DANYEL 3:28 - Boy Lonana

²⁸ Nabukodonosor ɓak boyna di ana, «Ko sem Lo ma vi Sadrakŋa, Mesak u Abed Negona, suuna ŋgaamu, ma sun sasunda huulona mamma ay suɗ suu mam suu sunda ki kay ana asi ɦal tasi ki mam mayna. Hu li ma asi su vun mulna, asi ɦal tasi ki a lassa, goɓ lo ma daŋgi may, Loosina dew.

DANYEL 3:28 ပူးပေါင်းရင်းမြစ်များ

KALKIRA 20:5

Aŋ mba goɓ ga fok loogi suu asinaɗi, sunusiɗi lay, kay anni Yawe, Looŋŋa, Lo ma hurum ya cocona, an tin cora vi somora ha kay goryosiya ha kay njafasi fokosi hindi lay, fiɗi lay, lini asi ka hum unɗi.

WIRA ŊGAYRA 12:11

Gorseygina su kay dragoŋ u jivira vi busu Goo Timiina, u jivira vi boy ma asi damma, asi vi kasi a ɦal iiri masira kiyo miɗ kiyo.

ROMMA 12:1

Gorsenna, aygi wi ana Lona waygi hahaw maygira. Na ɗaŋŋi an joɓogiya, agi ɦal tagi ki ko ɓivun ma iirina na, ŋgomogi tagi maŋ Lona u dlara irim jivira, ni dlara jivira geleɗ Lona u ndaɗta.

SOOLLA 147:11

Yawe minni suu lam ndaaramma, u suu minim ɗegee mambana.

SUNDA 5:19

Duk njeŋgera wanni sa sunda huulona vi Bu Suuna mba mal vun zira daŋgayna ki malni cuk suu vovoɗta kiyo dasi ana,

DANYEL 3:25

Mulna hoŋ dira ana, «Gologi an ka wi suuna fiɗi ki buɗiya, ka tuɗ duk kura ndaɗ ka kaasi tasi mbilɗi lay, sa ma u asi a fiɗirana tam ko ndal ta goŋ looginana na.»

MATIYE 4:10

Yesu dam ana, «Ҥuɗ taŋ ha kiyo, Satanna. Ki ɓiiri ana, Aŋ goɓmi Lona Bu Suuna dew daŋ, ka goɓ sa daŋgi.»

DANYEL 2:47

Mulna ɓak Danyel di ana, «Gasi Loogina ni Lona vi loogi suu ɦawana, Bu Suuna vi mulina, sa ma tak u dlara mbuɗ mbuɗta kina, kay ana aŋ ndak buɗun u dlara mbuɗ mbuɗ ndaɗta kiyo.»

SOOLLA 62:8

Suɗ manda u bibiŋil manda ka tok eg Lona, ɦini man ma eŋŋa u liin ma ŋgayra halaŋŋi hu Lona dew.

FILIPINA 1:20

Cecemi an vi kan a juɓum u furira, an ka fi dlara an a mbuɗ zolo kaɗi, gak gak karami an ka juɓummi juɓi naɗow ni an tak ki kay ŋgolla vi kristura eg tanu lini a kak iiri lay lini a miɗ miɗi lay.

EZAYI 37:36

Hu njeŋge ndaɗtaa gawni, sa sunda vi Yawe kal hu kaŋ ma vi suu Asirina, ci suuna na 185,000 ni njufiina halaŋ. Maɗiira suuna yow ki koloo ni kaŋga ni maɗ suuna na sak sak.

2 DLAŊ MULINARA 32:21

Yawe sun saam ma sunda ha hu kaŋ ma vi suu Asirina, ci suu garaŋ suu wi dla duuna ɦayna ki halaŋ halaŋ u suu ŋgolo suu fok suu duunana lay. Mul ma Asirina zolona vam cocoo. Nam hoŋ vo hu mbas mamba ni na gaw. Fali taa dew ni nam kal kalafi hu zira vi loommara, goryom suu vuɗta cuk um cam ki ni na gaw.

2 DLAŊ MULINARA 20:20

Suuna halaŋ yow kolo maɗii feɗet a tuɗ hu ŋgoo bagira Tekoara. Hu tuɗta asi ka jakka ni Josafat col kolo di ana, «Agi suu Yudana u suu Yerusalemma humugi haa, tinigi hurugi kay Yawe, Loogina, ni sa ma hin a su kagi kaɗi. Vagi vun suu mam suu jokom vunumma ni agi hin ti suuna.»

1 PIYER 1:21

Agi tinigi hurugi kay Lona ni umu, nam ma colom ay ki kolo iiri hu miɗna hin ɦam ŋgolla, viigira u juɓ magira halaŋ tok eg Lona.

HEBRENA 11:37

Suu daŋŋa asi casi ki u ɦinira, suu daŋŋa asi ŋgaɗasi irisi ki duk mba' mba', ɗowba casi ki u ŋgew ŋgolna. Asi tuɗ ki hu li ma daŋŋa daŋŋa cuk bak timigiina tasi u bak ɦugunina. Asi fi wihawra ko lassa ŋgolo.

HEBRENA 1:14

Suu sunda huulona asina ni suurage? Ni ŋgussa suu sun Lona suu nam cukusi a njun u suu fi suɗtana.

SUNDA 4:19

Piyer u Jaŋ hoŋosi dira ana, «Agi saa u tagira tu gige, lini jivi fok Lona a humugi vunugi suumu ni.

DANYEL 6:26

Na ɗaŋŋi mulna Dariyus ɓii maŋ suuna halaŋ, njaf suuna u dee vunusi kay yam ndaŋgara halaŋ, «ko heɓpa li u agi ŋgolo.

DANYEL 4:34

Cecem wanda, an Nabukodonosor, an ŋgaamu, yam semu, goɓ mi Mul ma Kolo Huulonana, kay ana sun mamba halaŋŋi gasira, dlaamba halaŋŋi ɗegeera, nam hin hoŋ suu ŋga tasi ŋgayina ki kaŋgaa.»

SOOLLA 34:22

Lassa ndak ci suu cona kiyo. Suu ka min ɗegeeraɗina ɓakŋa kaay kasiya.

SOOLLA 33:21

Furira huruygira col ay ni komu, saa maygira tini ni kay sem ma teteɗna.

SOOLLA 33:18

May Yawe ka juɓ u suu lam ndaaramma, u suu tin hurusi kay ɗegee mambana.

EZDRAS 6:11

Gola ni boy ma an dam kay gege ma calaɗ ki kay gaɗ ndaɗtana ko asi paɗ mbal gu ma hu ziimbana ki dew, ɓalam ki kolo fun u fiyekemu, olo ko asi mbuɗum ziim ki a didiŋga.

EZDRAS 1:3

Dukugi ni sa ɦal tam ki maŋ suu mamsina halaŋŋa ni gege? Ko Loomma li u namu, nam tuɗ hu Yerusalem hu Yuda a min Ziŋ Yawera, Lo ma vi suu Israelna, ni Lo ma ka hu Yerusalemma.

1 DLAŊ MULINARA 5:20

Asi fi njunda. Suu Hagrina cuk ki hu duk kosi u suu ay usina halaŋ kay ana hu li ma duuna wanni asi yi Lona ha koloo, nam humusiya kay ana asi tin hurusi kamu.

URA TIN AYRA 9:26

Nam hin di hu olo ana, «Gi deɓ Yawe, Lona vi Sem, Kanaanni ana mbaɓu ma vi Semma.

SOOLLA 103:20

Gagi deɓpa maŋ Yawe, agi suu sunda huulona, agi gorzoŋi mamsina, lagi u min mamba. juɓugi ni boy ma nam damma.

1 KORINTNA 13:3

An ndak a ɓorow tlegeyen ki halaŋ, ɦal tan a ŋgal kira lay, lini min manda kaɗi ni ka li va dewɗi.

EZAYI 12:2

Gola, Lona ni sa ma suɗunna, an tin hurunni kamu, va ma lan kaɗi, kay saɓak manna u soolla an gaɗta ni Yawe dew. Nammi sa ma suɗunna.

EZAYI 50:10

Dukugi ni sa ma li ndaa Yawe ka su? Sa namma humum vun saam ma sunda haa, sa ma ka tuɗ duk ndufunda bay wi kiɗikka tu ka su? Nam tin saa mamba ni kay sem Yawe, nam deŋ tammi eg Loomma na ɗow.

DANYEL 6:16

Suu asina ɗaŋŋi mbay eg mulna zak dam ana, «Hum haa mulna, ni gaɗta vi suu Medena u Persena ana li ni mulna ɓii gaɗta wa ni, sa hin ka mbuɗuɗ ki oloɗi.»