DANYEL 2:47 - Boy Lonana

⁴⁷ Mulna ɓak Danyel di ana, «Gasi Loogina ni Lona vi loogi suu ɦawana, Bu Suuna vi mulina, sa ma tak u dlara mbuɗ mbuɗta kina, kay ana aŋ ndak buɗun u dlara mbuɗ mbuɗ ndaɗta kiyo.»

DANYEL 2:47 ပူးပေါင်းရင်းမြစ်များ

URA TIN AYRA 41:39

Faraw di Yosef ana, «Lona takaŋ tle asina ki maŋ halaŋ. Sa ma daŋ ma neey ma yal ko aŋŋa kaɗi.

2 MULINA 5:15

Nam hoŋ ay u suu umma halaŋ eg sa ma vi Lonna. Nam kal ha vo tuɗ col fokom di ana, «Cemi ni an wi ki ana kay yam ndaŋgara halaŋŋi lo ma daŋ kaɗi, ni Lona vi suu Israelna dew daŋ. Cemi ni an ceneŋu, vi tlesuu saaŋ ma sunda min a ɦaŋsina ɦawa wannana.»

JOB 12:19

Nam tuɗ muli suu li ɓivunna ki siili bay tuɓuru sesiya. Nam bulum gaɗta suu saɓakŋa njunuɗta kiyo.

SOOLLA 136:2

Geleɗegi Lo ma kay looginana kay ɗegee mamba ka ni na gak gak.

SOOLLA 136:3

Geleɗegi Bu Suuna vi suu ŋgolona kay ɗegee mamba ka ni na gak gak.

SOOLLA 72:11

Mulina halaŋ hin goɓ ga fokomu, Njaf suuna halaŋ hin sunumu.

SOOLLA 82:1

Soolla vi Azaf. Lona ay coli kolo huulona duk suu tokina, nam kaɓakŋa kay loogi suu ɦawana.

SOOLLA 96:4

Kay Yawe dlam ŋgol cocoo, ndaki a sa ŋgaam daŋ may, nam ŋgolo, su kay loogi suu daŋŋa halaŋ.

EZEKIYEL 26:7

«Bu Suuna, Yawe, di ana, An hin mbaa mul ma ay mbayawna Nabukodonosor, mul ma saɓak suu mulina halaŋŋa, ay kagiya. Nam hin mbay ni u kulumina u pupus ma kulumina lay. Suu duuna ay dlaɓi um bolow cocoo.

DANYEL 11:36

«Mulna hin li ni dlara u hurumba, hin ŋga tam coco lay, hin gol tam ŋgol suu loogi suu ɦawana lay, su Lo ma vi loogi suu ɦawana na lay, nam hin di boy ma ɦal saara maŋ suunana. Dlaamba hin li kom jivira ta ta hu buu ma yara hin daɓ kina, kay ana va ma Lona ŋgaamma hin li kiyo.

DANYEL 2:19

Na ɗaŋŋi Danyel hin fi u dlara mbuɗ mbuɗ ndaɗta ki u doyra hu senna njeŋgee. Na ɗaŋŋi Danyel hin gi deɓpa maŋ Lo ma kolo huulonana.

DANYEL 2:22

Nammi sa ma tak u dlara mbuɗ mbuɗ mayra ki ŋgayra kina, nam wi tlesuu ka duk ndufundana lay, kiɗikka ka u nam may.

DANYEL 2:28

May Lo ma kolo huulonana ka dew, ma tak u dlara mbuɗ mbuɗta kina, hin tak maŋ mulna Nabukodonosor dlara hin mbay hu fokkara. Doyra daŋga u tlesuu ŋgusuŋ wasi hu liiŋ ma buunana wanni.

DANYEL 2:29

Maŋ aŋ mulna, saaraŋ tin ha ki kay dlara hin mbay fokka hu liiŋ ma buuna, nam sa ma tak dlara hin takaŋga ni na may.

DANYEL 2:30

An may ni, ka ni kay tan u yal man ma su ndarayan suu iirina dla ndaɗta tak taɗ ki irinni naɗi may, ni kay ana tak u dla ndaɗta ki maŋ mulna a aŋ wi saa mayra huruŋga may.

DANYEL 2:37

Aŋu, aŋ mulna, mulna vi mulina, aŋ sa ma Lo ma kolo huulona ɦaŋ mulla koŋŋa, ɦaŋ eŋga, ɦaŋ saɓakŋa u bibiŋillana,

DANYEL 3:15

Na ni cecem wanda agi tagi mini su? Hu li ma cecem wanna li ni agi humugi del tokolomma, del diffa, del diŋŋa, diŋ ma ŋgolna, dadarina u cakiyawra, u tlesuu bu suu zeɗ zeɗna wa ni agi a cuk vok givigi kaŋga a goɓ mbuu doonora an miniɗta su? Lini agi ka a goɓoɗɗi ni, hu li namma gaw ni hin cukugi ki hu zulla kura ŋgik ŋgikka. Lo ma hin buɗugi ki konna ni maanage?»

DANYEL 3:28

Nabukodonosor ɓak boyna di ana, «Ko sem Lo ma vi Sadrakŋa, Mesak u Abed Negona, suuna ŋgaamu, ma sun sasunda huulona mamma ay suɗ suu mam suu sunda ki kay ana asi ɦal tasi ki mam mayna. Hu li ma asi su vun mulna, asi ɦal tasi ki a lassa, goɓ lo ma daŋgi may, Loosina dew.

DANYEL 3:29

An may ni an ɦal voɗta ana gegelay hu njaf suuna halaŋ, njaf suuna u vun masina, ma di boy ma cona maŋ Lo ma vi Sadrak, Mesak u Abed Nego di na, vam palawam kiyo, ziim hin mbuɗ ki didiŋga kay ana lo ma daŋ ma buɗ suu mamsina ki ko wanda na kaɗi.»

DANYEL 4:17

Ŋgusu ma aŋ wamma, ma mbuɗ ŋgolo saɓak layna, ma fiyekem tuɗ ta ta kolo huulonana, ndak a wam ay keŋ ndaŋgara ma daɓma day lay na,

DANYEL 4:25

Dla ndaɗta li ki eg mulna Nabukodonosor.

DANYEL 4:32

Suu kay ndaŋgarana halaŋ ka mdak ii vaɗi, nam li ni u min mamba, kay asgaa suu kolo huulonana u suu kay ndaŋgarana, sa ma ndak a cam u kom kaɗi, ndak a dam ana, aŋ li nimegena kaɗi lay.

DANYEL 5:11

Sana ka duk suu aŋ ti mulla kasina dew, sa namma ŋgussa vi loogi suu teteɗna ka kamu. Ay hu buu ma buŋ ka tuna, fi u dlara tew tew ay ni funumu, wira lay, yalna ko ndal yal ma vi looginana na, buŋ mulna Nabukodonosor tinim a mulna fok suu wi dlara, suu kaɓakŋa, suu Kaldeenna u suu di u dlara kina. Buŋ mulna li ni na,

AMOS 3:7

Kay ana Bu Suuna, Lona ka li dla bay tak dlara hurumba ki maŋ suu mam suu sunda suu jok vun Lonaɗi.

1 KORINTNA 14:25

Saa mamba ŋgay hurum kay tam dewra hin mba ki kiɗiki, ni nam hin goɓ yam kaŋga cen Lona anaba, «Lona ka dukugi gasi.»

GA 8ATAMBARA 10:17

Kay Yawe Loogina ni Lo ma kolo kay loogi suu daŋŋa belna. Nammi Bu Suuna vi somi suuna halaŋ. Lo ma ŋgolna, ma Saɓakŋa Kom Belna, ma dlam cona, ma ka keŋ li ma dew ɦawaɗina, ma ka mbuɗɗina. Gal. 2.6; Efes. 6.9

1 TIMOTE 6:15

Hu buu ma ŋgaayna faɗta nam hin a mbara ni buu namma col ay ni ko Lona, mul ŋgol maa dew, ma fi sari jivira, mulna vi mulina, Bu Suuna vi Bu Suuna.

JOSUWE 22:22

«Lona, Lona, Yawe, Lona, Lona, Yawe, ni sa ŋgolna, nam wi dlara ami laɗ wandara ki halaŋ halaŋ. Agi tagira lay ni hin wi dla ndaɗta kiyo, lini ami li gasi ni dlara duu u agiya, lini ami li ni dlara co eg Yawe ni ka nam hin njun kamiɗi.

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.

WIRA ŊGAYRA 17:14

Asi hin duu Goo Timiina nam hin su kasiya, kay nammi Bu Suuna vi Bu Suuna, mulna vi mulina, nam hin su kasi u suu mamsina, ni suu mam suu ɗegee suu yasi ay manasi kina.»

WIRA ŊGAYRA 19:16

Sem ma ɓiiri kay baraw mamma u gayam kaŋgana ko fok wanda na, Mulna vi mulina, Bu Suuna vi Bu Suuna.