DANYEL 3:18 - Boy Lonana

¹⁸ Lini nam li dla ndaɗta kaɗi lay, aŋ wi ki jiviya, mulna, ami ka a sun loogi maŋsinaɗi, hin ka a goɓ kaŋga fok mbuu lorra aŋ miniɗtaɗi lay.»

DANYEL 3:18 ပူးပေါင်းရင်းမြစ်များ

1 MULINA 19:14

Nam hoŋ dira ana, «Yawe, Lo ma Saɓakŋa, an hurun miniŋ cocoo, an ka ndak a siɓ dlara suu Israelna laɗtaɗi. Asi bus Galamba vaɗ u aŋga kiyo. Asi hawaɗ givin ma togolla ta laŋ ɓivunna hura ki lay. Asi ci suu maŋ suu jokoŋ vunuŋŋa ki bel bel, maa ay ni an dew. Cemi asi hal a baan iiri manda ki lay.»

1 MULINA 19:18

Na may an hin hin u suuna hu mbassa Israella ni na buɓ buɓ kiɗisiya, ni suu may suu goɓ vogosi ka ga fok Baalɗina, suu ŋgaf vunusi ka u nambi layna.»

JOB 13:15

Lini Lona can lay ni boy kaɗi, an ka ndak a ba kiɗi. Fokom lay ni an ndak a di ki kay poy manda.

VUN ŊGOLNA 28:1

Suu dlasi cona yow piira, bay sa dikisi usi ha lay. Na may sa ma ɗegeena buuri ni ko goo dlona na, va ma ŋgenem kaɗi.

DANYEL 3:28

Nabukodonosor ɓak boyna di ana, «Ko sem Lo ma vi Sadrakŋa, Mesak u Abed Negona, suuna ŋgaamu, ma sun sasunda huulona mamma ay suɗ suu mam suu sunda ki kay ana asi ɦal tasi ki mam mayna. Hu li ma asi su vun mulna, asi ɦal tasi ki a lassa, goɓ lo ma daŋgi may, Loosina dew.

DLAŊ LEVIRA 19:4

«Hoŋogi irigi u loogi suu ɦawanaɗi, ka agi ceɗegi tlesuu gol ko ndal Lona nanaɗi lay. Ni an, Yawe, Loogina.

MATIYE 10:28

Lagi ndaana ko suu ci mbalatara ɦawanaɗi, ndak ka a ci iiriraɗi. Lagi ndaana fok Lona ɗow. Nammi sa ba mbalatara u iirira ki duk kura na.

MATIYE 10:39

Sa ma min iiri mamba kay tamma, ndaɗ hin ba kiyo, sa viɗ iiri mamba ki kanna, nam hin faɗ may.»

MATIYE 16:2

Yesu hoŋosi dira ana, «Fiɗigi faɗta a ndi kaŋgara lini huulona tlawi ni, agi di ana lina karam jiviya.

SUNDA 4:19

Piyer u Jaŋ hoŋosi dira ana, «Agi saa u tagira tu gige, lini jivi fok Lona a humugi vunugi suumu ni.

HEBRENA 11:25

Moiz min lassa vi suu vi Lona jivi irim su mayra li furira hu cora buu ew daŋga.

JOSUWE 24:15

Lini ka irigi jivi a sun Yaweɗi ni managi sa ma agi a sunumma kiyo, lini loogi suu vi somoyogi suu asi goɓosi ay ŋgoo lumma ii hiniŋŋa na kala, lini loogi suu vi suu Amorna hu mbassa agi cuki huruɗ cemi wanda kala ni. An u ziin halaŋ ami sunni Yawe.»

WIRA ŊGAYRA 12:11

Gorseygina su kay dragoŋ u jivira vi busu Goo Timiina, u jivira vi boy ma asi damma, asi vi kasi a ɦal iiri masira kiyo miɗ kiyo.