DANYEL 2:9 - Boy Lonana

⁹ Li ni agi dan u doyra ka kiɗi ni, dlara ko ndaɗta nara ka juɓugiya, agi vagi vun tagi a dagi dlara ka boyna fokon lay ta ta a lina mbuɗ tam ki tuwa. Agi dan u doyra ay kiyo, an hin wi ana agi hin a mbuɗunda uɗ kiyo ni na tuwa.»

DANYEL 2:9 ပူးပေါင်းရင်းမြစ်များ

1 MULINA 22:22

Ŋgus ndaɗta hoŋ dira ana, An hin tuɗ mbuɗ tan ki a ŋgussa kaboyna, kal ay ki fun suu mam suu jok vun Lona halaŋ halaŋ. Yawe hin daɗ ana, Ndak tuɗ ganam yamu, voɗta ka kay ndak a tuɗ ganam yamba. Tuɗa i li ko ndaɗta na.

1 MULINA 22:6

Mul ma Israelna tok suu jok vun Lona ay va ma kis kis fiɗi dasi ana, «An ndak a tuɗ duu u Ramot ta Galaadta ɗowba an kak su?» Asi hoŋom dira ana, «Tuɗ ɗow. Bu Suuna ɦaɗ ki hu duk ko mulnawa.»

ESTER 4:11

«Suu sunda vi mulna halaŋ u suu hu ɦoŋzi ma bagina vi mulna wi ana gasi lini gegelay sa njufu, caa ma tuɗ eg mulna hu taraŋga bay yam haa ni gaɗta kam dewra ni cira cam kira, hol li ni mulna takam tokolo mamba lorra wa ni nam hin kak iiriya. Kan anni buuna jak ki dok hindi bay sa yan a tuɗ hu taraŋga vi mulna.»

VUN ŊGOLNA 12:19

Sa ma ɗegeena basa na din din kay ndaŋgara. Sa ma kaboyna buu mamma hu duliyara ni ko cemek iira ɦawa na.

EZAYI 41:23

Dami tlesuu li ha fokŋa kiyo, ami hin wi ki ana agi ni loogina gassi. Takami dlara hin mbara ni ta jivira ɗowba, ni ta cora su, ko taygi halaŋ aygi hin gol dla ndaɗta waɗ uɗ may.

EZAYI 44:25

An mbuɗ dlara mbuɗ mbuɗta vi suu kaboyna ki ɦawaa, suu may suu gol ciciwra an casi kiyo. Suu wi yalna cocona an hoŋosi ki dagani. An mbuɗusi yal masina ki a dlara ɦawara.

EZEKIYEL 13:17

«Cemi ni aŋ goŋ sanna hum haa, tuɗ di boyogi suu Israelna suu di dlara kay tasi tok tokŋa, aŋ tuɗ dasi dlara hin lasira ha kiyo.

EZEKIYEL 13:19

Agi mbuɗungi sen ki njenjera fok suu mansina ni kay fu ma agi a fam funugi na ew daŋŋa, u komnjoɗi orge ma ewna may. Agi cagi suu maɗ ka kasi tuɗina kiyo, suu a miɗ ki ginna agi mbuɗusi iiri may. Agi ganan yam suu mansina u dlara kaboyna suu min a hum dla ndaɗtana.

EZEKIYEL 13:6

Asi wi ni wira kaboyna ɦawaa, asi di dlara ha fokka ni dlara mbaɗ tara ɦawa lay. Asi suu di ana Yawe di ay na, bay Yawe cukusi ay layna, asi ka juɓmi ana nam hin lasi dlaasira asi daɗta kiyo.

DANYEL 2:16

Danyel kal ha vi mulna kal ni hin joɓom ana nam ɦam voɗta nde nam min a buɗum u doyra ha kiyo.

DANYEL 2:21

Nammi sa ma mbuɗ ii lina u dlara halaŋŋa, nam cuk mulina ki kaŋga lay, nam yow mulina kolo lay, nam ɦal yalna maŋ suu wi dlara, nam ɦal wira maŋ suu saa u dlara.

DANYEL 2:8

Mulna hoŋ dira hin ɓak ana, «A gasira an wi ana agi li na ka kogi ŋgolo kay agi wi ana an ɓak boy manna ki wa.

DANYEL 3:15

Na ni cecem wanda agi tagi mini su? Hu li ma cecem wanna li ni agi humugi del tokolomma, del diffa, del diŋŋa, diŋ ma ŋgolna, dadarina u cakiyawra, u tlesuu bu suu zeɗ zeɗna wa ni agi a cuk vok givigi kaŋga a goɓ mbuu doonora an miniɗta su? Lini agi ka a goɓoɗɗi ni, hu li namma gaw ni hin cukugi ki hu zulla kura ŋgik ŋgikka. Lo ma hin buɗugi ki konna ni maanage?»

DANYEL 5:28

Perse ni ana ɓorowiya, mul maŋga ki ɓorowiya hin ɦaɗ ki maŋ suu Medena u suu Persena.»

DANYEL 7:25

Nam hin ɓak boyna kay Lo ma Kolo Dayna, hin las suu teteɗna vi Lo ma Kolo Dayna, nam hin saa a mbuɗ buu tilna u gaɗta kiyo, hin hinim suu sunda kom ii coki dew, coki mba, ɓorow cokira duk lay.

2 KORINTNA 2:17

Ami ka ko suu may suu li paara u Boy Lonana naɗi, ni na ɗow Lona sunumi a di gasira ki fokomu ko suu sunda vi Kristu na.