DANYEL 3:20 - Boy Lonana

²⁰ Olo, nam hin ɦal voɗta maŋ asgaa mam su saɓakŋa ana asi njun Sadrak, Mesak u Abed Nego a cukusi hu zulla kura ŋgik ŋgikka.

DANYEL 3:20 ပူးပေါင်းရင်းမြစ်များ

SUNDA 16:25

Duk ŋgikka wanni Pol u Silas gi soolla cen Lona, geleɗ Lona, suu daŋ suu hu daŋgayna laki hum may.

SUNDA 16:23

Asi tuɗ casi poŋga ta ta cukusi daŋgayna ca ni di suu golosina ana golosi jiviya.

DANYEL 3:15

Na ni cecem wanda agi tagi mini su? Hu li ma cecem wanna li ni agi humugi del tokolomma, del diffa, del diŋŋa, diŋ ma ŋgolna, dadarina u cakiyawra, u tlesuu bu suu zeɗ zeɗna wa ni agi a cuk vok givigi kaŋga a goɓ mbuu doonora an miniɗta su? Lini agi ka a goɓoɗɗi ni, hu li namma gaw ni hin cukugi ki hu zulla kura ŋgik ŋgikka. Lo ma hin buɗugi ki konna ni maanage?»

DANYEL 1:7

Ŋgol asgaa ma vi mulnana tinisi semma kasiya, nam tin sem Danyel ana Beltasar, sem Hananiya ana Sadrak, sem Misael ana Mesak, hin tin sem Azariya ana Abed Nego.

DANYEL 3:19

Na ɗaŋŋi Nabukodonosor hurum ɓeŋ cocoo, vogom yow eg gi Sadrak, Mesak u Abed Nego. Nam ɓak boyna hin ɦal voɗta ana asi gi ku zulla ki sura jewra ta ta yamba kiɗisiya ko asi jew day gaɗ kura huruɗta na.

DANYEL 3:21

Asi njun suu asina u baraw ma usina, u baraw ma payasina, u jum masira u koɓoɗta, asi hin cukusi hu zulla duk kura ŋgik ŋgikka gaw.