DANYEL 2:23 - Boy Lonana

²³ Maŋ aŋ Lo ma vi somoyomina, gi deɓ manda u furira u ŋgaanda lay, kay ana aŋ ɦal yalna u saɓakŋa. Cecem wanda aŋ takan va ma ami joɓoŋ kamma kiyo, kayana aŋ takami u dlara vi mulnara kiyo.»

DANYEL 2:23 ပူးပေါင်းရင်းမြစ်များ

URA TIN AYRA 18:17

Yawe di ana, «Va ma an lamma an ndak ŋgayam ii Abraham su?

URA TIN AYRA 31:42

Lini Loŋ bunna, Loŋ Abrahamma, ma Isaak lam ndaaramma u anɗi ni aŋ dikin ginni u kon ma vadlna. Lona wan las manda u sunda an laɗ u konda wa kaa ni nam kaan ɓak manna ki wa.»

1 MULINA 18:36

Tew hu li ma taa tlena a ɦalla may, sa ma jok vun Lona Eli ɦuɗ tam ay di ana, «Yawe, Loŋ Abrahamma, Loŋ Isaakŋa, Lo ma vi suu Israelna, li dlara asi wi ki karam ana aŋŋi Lona daŋ mayra anni saaŋ ma sunuŋŋa an li dlara ni u boy maŋŋa.

1 MULINA 8:57

Cemi wanda, an joɓ Yawe, Looygina ko nam li u aygi ko ndal nam li ay u somoyoygira na may. Ko nam noyoygi kiɗi, ko nam hin njunda njun kaygiraɗi.

1 DLAŊ MULINARA 29:10

David gi deɓpa maŋ Yawe fok suu tokina di ana, «Ko suuna ŋgaaŋŋi seŋu, Yawe, Lona vi suu Israelna, bumi ma ay day day a fafaɗtana.

1 DLAŊ MULINARA 29:13

Cecem wanda, Loomina, ami gaŋdeɓe, ami geleɗeŋ seŋ ma saɓakŋa ɦayna.

2 DLAŊ MULINARA 20:6

Asi cen Lona ana, «Yawe, Lo ma vi somoyomi suu jew dayna, aŋ ti mulla ay kolo huulona ni aŋu. Aŋ ti mulla kay njaf suu warna halaŋŋi aŋ lay. Saɓakŋa u garaaŋga halaŋ ay ni koŋu. Sa ma ndak a col fokoŋ kaɗi.

SOOLLA 21:2

Yawe, mulna ka furi cocoo kay aŋ ɦam saɓakŋa. Nam furi cocoo kay aŋ ka njunumu.

SOOLLA 21:4

Aŋ ɦam heɓpa, paɗ vunuŋ ki kamu, aŋ kuluɓum jum lorra kamu.

SOOLLA 25:14

Yawe ɦal tam maŋ suu lam ndaaramma, nam takasi galam mamba may.

SOOLLA 50:14

Ɓivun ma agi lam maŋ Lonna ni ŋgara ŋgaamba, dlara aŋ di ki u vunuŋ ana, aŋ laɗ maŋ Lonara, aŋ laɗu.

KALKIRA 3:15

Lona hin di Moiz olo ana, «Aŋ hin ɓak suu Israelna ana, Yawe Lo ma vi somoyogina, Lona vi Abraham, Lona vi Isaak, Lona vi Yakob sunun ay egegi ni namu. Ni sen ma fafaɗna, ni asi hin cenen hu basara basara ni u sen namma.

VUN ŊGOLNA 21:22

Sa ma wi dlara ɦayna ndak a tli zi ma saɓak cocona kiyo. Nam ndak a toosi gulumun ma ŋguy kay ɦoŋziisinana ki gaa.

VUN ŊGOLNA 24:5

Sa ma wi dlara ɦayna oyra u saɓakŋa cocoo. Sa ma wi dlara wul ni saɓak mamma kolo na ɗow ɗow.

VUN ŊGOLNA 8:14

Anni cara gaɗ suuna, neesi ki kay dlara ha fokka. Gola ni sun manda, anni nera taɗta gaw, an ɦal saɓakŋa ay ni anu.

DI BOLLA 7:19

Wira wi dlara mbuɗ sana saɓak coco su muli suu doogo hu ɦoŋzi ma dewnana lay.

DI BOLLA 9:16

An hin ɓak tan ana yalna ni su saɓakŋa. Na may yal ma vi sa ma hawra sa ka ŋgaambi, sa ka humum boy mammaɗi lay.

DI BOLLA 9:18

Yal ma wi dlara ɦayna jivi su kawi ma duuna. Na may sa ma ciwayra dew ni ɓeŋ tlena ki cocoo.

EZAYI 12:1

Hu buu namma ni suuna hin di ana, Ami gaŋ deɓe, Yawe, kay aŋ li yara egemiya, na may huruŋ heɓ wa, aŋ ɗilimi irimi wa.

JEREMI 33:3

Yanu, an hin humuŋu, an hin takaŋ tlesuu ŋgolona, tlesuu sa ka ndak wasiɗina, aŋ ka wasiɗi layna.

DANYEL 1:17

Doli ɗaŋŋi maŋ gor suu fiɗi asina Lona ɦasi yalna, haɗasi yalna a wi dlara. Maŋ Danyel may ni nam wi u dlara tak taɗ ii suunara, wi u doyra di suunara ki lay.

DANYEL 2:18

dasi ana, asi joɓ heɓpa ko Lo ma kolo huulonana kay a nam takasi u dlara mbuɗ mbuɗ ndaɗta kiyo, ka a Danyel fi matna u banayamma u suu wi dlara suu hu Babilonnaɗi.

AMOS 3:7

Kay ana Bu Suuna, Lona ka li dla bay tak dlara hurumba ki maŋ suu mam suu sunda suu jok vun Lonaɗi.

MATIYE 11:25

Fali ndaɗta Yesu di ana, «Bunu, mul ma kolo huulona, kaŋga kay ndaŋgara lay na, an gaŋ deɓpa kay aŋ ŋgay tlegeyeŋ ki ii suu wira u suu neeyna, hin takasi ki ii suu kaɗakina.

Boy Ma Ayra Ma LUK Ɓiirimma 10:21

Hu li namma na gaw ni Musuk Lonara oy hu Yesu u furira, nam di ana, «Bunu, mul ma kolo huulona, kaŋga kay ndaŋgara layna, an gaŋ deɓpa kay aŋ ŋgay tlegeyeŋ ki ii suu wira u suu neeyna, hin takasi ki ii suu kaɗakina. Na may Bunu, aŋ min ni na.

Boy Ma Ayra Ma JAŊ Ɓiirimma 11:41

Asi hin tli ɦinira kiyo. Yesu tli irim kolo huulona di ana, «Bunu, an gaŋ deɓpa kay va ma aŋ humunna.

Boy Ma Ayra Ma JAŊ Ɓiirimma 15:15

An ka yagi a suu sunda oloɗi, kay sa sunda ka wi va ma malamma lammaɗi. An yagi ana banayanna kayme an takagi tlege suu an fasi ay vi Buna ki bel.

WIRA ŊGAYRA 1:1

Hu magaa ndaɗta tak ki dlara li ayra, Yesu Kristu hin takaɗ kira. Lona ɦamba ana nam takaɗ ki maŋ suu mam suu sunda kay va ma hin mbayna. Kristu sun sa sunda huulona ha sunni, tuɗ takaɗ ki maŋ saam ma sunda Jaŋ.

WIRA ŊGAYRA 5:5

Ni sa ma duk suu ŋgolona dew dan ana, «Tiiɗi, aŋ gola, dlona hu njafna vi Yuda, hu deera vi mulna David ma su ki kasina ndak a haw tampoŋŋa kiɗisiyana kiyo, hin mal magaara ki lay.»