DANYEL 4:1 - Boy Lonana

¹ An Nabukodonosor ay kaki hu ziin na en, furi hu ziin lay.

DANYEL 4:1 ပူးပေါင်းရင်းမြစ်များ

1 DLAŊ MULINARA 12:18

Nam kal ay ki fokosi hin ɓakasi boyna dasi ana, «Lini agi mbay egenni u heɓpa a njununda ni an hin li ni na tok u hurun halaŋ a taɓ tan u agira may. Na may li ni a ganan yan maŋ suu babali mansinana ni, na ɗaŋŋi ko dla co li konɗi, ko Lo ma vi somoyoygina wi dla ndaɗta gaɗ iriɗ lay.»

EZDRAS 4:17

Mulna sun hoŋ dira ha ana, «Maŋ sa ŋgolna Rehum, maŋ sa ɓii magaara Simsay u ndarayasi suu daŋ suu ka hu Samari, ka hu keŋ lum ma Efratna u fiɗigina uɗ ta hindana, heɓpa li u agiya.

EZDRAS 5:7

Asi sunum magaara ha nam hoŋ ɓiira ay hu ana, «Ko heɓpa li u mulna Dariyus.

ESTER 3:12

Suu ɓii magaara vi mulnana halaŋ yasi ay hu til ma jewna hu buuna doogo yam hindi, asi hin ɓii ni ko gaɗta Haman daɗta na daŋ may, maŋ suu komanda suu vi mulnana, maŋ muli suu ŋgolo suu hu ɦoŋzi ma bagina dew dew lay, maŋ muli suu fok suunana dew dew, ki hu ɦoŋzina dew dew ko nam ɓiira na, gegelay ni u vun mamma. Asi ɓii ha ni u sem mulna Zerses, hin tin ha kaŋga hu ni kaɗumba vi mulnara may.

ESTER 8:9

Suu vi mulna suu ɓii magaara yasi ay ni hu li namma gaw. Ni hu til ma hindi ma yam ana Siwanna, hu buuna dok mba' yam hindi ni asi ɓii magaara ko boy ma Mardose damma na maŋ suu Juifna, maŋ suu komondana, maŋ suu muli suu ŋgolona, maŋ suu ŋgolo suu sun suu ha ki hu ɦoŋzi ma baginana ki hu ɦoŋzina 127, col ha hu Ind day ta ta tew ki hu Etiyopi, maŋ mbassa taaragelay u ɓii mamba, maŋ suu taaragelay u vun masina, maŋ suu Juifna u vun masi ma asi ɓiirimma.

DANYEL 3:29

An may ni an ɦal voɗta ana gegelay hu njaf suuna halaŋ, njaf suuna u vun masina, ma di boy ma cona maŋ Lo ma vi Sadrak, Mesak u Abed Nego di na, vam palawam kiyo, ziim hin mbuɗ ki didiŋga kay ana lo ma daŋ ma buɗ suu mamsina ki ko wanda na kaɗi.»

DANYEL 3:4

Sa ma ŋgol tokka yi kolo u delem eŋga ana, «Ɓakagi hani agi hum su, agi suuna halaŋ, njaf suuna u dee vun magina.

DANYEL 6:25

Mulna ɦal voɗta ana yowom suu li yara u Danyelna aya. Asi cukusi hu zul dlona, goryosi lay, boyogosi lay. Asi bay tew kaŋga hu zulla may ni, dlona yowosi palawasi ki ni na gaw.

DANYEL 6:27

An ɦal voɗta u dlara an laɗ hu mul mandara halaŋŋi suuna li ndaana u Lo ma vi Danyelna, kay nammi Lo ma iirina, nam ka ni a fafaɗta. Mul mamba hin li ni na gak gak daɓpa vi duliyara.

DANYEL 7:14

Asi hin ɦam saɓakŋa, bibiŋilla u mulla. Suuna halaŋ, njaf suuna u dee vunusi halaŋ sunumu. Saɓak mamma ni saɓak ma a fafaɗta hin ka daɓ kiɗina, mul mamba ni mul mayra hin ka bulum kiɗira.

ZAKARI 8:23

Yawe, ma Saɓakŋa Kom Belna, ɓak ana, hu buu namma wanni suuna doogo hu njaf vun ma suuna ɓakamma hin taɓ tasi eg sa Juif maa dew vam vun baraw mamma hin di ana, «Ami min a tuɗ u agiya, kay ami hum ana Lona ka u agiya.»

SUNDA 2:6

Hu li ma suuna hum soo ndaɗta na ni toki kay tasi dew dla ndaɗta mba kasi ni asi waɗ uɗ kaɗi, dukusi ni gegelay ɓakŋi u vun mamma mamma.

ROMMA 1:7

An ɓiirigi magaara ha magi agi suu Romma, agi halaŋ suu Lona minigina yagi ana agi li ni a suu mamma. Ko buy Lona u Bu Suuna Yesu Kristu ɦagi oora u heɓpa.

EFESNA 1:2

Ko Lona Buya u Bu Suuna Yesu Kristu ɦagi oora u heɓpa.

1 TIMOTE 1:2

Maŋ Timote goron ma gasina hu vira. Ko Lona Buna u Yesu Kristu, Bu Suuna mayna, ɦaŋ oora, vaɗ huna, u heɓpa.

1 PIYER 1:2

Agi ni suu Lona Buna managi ay ki fok jew ana agi hin li a suu mamsinana, ni kay ndaɗta Musuk mamba ka njunugiya a hom u Yesu Kristu, mbuɗugi ki pasiyak u busu mamma. Ko oora u heɓpa kak u agi cocoo.