DANYEL 12:3 - Boy Lonana

³ Suu may suu neeyna tasi hin weleɗ ko huulona na, asi suu mbuɗ suuna ki jivi bolow coco ko ndal ciciwra na a fafaɗtana.

DANYEL 12:3 ပူးပေါင်းရင်းမြစ်များ

KALKIRA 34:35

Suu Israelna wi ana vok Moiz mbuɗ weleɗa ni, Moiz hoŋ ɗag gaɗamulla ki kam gaw. Hin buɗuɗ ki ni hu li ma nam tuɗ kalafi a ɓak u Yawera tuwa.

VUN ŊGOLNA 11:30

Sa ma ɗegeena vuɗ mamba ni gu ma vi iirirana. Suu wi dlara hin vi suu daŋŋa.

VUN ŊGOLNA 3:35

Suu wi dlara hin fi bibiŋilla. Suu laɓana hin fi ni zolona may.

VUN ŊGOLNA 4:18

May voɗta vi suu ɗegeena ni kiɗikka fo lina, kiɗik ndaɗta tuɗ ha fok gak gak ɓo lina kiyo.

DI BOLLA 12:9

Sa Di Bolla ni sa ma wi dlara cocona. Kay ndaɗta nam tuɗ fok u haɗ dlara maŋ suuna. Nam tuk dlara, haɗaɗu, di dlara u ndal boyna zeɗ zeɗ cocoo.

EZAYI 53:11

Iiri mamba las cocoo, kay ndaɗta nam hin furi su olo, nam hin wi ki ana nam las kini ɦawaa. Nammi saan ma sun ma gasina, nam yow dla cora vi suu daŋŋa ki bolowo, kay ndaɗta nam ka ziirisi dlaasira.

JEREMI 23:22

Lini asi humun gaɗ manda ni, asi hin ɓakan boy manna ki maŋ suu mansina, asi humum may. Asi hin hoŋosi ay ki hu voɗ masira cora asi tlaɗta ki duk dlaasira cora lay.

DANYEL 11:33

Suu may suu neey dukusina hin haɗ suuna bolow cocoo, may asi hin casi ki u ŋgewegina, ŋgalasi kiyo, hin cuk suu ɦiw daŋgayna, ɦurumusi tlegeyesi ii buu ca lay.

DANYEL 11:35

Suu neey suu dukusina ɦiw asi hin casi kiyo, maɗ masina hin li ni a ɓivun ma mbuɗusi ki jivi teteɗna, mbuɗusi ki haɓpa ta ta hu buu ma daɓpa, kay nam hin tew ki ni buurum tuwa.

DANYEL 12:10

Suuna bolowo hin mbuɗ ki jiviya, hin mbuɗ ki haɓpa. Suu cona hin li ni dlaasira cora, sana dew lay hin ka wi u boy nammaɗi, suu neeyna hin hum u boy namma ni asiya.

MATIYE 13:43

Suu hum vun Lonna hin weleɗ ko faɗta na hu Mulla vi Busira. Agi li huma ni, humugi ki jiviya.»

MATIYE 19:28

Yesu dasi ana, «An ka dagi gasira ha ɗaŋ. Falira Goŋ Sanna hin kak kay dlamba mulla hu bibiŋilla vi Bumba, kay tlesuu wilinara wanni, agi suu doogo yam mba' suu tuɗ unna, agi hin kak a ka ii ɓakŋa kay dee suu Israel suu doogo yam mbana may.

MATIYE 24:45

«Sa ma neey ma li sunda jivina ni gege? Ni sa malamma ɦam sunda kom halaŋŋa, nam ɓorow tlena maŋ ndarayamma ni nam lay.

Boy Ma Ayra Ma JAŊ Ɓiirimma 4:36

Sa feɗ wana hu senena, nam fi ki ni warak mamba da, nam tok ii wana ni kay iirira bay daɓpa. Ni kay ndaɗta, sa feɗ wana may, sa zaa wana may, asi furi ni ko tasi dew.

Boy Ma Ayra Ma JAŊ Ɓiirimma 5:35

Jaŋŋi ko pindilla tuɗ ni fok suuna a asi wi kiɗikka na. Agi vi dla ndaɗta ay ki kagi a li ayra u kiɗik mamba lay.

SUNDA 13:1

Duk suu vi Kristuna hu Antiok ni suu jok vun Lona u suu haɗ suuna kaa, Barnabas u Simeon (ma asi yam ana Warna) Lusiyus ma Sirenna, Manaen, ma wul ay vo vi mulna Herodna, u Sol.

1 KORINTNA 3:10

U oora vi Lona ta nam ɦandara, an li sunda vi Lona ko sa ma yalna na, gi u zira. Ni sa ma daŋŋa hin min kamɗu. Gegelay ni gol jiviya kay va ma nam minim kayamma.

EFESNA 4:11

Sa ma ɦal ɦala maŋ suunana suu ɦiw nam ɦasi a suu vovoɗta, suu hiŋŋa a suu jok vun Lona, suu ɦiw a suu di Boy ma Ayra, suu ɦiw a suu pastergina, u suu haɗ suuna.

HEBRENA 5:12

Lina jak ki ni ŋgolo a agi mbuɗ a suu haɗ suuna may, doli agi min ni Boy Lonana ma haɗam ay jewna olo. A ti fu ma eŋŋa, magira ni agi min ana ɦagi ni mbira a cira.

2 PIYER 3:15

Lalamba vi Bu Suunara ni ko voɗta suɗuygira na, ni kay ndaɗta wayaygi ma banaygina, Pol, ɓiirigi boy namma u yal ma Lona ɦammana.

WIRA ŊGAYRA 1:20

Aŋ golla ni u boy ma ŋgay kay ciciwra kiɗisiya aŋ wanda kon ma njufnara, u va ma gaɓ lamba kamma kiɗisiya u lor. Ciciwra kiɗisiyara ni suu sunda huulona kay suu vi Kristuna kiɗisiya may, va ma gaɓ lamba kamma kiɗisiya ni suu vi Kristuna kiɗisiya.»

SUU KAƁAKŊA 5:31

«Yawe suu babali maŋsina ba ni ko ndaɗta na. Ko banayaŋŋa lini ko faɗta day ay kolo u saɓak maɗnara na may.» Mbassa vi suu Israelna fi koɗ tara ta ta basara dok-fiɗi.