28 May Lo ma kolo huulonana ka dew, ma tak u dlara mbuɗ mbuɗta kina, hin tak maŋ mulna Nabukodonosor dlara hin mbay hu fokkara. Doyra daŋga u tlesuu ŋgusuŋ wasi hu liiŋ ma buunana wanni.
Asi hoŋom dira ana, «Doyra dami kaa njeŋgee, sa ma gamira uɗ ki kaɗi.» Yosef dasi ana, «Sa ma gi u doyra kina ni Lonaɗi su? Cuɗun ki vun doy magi ndaɗta ay gige.»
Buu maa hin mbaa ni ɦinira hu ziŋ Yawera hin mbuɗ fiyek a su ɦinira daŋga halaŋ, ndaɗ hin kak a ŋgolla kay ɦinira daŋga bel bel. Njaf suu daŋŋa halaŋ hin taɓ ay ki uɗu.
Aŋ hin tuɗ duu u suu man suu Israelna. Aŋ hin kuluɓ mbas ndaɗta ki u suu maŋsina ni ko ndal ɗugulla kuluɓ lina kira na. Dla ndaɗta hin li ni hu li ma lina hin tokŋa. An hin mbaaraŋ ay a duu u mbas manda kay a njaf suu ɦawana wan ki u irisi ana an tak teteɗ manda ki eg Gog.»
Ŋgoo dagan basara ŋgolo hu li ma lina ndak wa ni, an hin ɦaŋ voɗta aŋ tuɗ hu mbas mayra dayra, suu huna ka laki u heɓpa. Asi ka li ndaa duuɗi lay hu li ma asi toki kel tasi cocona. Aŋ hin dug ɦinira Israella ndaɗ hin mbuɗ ki ni ŋgoo bagira ɦawaa, may cemi ni suuna ka laki hu u heɓpa.
Hu dlara yalna u saara fiyekka, mulna faɗta halaŋŋi, nam halaɗ uɗ ni funusiya. Nam golosi wanni asi saɓakasi suu kay suu kaɓakŋa hu liimmana ii va ma doogo doogo lay.
dasi ana, asi joɓ heɓpa ko Lo ma kolo huulonana kay a nam takasi u dlara mbuɗ mbuɗ ndaɗta kiyo, ka a Danyel fi matna u banayamma u suu wi dlara suu hu Babilonnaɗi.
Doli ɗaŋŋi hu buu ma vi muli suu asina wanni Lo ma ay kolo huulonana hin tin mul ma ka ɓeŋ kiɗina, ma mul mamba hin ka ɦaɗ ki maŋ suu daŋ oloɗina. Nam hin luɗusi kiyo, hin bulum muli suu asina ki halaŋ, nam hin hinni a fafaɗta.
Ko ndal aŋ wi gogoyra col ay kolo kay ɦinira bay ko sa egeɗu mba luɗ kawina kiyo, luɗ walakka kiyo, luɗ luɓuna kiyo, luɗ doonora kiyo luɗ lorra kira na. Lo ma ŋgolna tak dlara hin mbay fokka ki maŋ mulna. Doyra di mulnara ni gasira, uɗ mayra buɗ kira ndak a sana vi uwa.»
Mulna ɓak Danyel di ana, «Gasi Loogina ni Lona vi loogi suu ɦawana, Bu Suuna vi mulina, sa ma tak u dlara mbuɗ mbuɗta kina, kay ana aŋ ndak buɗun u dlara mbuɗ mbuɗ ndaɗta kiyo.»
Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.
Na ɗaŋŋi gola, sa min ɦinirana, sa li semeɗnana, sa ka tak dlara maŋ sa warna a nam laɗta, sa hu li ma ndufunna nam li kiɗikka layna, sa tuɗ kolo kay lii mbuy ma kay ndaŋgarana, nam yi sem ana Yawe, Lo ma Saɓakŋa.
Hu magaa ndaɗta tak ki dlara li ayra, Yesu Kristu hin takaɗ kira. Lona ɦamba ana nam takaɗ ki maŋ suu mam suu sunda kay va ma hin mbayna. Kristu sun sa sunda huulona ha sunni, tuɗ takaɗ ki maŋ saam ma sunda Jaŋ.