DANYEL 12:4 - Boy Lonana

⁴ Aŋ, Danyel, may ɗaŋŋi ŋgay boy namma huruŋu, li um ta ta hu daɓpa. Suuna bolowo hin ndum boy namma, saa masira hin wul fok may.

DANYEL 12:4 ပူးပေါင်းရင်းမြစ်များ

DANYEL 12:9

Nam dan ana, «Tuɗa, Danyel, kay tle asina ni ŋgay tuwa, asi hin li ki ni hu buu ma daɓpa may.

WIRA ŊGAYRA 22:10

Ŋgoo dagan nam dan ana, «Ŋgay boy ma jok vun Lona ma ɓiiri hu magaa ndaɗtanaɗi, li ma ŋgaam kay tle asina na hin tok.

DANYEL 8:26

Dlara kay fiɗigira u maɗiirara ni, ko ndaɗ ay ki diira na, ni gasira. Aŋ may ni ŋgay boy namma huruŋu, kay ana boy namma ɓakŋi kay dlara ha fok dayra.»

DANYEL 8:17

Nam ɦuɗ tam ay eg li ma an ka coli huna na tok, hu li ma nam tuɗ ay egen na an mbuɗ ki ndaana puk kaŋga u vun dikinu. Nam dan ana, «Hum haa goŋ sanana, tlena tak ki ni kay li ma daɓ daganna.»

WIRA ŊGAYRA 10:4

Vunusi ndi kaŋga a ɓakŋa may ni an hal gin a gijaŋ ɓiira, an hum della dan ay kolo huulona ana, ŋgay va ma lo ma bayra kiɗisiya damma huruŋu, ɓiirimbi kamma.

DANYEL 12:13

Aŋ tuɗ ta ta tew ha ki hu daɓpa. Aŋ hin fi koɗ tara, aŋ hin col kolo a vi warak maŋŋa hu buu ma duliyara hin daɓ kina.»

EZAYI 32:3

Ii suu may suu wina ka duk oloɗi, hum suu may suu humma ka ŋgel oloɗi lay.

EZAYI 8:16

An dug boy manna u haɗ manda ki ii suu haɗi mansina.

MATIYE 24:14

Boy ma Ayra kay Mulla hin njaɗ ki kay ndaŋgara halaŋ. Suuna njay ki duk njaf suuna wa halaŋ a di boy namma kira, ni daɓ nduŋga.»

EZAYI 11:9

Va ma co ka li kay ɦini manda teteɗtaɗi, ɓalakka kaɗi, kay yam mbassa halaŋ hin oy ki u wira vi Yawe, ko ndal mbona oy ki hu lummara na.

DANYEL 11:40

«Hu li ma daɓpa wanni, mul ma dalina hin duu u namu, mul ma mbayawna hin sulul ha kam u pupus mamma, u suu mam suu duuna u kulumina u lumba ŋgolora bolow coco lay, nam hin tli mbassa, jak ta ta keŋ hiŋŋa.

DANYEL 11:33

Suu may suu neey dukusina hin haɗ suuna bolow cocoo, may asi hin casi ki u ŋgewegina, ŋgalasi kiyo, hin cuk suu ɦiw daŋgayna, ɦurumusi tlegeyesi ii buu ca lay.

ROMMA 10:18

An ka joɓ mi anaba asi ni bay hum boyna tu su? Ni asi humiya, kay ɓiira di ana, «Suuna humusi delesi ha ki kay ndaŋgara halaŋ lay. Boy masina tew hu li ma duliyara daɓ ki huna.»

DANYEL 10:1

Hu basara hindira Syrus, mul ma Persena dlara tak taɗ ii Danyel ma sem ma geleɗta ana Beltasarna dew. Boy namma ni gasira u ti tara ŋgolla. Nam hum u boy namma, nam wam um ki jivira ni hu takka.

EZAYI 30:26

Kiɗikka vi tilnara hin mbuɗ ni ko kiɗik faɗtara na. Kiɗik faɗta hin mbuɗ seɗ na kiɗisiya sura jewra, ko ndal kiɗikka li buuna kiɗisiyara na. Hu li ma Yawe njun mbil suu mamsinana, tin tlena ii mbil ma asi famma.

WIRA ŊGAYRA 5:1

Sa ma kaki kay dlamba mulla an wi magaara ɗuɗi ki hu kom ma njufna, huruɗ ɓiiri lay, ŋgoroɗ ɓiiri lay jak, vunuɗ nereɗiya u tampoŋŋa ki tini kayam kiɗisiya.

EZAYI 29:11

Dlara ŋgay ndaɗta irigi ni ko ndal magaara vunuɗ ki dugi hu enveloppara na. Asi haɗ maŋ sa ma wi ndum magaara dam ana, «Ndumuɗ ay kiyo.» Nam hoŋ dira ana, «An ka ndak a ndumuɗɗi, kay ndaɗ dugi hu magaara.»

JEREMI 5:1

Tuɗugi hu voɗta Yerusalemba, gologi ɗaŋ hin joɓogiya, halagi hu li namma. Agi fi sa dew su? Agi fi sa njun kay sa ɗegeena dew su? Ma hal a di gasirana. Na daŋŋi an hin ɦal gira maŋ ɦoŋzina.

DANYEL 10:14

An mbay ni a takaŋ dlara hin mba kay suu maŋŋa hu fokkara, kay ana dla ndaɗta hin tak taɗ ki fok jew kay buu namma tuwa.»

DANYEL 10:21

An hin daŋ dla mayra kaŋga ɓiiri hu magaara gasira. Sa ma col fokon a njun kay suu asina kaɗi, ni mul magina Michel dew.

DANYEL 12:5

An, Danyel, irin ɗaŋŋi wi suuna colira mba', maa dew coli fun lumma, ma hiŋŋa coli fun lumma keŋ hiŋŋa may.

DANYEL 8:19

Nam hin di olo ana, «An hin takaŋ dla mayra hin mbay u yarara, kay ana buu ma daɓpa ay ki ŋgaya.