DANYEL 3:7 - Boy Lonana

⁷ Hu li namma gaw ni suuna hum del tokolomma, del diffa, del diŋŋa, diŋ ma ŋgolna, dadarina, u cakiyawra, u del tlesuubu suu zeɗ zeɗna may ni suuna halaŋ u njafasi u dee vunusi belbel cuk vok givisi kaŋga goɓ mbuu lorra mulna miniɗta.

DANYEL 3:7 ပူးပေါင်းရင်းမြစ်များ

JEREMI 51:7

Va ma ci ma lorra duk ko Yawena ni Babilon. Ndaɗ guruɗ yam ndaŋgara ki halaŋ. Njaf suuna halaŋ caɗ sum veŋ maɗna, yasi jak ki wa.

DANYEL 2:46

Na ɗaŋŋi mulna Nabukodonosor cuk fok givim kaŋga, cok yam kaŋga ɦal ŋgara maŋ Danyel hin ɦal voɗta ana asi li ɓivunna maŋ Danyel u mbul ma his jivina.

DANYEL 3:10

Aŋ taŋga mulna ɦal voɗta ana li ni gegelay hum del tokolomma, del diffa, del diŋŋa, diŋ ma ŋgolna, dadarina, u cakiyawra, u tlesuu bu suu zeɗ zeɗna wa ni, nam cuk vok givim kaŋga goɓ mbuu lorra,

DANYEL 3:4

Sa ma ŋgol tokka yi kolo u delem eŋga ana, «Ɓakagi hani agi hum su, agi suuna halaŋ, njaf suuna u dee vun magina.

DANYEL 3:5

Hu li ma agi humugi del tokolomma, del diffa, del diŋŋa, diŋ ma ŋgolna, dadarina, u cakiyawra, u del tlesuubura ha wa na zeɗ zeɗ ni, agi cukugi vok givigi kaŋga ŋgaagi mbuu lorra mulna miniɗta.

DANYEL 3:6

Sa ma cuk vok givim ka kaŋgaɗi, goɓ ka kaŋgaɗina, hin gam ki cecemmi duk kura ŋgali ŋgik ŋgikka gaw.»

DANYEL 3:8

Hu li namma gaw ni, suu Kaldeenna ɦuɗ tasi ay ɦuɗ ni sek suu Juifna gaw may.

SUNDA 14:16

Ay fok jewra ni Lona hin suuna halaŋ tuɗ u min masira.

1 JAŊ 5:19

Aygi wi ana aygi ni vi Lona, duliyara hin halaŋŋi hu duk ko Sa Cona may.

WIRA ŊGAYRA 12:9

Dragoŋ ma ŋgolna dikim ay ki kaŋgaa, nammi guy ma basina yam ana Satanna, ma ganyam suuna hu ndaŋgara halaŋŋa, dikim ay ki kaŋga kay ndaŋgara u suu mam suu sunda umu.

WIRA ŊGAYRA 13:14

Vabak namma viɗ suu kay ndaŋgara ki halaŋ u dlara mbuɗta nam laɗta, ni fok vabak ma kal ay jewna, nam di suu kay ndaŋgara ana asi min vana a geleɗ vabak ma kal ay ki jew ma fi mbilna kay yam cam ki ginna hin miɗ kaɗina.

WIRA ŊGAYRA 13:3

Yam vabakŋa taa dew ni fi mbilna ni hin na tok a miɗna. Mbil namma hin cil kiyo, suu kay ndaŋgara halaŋ mbuɗ lakira na jim, hum u vabak namma.

WIRA ŊGAYRA 13:8

Suu kay ndaŋgara halaŋ lay cenemmi namu, ni suu ay u gijaŋŋa vi ndaŋgara day sesi ay ka ɓiiri hu magaara vi iiriraɗina, ni magaara vi Goo Timii ma cam kina.

WIRA ŊGAYRA 17:8

Vabak ma aŋ wamma li ay jew iiriya cemi nam ka oloɗi, nam hin kal ay ki hu zulla ŋgolla hin tuɗ hu liim ma ba kina. Suu may suu kay ndaŋgara suu sesi ka day day ɓiiri hu magara iiriraɗina, hin wi vabak namma na ni saara casi ki na ci, nam ay jew iiriya cem cemi nam ka oloɗi, nam hin kal ay ki olo.

WIRA ŊGAYRA 19:20

Asi vi vabakŋa daŋgayna u sa jok vun Lona ma kaboyna, sa ma li dlara mbuɗta irimma. Nam ganyam suu huɗukka vi vabakŋa egesina ni u boy namma, a asi cen vabakŋa u va ma tli tam ko nam nana. Vabakŋa u sa jok vun lona ma kaboyna cukusi ki duk mbo lum ma kura ŋgal suufra.