DANYEL 2:40 - Boy Lonana

⁴⁰ Mul ma fiɗina hin mbay olo, saɓakŋa ko kawina na, kay ndaɗta kawina luɗ tlena, to tlena ki halaŋ halaŋ, ko ndal kawi ma luɗ tlena na, nam hin luɗ tlena hin luɗ suu asina kiyo.

DANYEL 2:40 ပူးပေါင်းရင်းမြစ်များ

JOB 9:17

Nam lasan ki ni kay dlara an waɗ uɗ kaɗira. Nam dakan ki ni bay an li vaa.

JEREMI 15:12

Sa ndak a kus ɓalaŋ ma col ay mbayawna ki u walakka ni gege?

DANYEL 2:33

Gayam minira ni u kawina, sem maa ɦiw u kawina may, ma ɦiw u luɓuna may.

DANYEL 2:39

Ŋgoroŋ dagan wanni mul ma daŋŋa hin mbaa, ka ndak u aŋgi, mul ma daŋŋa hin mba olo, mul walakka ma a hindirana hin ti mulla kay yam ndaŋgara halaŋ.

DANYEL 2:41

Aŋ wi gay mbuna u sem ma ɦiw u luɓuna, ma ɦiw u kawina, hin li ni mulla iriɗ ki ɓorowira, saɓak kawina hin li huwa ko ndal aŋ wi kawi ma tlumi ko tam u luɓuna naɗi su.

DANYEL 7:7

An gol irin ŋgoo dagan olo hu tlesuu an wasi hu doyra njeŋgena, mbuu ma fiɗina, dlam ti ta cocoo, li ndaana coco lay, saɓak coco lay, sii ma funumma ni kawina, ti tlena, harasi kiyo, tayasi usira hinda ki kaŋga u semu, nam ki zeɗ u mbuuri suu kal ki fokomma, mekka kam doogo.

DANYEL 8:24

Saɓak mamma hin wul ha fokŋi wuli na ɗow ɗow, may ka ni u saɓakam kay tambi. Nam hin ɓeŋ tlena ki ŋgol cocoo. Dlaamba halaŋ hin li jivi u voɗoɗu. Nam hin ci suu saɓakŋa kiyo, ni ana suu sunda.

DANYEL 9:26

Ŋgoo dagan cokira dok karkiya yam mbara, sa ma fuurina hin cam kiyo, may ka ni kay tambaɗi. Kay ɦoŋzina u li ma teteɗ ma ɓivunna, suu vi mul ma ka mbayna hin ɓeŋem kiyo, daɓ mamba hin mbay ni ko babaana na, ta ta daɓpa vi duuna ni hin di boyna kay ɓeŋ mamba.

AMOS 1:3

Yawe ɓak anaba, Ni kay dla cora laɗ yamba na hindira, ni kay dla cora suu Damas suu yara laɗ yasi fiɗira, an hin ka col dukgi, kay ana asi ci suu Galaadna ki u njetna.

Boy Ma Ayra Ma JAŊ Ɓiirimma 11:48

Aygi li hinim nam li dla ndaɗta na gak gaki ni, suuna halaŋ hin tin hurusi ki ni kamu. Suu ŋgolo suu Romma hin hum na ni, hin dikiygi kiyo, hin tooygi Ziŋ Lonna maygira ki may, caygi njaf maygina ki may.»