DANYEL 12:10 - Boy Lonana

¹⁰ Suuna bolowo hin mbuɗ ki jiviya, hin mbuɗ ki haɓpa. Suu cona hin li ni dlaasira cora, sana dew lay hin ka wi u boy nammaɗi, suu neeyna hin hum u boy namma ni asiya.

DANYEL 12:10 ပူးပေါင်းရင်းမြစ်များ

WIRA ŊGAYRA 22:11

Sa ma cona li coomba tuwa, sa ma njenjena hinim li njenje mamba tuwa, sa ma jivina hinim li jivi mamba may, sa ma ki teteɗna hinim li teteɗ mamba may.»

DANYEL 11:35

Suu neey suu dukusina ɦiw asi hin casi kiyo, maɗ masina hin li ni a ɓivun ma mbuɗusi ki jivi teteɗna, mbuɗusi ki haɓpa ta ta hu buu ma daɓpa, kay nam hin tew ki ni buurum tuwa.

Magaara Vi Sa Jok Vun Lona OZE 14:9

Efrayim, va ma an hin lam u fulinana ni me ologe? Anni sa hoŋom dirana, ni sa ka golomma lay. An tanda ni ko ndal ŋgusu sipre na humum ka ɗuf tew tewna na, vuɗuŋ col ay ni egenu.

Boy Ma Ayra Ma JAŊ Ɓiirimma 8:47

Sa vi Lonna nam hummi boy ma vi Lonna, agi ka suu vi Lonnaɗi ni agi ndak humum boy mammaɗi.»

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.

Boy Ma Ayra Ma JAŊ Ɓiirimma 7:17

Sa min a li minda vi Lona hin wi ana haɗ manda col ay ni vi Lona, ɗowba an ɓakŋi u saɓak manna kay tanu.

Boy Ma Ayra Ma LUK Ɓiirimma 24:25

Yesu dasi ɗaŋ ana, «Suu laɓa agina tagi nekka a tin hurugi kay dlara suu jok vun Lona dagira.

ZAKARI 13:9

Suu hin asina an tukusi u kura. An hin yoorosi ki ko suuna yoo doonora na, an hin yoorosi ki ko suuna yoo lorra na. Asi hin yan sen may, an hin humusi may. An hin di ana, «Ni suu mansina.» Asi hin di ana, «Loonna ni Yawe.»

WIRA ŊGAYRA 3:18

An min neeŋu gus lor ay yoori u kura gaw, kay aŋ mba mbuɗ begee. Gus baraw ma haɓma a cuk taŋga siilira kay baa zolo maŋŋa. Gus guna kay iriŋu kay aŋ mbuɗ wiya.

VUN ŊGOLNA 1:5

Ko suu wi dlara huma, zul u wiisira foko, sa ma neeyna haɗ yal ma tuɗ fok suuna may.

1 PIYER 1:7

las ndaɗta ni a tukugi saɓak viigira. Lorra ni vara daɓ kira asi ka yooroɗ u kura kay a mbuɗuɗ eŋe. Na may viigira ni su lorra, lassa lagira ni kay a tukugi ana ndaɗ coli eŋ su. Hu buu ma Yesu hin a mbana wanni hin geleɗegiya, ŋgaagiya, ɦagi ŋgolla.

DANYEL 11:33

Suu may suu neey dukusina hin haɗ suuna bolow cocoo, may asi hin casi ki u ŋgewegina, ŋgalasi kiyo, hin cuk suu ɦiw daŋgayna, ɦurumusi tlegeyesi ii buu ca lay.

EZEKIYEL 47:11

Na may ɦoora keŋ lumma Galakŋara ka mbuɗ jivi koɗɗi. Hiniɗ ndaɗta ni a ɗog vuvuna hura.

WIRA ŊGAYRA 19:14

Suu duu suu kolo huulona tuɗ umu asi fuli kay kulumi suu haɓagina, baraw ma haɓ kew kewna cuki tasiya, ni baraw ma teteɗna.

WIRA ŊGAYRA 19:8

Haɗ voɗta ndaɗ cuk baraw ma jivi ma weleɗ cocona taɗu.» Baraw ma jivina ko sunda ɗegeera vi suu vi Lonna na.

WIRA ŊGAYRA 16:11

Asi ŋgul Lona ma kolona ko ti tara ka lasira u mbil ma ka egesina, na lay ni asi ko jok hurusi kay dlaasira coraɗi.

1 PIYER 1:22

Agi mbuɗugi ki pasiyakŋi kay agi hum u gasira, kay a minigi gorsegi suu vina, minigi tagiya tagiya u hurugi halaŋ u minda ka mbuɗɗira.

HEBRENA 12:10

Somoyoygi suu kay ndaŋgarana gaɗaygi ni kay a kak njoka ɦawaa, ni kay dlara gol irisi jivira. Lona gaɗaygi ni kay jivira aygi hin faɗta, kay ana aygi mba taɓ u nam hu teteɗ mamba.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

2 KORINTNA 7:1

Banayanna vi vun ma namma halaŋŋi maygi aygiya, laygi taygi ki teteɗ u tlesuu ɓeŋ ta sana u iiri mamba, sooygi taygi ki kay a kak teteɗ u ndaana vi Lona.

1 KORINTNA 6:11

Suu ɦiw ay dukugi ko ndaɗta na. Coosira mbus ki wa, agi hin tagi kini maŋ Lona, agi mbuɗ ki cecemi ɗegee fok Lona u sem Yesu Kristu, u Musuk Lonara.

Boy Ma Ayra Ma JAŊ Ɓiirimma 18:37

Pilat hin dam ana, «Na ɗaŋŋi, aŋŋi mulna su?» Yesu hoŋom dira ana «Aŋ di ana anni mulna. An vuɗ hu duliyara ni a ɓakŋi dlara gasira. Sa min gasira hum dlara an daɗta.»

MARK 4:11

Nam hoŋosi dira ana, «Agi ni suu may suu Lona gagi u boy ma ŋgay kay Mul mamba ki na, maŋ suu hiŋŋa an tinisi ndal boyna.

DANYEL 12:3

Suu may suu neeyna tasi hin weleɗ ko huulona na, asi suu mbuɗ suuna ki jivi bolow coco ko ndal ciciwra na a fafaɗtana.

EZEKIYEL 36:25

An hin yorokogi yo ma teteɗna kagiya. Agi hin mbuɗ ki teteɗ. An hin mbusugi ki ko dlaagira njenjera halaŋ, ko ɓivun ma agi goɓ fulinana lay.

EZAYI 1:18

Yawe di ana, Mbaagi ay ɓakaygi boyna. Lini co magira tlawra na keŋ keŋ lay ni, ndaɗ hin mbuɗuɗ ki haɓpa ko fuɗta na. Lini ndaɗ tlaw ko busuna na lay ni, ndaɗ hin mbuɗuɗ ki haɓpa ko baraw haɓma na.

SOOLLA 107:43

Sa ma min a mbuɗ yalna ni gege? Nam gol tlesuu li asina jiviya, a suuna wi jivira vi Yawe ki jivi may.

SOOLLA 51:7

An vuɗ ni hu dla cora, sun van wiirinni hu dla cora lay.

1 SAMUEL 24:13

Ko Yawe kaɓak namma duk ɦoŋoy u aŋŋi namu. Na may an hin ka laŋ dla co egeŋgi.

MALASI 3:3

Nam hin kak kaŋga kay a yoo tusuna ki may, mbusum ki teteɗ may. Nam hin mbus goryoŋ Levina ki teteɗ. Nam hin ɦokosi ki ko ndal suuna ɦok doonora u lorra kira na. Suu may suu ɦam tlena a ɓivunna ko nam minda nana hin li ni suu vi Yawena.