DANYEL 4:27 - Boy Lonana

²⁷ Nam ɓak boyna di ana, «Ha tani wanni ka Babilon ta ŋgollaɗi su, ta an miniɗ u saɓakanda, u bibiŋilla vi mul mandaraɗi su?»

DANYEL 4:27 ပူးပေါင်းရင်းမြစ်များ

URA TIN AYRA 11:4

Asi di duk tasi ana, «Tuɗuygi, laygi sunda, miniygi zira fiyekka, yaɗ tuɗ do ay ki kolo huulona, ni aygi hin fi ŋgara. Ni aygi ka hin njay ki kay ndaŋgara oloɗi.»

1 MULINA 21:29

«Akab hom yam ay ga fokonni aŋ wi su? Nam hoŋ yam ga fokonu ni an ka mbaaram hahawra kam hu li ma nam iirinaɗi. Hahawra hin mba ka kay suu mamsina ni hu li ma goromma hin varak kana tuwa.»

SOOLLA 119:46

An ɓakaŋ dla gaɗ maŋga ki fok mulina, an ka li zolo kay gaɗ maŋgaɗi.

VUN ŊGOLNA 11:2

Ŋga tara mba wa ni, honira mba ni ndaɗ gaw may. May yalna wi yal dlara ka ni u suu hoŋ yasi kaŋgana.

VUN ŊGOLNA 16:6

Cora bulum ki ni u ɗegeera u jivira. Sana suɗ tam ki ko dla cora ni u ndaa ma lam u Yawenana.

VUN ŊGOLNA 28:13

Sa ma baa coomba kaŋgana ka fi vadi. Sa ma di coomba, hiniɗ ki gasi mayna, hin fi oora vi Lonara may.

EZAYI 10:13

Kay nam ɓak tam ana, «An li dla ndaɗta ni u saɓakan daŋ may, ni u yal manna, kay anni sa ma mbeleŋ cocoo. An bulum ii hakara vi suunara ki wa, ɦurumusi tlegeyesi suu ŋgayna ki lay. Ko sa ma saɓakŋa na an cuk suu laki kolo kay dlamba mullana ki ga halaŋ.

EZAYI 47:10

Aŋ tin saa maŋga kay tlesuu aŋ lasina, di ana, «Sa ma wan kaɗi.» Aŋ ŋga taaŋ mayra ana aŋ wi cocora u haɗ maŋga tuɗuŋ ki ni hu li ma aŋ ba kina. Aŋ di ana, «Anni an dew sa ma ko an na kaɗi.»

EZAYI 47:8

Cemi aŋ hum ha ɗaŋ, aŋ sa ma kaki jivi en, furina, aŋ ɓak taŋ ana, «An dew ni anu, sa ma daŋ kaɗi, an ka ndak a hin li donoɗi, goryon va ka lasiɗi lay.»

JEREMI 29:7

Saaragi kay begera hu ɦoŋzi ma an yowogi ay ki huna, joɓogi Yawe kaɗu. Begera ɦoŋzi namma faɗta ni begera agi hin faɗta may.

JEREMI 38:20

Jeremi dam ana, «Sa hin ka ɦaŋ kiɗi, hum del Yawe u dlara an daŋgara aŋ hin kak jiviya, hin suɗ ki lay.

EZEKIYEL 18:7

Nam ka li mbeleŋ ma yow va vi sa ki ɗi. Nam hoŋ va ma nam deŋem ka balnana kiyo. Nam ka kulɗi. Nam ɦal fuumma ki maŋ suu mayra casina. Sa ma ki siilina nam ɦam barawna egemu.

EZEKIYEL 29:3

Aŋ tuɗ ɓakasi ki ana, Bu Suuna, Yawe, di ay ana, Aŋ Faraw, mul ma Egiptena, an hin mbay kaŋu. Aŋ dragoŋ ma ŋgolna ma buuri duk mbo lum ma Nilna. Aŋŋi sa ma di ana mbo lum ma Nilna ni manna, an may ni li tanni kay tanuna.

EZEKIYEL 29:9

Mbassa Egiptera hin mbuɗ ki ni ŋgoo bagira. Suuna hin wi ki ana anni Yawe kay nam di ana mbo lum ma Nilna ni manna, an lammi anu.

JOEL 2:14

Sa wi ana nam li ka yoo tam tu olona ni gege, ŋgoo dagan wanni nam hin hin paɗvun mamma kay ɦalla ɦawara u ɓivun ma lira maŋ Yawe Loogina.

AMOS 6:13

Agi furuyugi kay Lodabar ni ɦawaa, agi ana ni u saɓakami ami li duu ma Karnaim saɓak ma mbana ni naɗi su?

JONAS 3:9

Sa ndak wiɗi lini Lona hurum heɓa, hin mbuɗ hurum a hiniygi kalage, hu li namma aygi ka ndak a ba kiɗi.»

HABAKUK 1:11

Hu li namma saa suuna mbuɗ ki zeɗ. Nam tuɗ ki hu li ma daŋŋa, mbuɗ tam ki malaŋ dlara, sa namma saɓakammi loomma.

SOFONI 2:15

Ҥoŋzi mayma kak gin u furira ana nam dla ka kambina hin li ni ko wanda na, nam mayma ɓak hurum kurufu ana, «Sa daŋ kaɗi ni an doy holona.» Ndaɗ hin mbuɗ ki mbas mayra hahawra ni nanage, li ma mbuurina buu huna ni nanage. Gegelay tli egeɗ wa toko ni feɗ vunum lay, yorok kom lay.

MATIYE 3:8

Lagi dlara jivira a tak ana hurugi ki joki zeɗ.

Boy Ma Ayra Ma LUK Ɓiirimma 11:41

Mariyaɗ ni agi ɦal tlegeyegi ki maŋ suu hawra, wanni asi hin mbuɗ jivi magiya.

SUNDA 24:25

Pol gijaŋ boyna a ɓak kay a sana kak iiri ɗegeera, kay doora doo tara, kay ɓakŋa vi Lona ma hin mbana. Feliks tam mbuɗ ndaana, nam di ana, «Aŋ tuɗ cecemi vaŋ tuwa, buu ma daŋŋa an hin yaŋ ay tu olo.»

SUNDA 26:20

An gijaŋ boyna dira maŋ suu Damasna u suu Yerusalemma tuwa, ŋgoo dagan an di suu hu mbassa Yudera halaŋ u suu hu njaf ma daŋŋa ni na tuwa. U dira dasi ana jok hurusi ki zeɗta, mbuɗ irisi eg Lona a li sunda gasira tak ana hurusi ki joki zeɗta.

SUNDA 8:22

Tii taŋ fok Lona kay saa maŋga co ndaɗta, cen Bu Suuna kay nam mba bulumuŋga kiyo.

2 KORINTNA 5:11

Aygi waygi dla mayra di ana li ndaa Bu Suunara, ni ay hal a vi suuna. Lona waygi ki ɗal ɗal an saa ana u hurugi lay, agi tagira wanni na lay.

GALATENA 5:13

Gorsenna yagi ay ki ni ana agi li ki buɗiya hin buɗ magira a mbuɗ ki va ma co u min magira ɦawaɗi, ni na ɗow ana lagi u minda kay sun tagiya tagiya.

GALATENA 5:22

Tlesuu Musuk Lonara lasina ni, minda, furira, heɓpa, lalamba, li dlara jivi eg saa, jivira, ɗegeera,

GALATENA 5:6

Lini aygi taɓi u Yesu Kristu ni caw ɗiwra lay caw kaɗi lay ka li vaɗi, va ma ŋgolna ni vira u minda na hol.

EFESNA 4:28

Sa ma li kul jewna hin kulna kiyo, nam mba li sunda kay a fi va ma ŋgom iiri mamba u tamba ndak fi va ma njun u suu wihawra lay.

GA 8ATAMBARA 24:13

Lini nanagelay ni faɗta kal gara ni aŋ hoŋom vaam namma ha kiyo, lini baraw kala ni nam hin buu ni hu baraw mam namma hin ɓi vunum ki kaŋ may. Fok Yawe Looŋŋa ni aŋŋi sa ma ɗegeena.

GA 8ATAMBARA 32:27

Va ma an li ndaana dew ni kay suu babali mansina hin ŋga tasi ana, ami su kasi ni u saɓak tamira, ka hin a di ana Yawe li dla ndaɗta ni namuraɗi.

GA 8ATAMBARA 8:17

Agi mba ŋga tagi ana, «Ami ɦiz ki ni u saɓak tamiya naɗi.»

1 PIYER 4:8

Su belni minigi tagiya tagiya kay minda bulum cora ŋgolo.