco lay, saaram ŋgel kiyo, mbuɗ ki co lay ni, nam ndi ki kaŋga hu mul mamba, asi hin tlam saɓak mamma kiyo.

DANYEL 5:28

Perse ni ana ɓorowiya, mul maŋga ki ɓorowiya hin ɦaɗ ki maŋ suu Medena u suu Persena.»

DANYEL 6:27

An ɦal voɗta u dlara an laɗ hu mul mandara halaŋŋi suuna li ndaana u Lo ma vi Danyelna, kay nammi Lo ma iirina, nam ka ni a fafaɗta. Mul mamba hin li ni na gak gak daɓpa vi duliyara.

MATIYE 3:17

Della ɓak ay kolo huulona ana, «Wanni goron ma an minimma. Nam irin jivi ɦay.»

Boy Ma Ayra Ma LUK Ɓiirimma 12:20

Lona dam ana, Aŋ sa ma giniŋ namma karam njeŋge wanni aŋ ka kak iiri oloɗi. Tlesuu aŋ tokosi asina hin hinisi ni maŋ gege?»

Boy Ma Ayra Ma JAŊ Ɓiirimma 12:28

Bunu, ɦal geleɗta maŋ seŋu.» Della hum ay kolo huulona ɓak ana, «An ɦam geleɗta ki wa da, an hin ɦamba wili olo.»

1 TESALONIKŊA 5:3

Hu li ma suuna mbuɗ di ana heɓpa kaa, ya ka oloɗina ni, buu ma ɓalakka hin mba kasina, ni ko ndal cara huruɗ taɗ a vuɗta na li ma asi suɗ ki hurum kaɗi.

WIRA ŊGAYRA 16:7

Ŋgoo dagan an hum della col ay hu givin ma togolla di ana, «Ni na daŋ may Bu Suuna, Lona ma Saɓakŋa Kom Belna, ɓak maŋŋa ni jivi u voɗom ɗegee.»

1 SAMUEL 13:14

Na may cecem wanda mul maŋga hin ka li oloɗi. Yawe hal sana u min mamba. Yawe hin kakam mulna kay suu mamsina wa, kay ana aŋ li ka u gaɗta Yawe haɗaŋgaraɗi.»

1 SAMUEL 15:23

Na may yara lira ŋgol su kaboy ma kaamma, ciwayra su kumu ma vamma kay ana aŋ noy boy ma vi Yawena kiyo. Nam noyoŋ ki may, aŋ ka mul oloɗi.»